ຈຸດເດັ່ນໃນແຜນການຮ່ວມມືພັດທະນານະຄອນ ບິ່ງດິ່ງ

ແຂວງບິ່ງດິ້ງ ແລະ ນະຄອນໂຮ່ຈິມິນ ຈະປະຕິບັດຂໍ້ຕົກລົງຮ່ວມມືຮອບດ້ານໃນຫຼາຍຂົງເຂດ, ຈາກອຸດສາຫະກຳ, ການຄ້າ, ການລົງທຶນ, ການທ່ອງທ່ຽວ, ສາທາລະນະສຸກ...

Hợp tác phát triển kinh tế Bình Định - TP.HCM trên các trụ cột nào? - Ảnh 1. — ທ່ານປະທານຄະນະກຳມະການປະຊາຊົນແຂວງ ບິ່ງດິ້ງ, ທ່ານ ຟ້າມແອງຕວນ (ຊ້າຍ) ມອບໃບຢັ້ງຢືນການລົງທຶນໃຫ້ບັນດາວິສາຫະກິດຢູ່ກອງປະຊຸມສົ່ງເສີມການລົງທຶນ 2024 ລະຫວ່າງຄະນະກຳມະການປະຊາຊົນນະຄອນໂຮ່ຈິມິນ ແລະ ແຂວງເຂດທະເລພາກກາງເມື່ອວັນທີ 10/10/2024 - ພາບ: TAN LUC

ກປ.ອອນໄລ - ວັນທີ 21 ກຸມພາ, ຄະນະກຳມະການປະຊາຊົນແຂວງ ບິ່ງດິ່ງ ໃຫ້ຮູ້ວ່າ, ໄດ້ຜັນຂະຫຍາຍແຜນການຜັນຂະຫຍາຍບັນດາການເຄື່ອນໄຫວຮ່ວມມືພັດທະນາເສດຖະກິດ - ສັງຄົມລະຫວ່າງນະຄອນໂຮ່ຈີມິນ ແລະ ແຂວງບິ່ງດິ້ງ ໃນປີ 2025.

ບັນດາໂຄງການຮ່ວມມືລະຫວ່າງສອງທ້ອງຖິ່ນໄດ້ຮັບການປະຕິບັດໂດຍອີງໃສ່ສັນຍາຮ່ວມມືພັດທະນາເສດຖະກິດ - ສັງຄົມລະຫວ່າງນະຄອນໂຮ່ຈິມິນ ແລະ ບັນດາແຂວງແຄມທະເລພາກກາງໄລຍະ 2023 - 2025 ທີ່ໄດ້ລົງນາມກ່ອນໜ້ານັ້ນ.

ຕາມຄະນະກຳມະການປະຊາຊົນແຂວງ ບິ່ງດິ້ງ ແລ້ວ, ບັນດາການເຄື່ອນໄຫວໃນແຜນການຮ່ວມມືຈະກຳນົດບັນດາເນື້ອໃນຂອງຂໍ້ຕົກລົງລະຫວ່າງ 2 ຝ່າຍໃນບັນດາຂົງເຂດຄື:

ເຊື່ອມຕໍ່ການສະໜອງ ແລະ ຄວາມຕ້ອງການຂອງສິນຄ້າ, ພັດທະນາອຸດສາຫະກຳ, ການສົ່ງເສີມການຄ້າ ແລະ ການລົງທຶນ, ການທ່ອງທ່ຽວ, ວິທະຍາສາດເຕັກໂນໂລຊີ, ກະສິກຳ, ຄົມມະນາຄົມຂົນສົ່ງ, ການສຶກສາ ແລະ ບຳລຸງສ້າງ, ສາທາລະນະສຸກ...

ຜ່ານໂຄງການຮ່ວມມື, 2 ຝ່າຍຈະສ້າງການພົວພັນຮ່ວມມືແບບຍືນຍົງລະຫວ່າງບັນດາທ້ອງຖິ່ນ, ນຳມາເຊິ່ງຜົນປະໂຫຍດຕົວຈິງໃຫ້ແກ່ການພັດທະນາເສດຖະກິດ - ສັງຄົມຂອງແຕ່ລະທ້ອງຖິ່ນ. ພ້ອມກັນນັ້ນ, ຍູ້ແຮງບົດບາດຂອງວິສາຫະກິດ, ສ້າງລະບົບຕ່ອງໂສ້ການສະໜອງໃຫ້ແກ່ການພັດທະນາເສດຖະກິດຢ່າງວ່ອງໄວ ແລະ ຍືນຍົງ.

ບັນດາເນື້ອໃນທີ່ຄາດວ່າຈະໄດ້ຮັບການປະຕິບັດລະຫວ່າງສອງຝ່າຍລວມມີ: ກອງປະຊຸມສົ່ງເສີມການລົງທຶນ ແລະ ໂຄສະນາຮູບພາບ, ເນື້ອໃນຂ່າວກ່ຽວກັບສະພາບແວດລ້ອມແຫ່ງການລົງທຶນຂອງແຂວງ ບິ່ງດິ້ງ; ໜູນຊ່ວຍການຈັດຕັ້ງງານວາງສະແດງສິນຄ້າແຂວງ ບິ່ງດິ້ງ ຢູ່ນະຄອນ ໂຮ່ຈີມິນ;

ຮ່ວມມືເຊື່ອມຕໍ່ ແລະ ພັດທະນາເສັ້ນທາງທ່ອງທ່ຽວລະຫວ່າງນະຄອນ ໂຮ່ຈີມິນ ແລະ ແຂວງ ບິ່ງດິ້ງ; ປະຕິບັດສັນຍາຮ່ວມມືພັດທະນາຂະແໜງສາທາລະນະສຸກລະຫວ່າງນະຄອນໂຮ່ຈິມິນ ກັບບັນດາແຂວງ ແລະ ເຂດແຄມທະເລພາກກາງຮອດປີ 2025;

ສະໜັບສະໜູນການແລກປ່ຽນບົດຮຽນໃນການຄຸ້ມຄອງຕົວເມືອງ, ເມືອງສະຫຼາດ, ເມືອງຕົວແບບຢູ່ນະຄອນໂຮ່ຈິມິນ; ໜູນຊ່ວຍແຂວງ ບິ່ງດິ້ງ ໃນວຽກງານປະກັນສັງຄົມ, ກໍ່ສ້າງເຮືອນໃຫ້ຄອບຄົວທຸກຍາກ, ດ້ອຍໂອກາດ.

ທີ່ມາ: https://tuoitre.vn/nhung-diem-nhan-trong-ke-hoach-hop-tac-phat-trien-binh-dinh-tp-hcm-nam-2025-2025022111165261.htm