ການປ້ອງກັນຢາເສບຕິດ "ປອມຕົວ" ເປັນເຂົ້າຫນົມອົມ, ເຄື່ອງດື່ມ, ແລະຢາສູບເອເລັກໂຕຣນິກ

ວັນທີ 27 ພຶດສະພານີ້, ຫ້ອງວ່າການລັດຖະບານໄດ້ອອກເອກະສານກ່ຽວກັບການຈັດຕັ້ງປະຕິບັດເດືອນປະຕິບັດການປ້ອງກັນແລະຄວບຄຸມຢາເສບຕິດປີ 2024.

ຕາມນັ້ນແລ້ວ, ທ່ານຮອງນາຍົກລັດຖະມົນຕີ ເຈີ່ນດ້າຍກວາງ, ປະທານຄະນະກຳມະການຕ້ານພະຍາດເອດ, ຕ້ານຢາເສບຕິດ ແລະ ການຄ້າປະເວນີແຫ່ງຊາດ ໄດ້ຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖິ່ນຊີ້ນຳການຈັດຕັ້ງປະຕິບັດເດືອນເຄື່ອນໄຫວສະກັດກັ້ນ ແລະ ຕ້ານຢາເສບຕິດ ແຕ່ວັນທີ 1 – 30 ມິຖຸນາ ດ້ວຍຫົວຂໍ້ “ຮ່ວມແຮງຮ່ວມໃຈກໍ່ສ້າງບ້ານປອດຢາເສບຕິດ, ຄຸ້ມເມືອງ”.

ທ່ານຮອງນາຍົກລັດຖະມົນຕີ ໄດ້ມອບໝາຍໃຫ້ກະຊວງປ້ອງກັນຄວາມສະຫງົບ ເປີດກ້ວາງການບຸກໂຈມຕີ ແລະ ສະກັດກັ້ນອາດຊະຍາກຳທີ່ກ່ຽວຂ້ອງເຖິງຢາເສບຕິດໃນທົ່ວປະເທດ; ສຸມໃສ່ຕໍ່ສູ້ ແລະ ລົບລ້າງຈຸດສຸມຢາເສບຕິດທີ່ສັບສົນ ແລະ ທີ່ຕັ້ງຢູ່ບັນດາຕາແສງ, ຄຸ້ມເມືອງ, ເມືອງ; ສືບສວນ ແລະ ທຳລາຍບັນດາອົງການ ແລະ ເຄືອຂ່າຍການຄ້າຢາເສບຕິດ ແລະ ການຂົນສົ່ງລະຫວ່າງບັນດາແຂວງ ແລະ ໃນທົ່ວປະເທດ; ຍຸບເຄືອຂ່າຍທັງໝົດ, ຈັບຕົວຈາກຫົວຫົວໂຈນໄປຫາຜູ້ຂາຍຍ່ອຍ.

ກະຊວງ ປທສ ຊີ້ນໍາໃຫ້ຕໍາຫຼວດທ້ອງຖິ່ນກວດກາຄືນ, ສັງລວມສະຖິຕິ, ວິເຄາະ, ຕີລາຄາສະພາບການຜູ້ຕິດຢາເສບຕິດ ແລະ ຜູ້ເສບຢາເສບຕິດຜິດກົດໝາຍ, ໂດຍສະເພາະແມ່ນປະກົດການຫຍໍ້ທໍ້ ແລະ “ຂີ້ລັກ”; ຈາກນັ້ນ, ສະເໜີແຜນການຄຸ້ມຄອງຢ່າງເຂັ້ມງວດ, ໂດຍສະເພາະແມ່ນບັນດາຈຸດສໍາຄັນ, ຊັບຊ້ອນທີ່ມີຄົນງານເປັນຈໍານວນຫຼວງຫຼາຍ, ເຂດອຸດສາຫະກໍາ ແລະ ສົ່ງອອກ, ເຂດໂຄງການກໍ່ສ້າງຕົວເມືອງໃຫຍ່...; ສືບຕໍ່ປະຕິບັດຢ່າງມີປະສິດທິຜົນວຽກງານກຳນົດສະຖານະການເສບຕິດ, ສ້າງບົດບັນທຶກ ແລະ ນຳໃຊ້ມາດຕະການປິ່ນປົວຜູ້ຕິດຢາເສບຕິດຢ່າງເໝາະສົມ.

ກະຊວງສຶກສາ ແລະ ບຳລຸງສ້າງ, ຄະນະຊາວໜຸ່ມສູນກາງ ແລະ ສະຫະພັນແຮງງານຫວຽດນາມ ຊີ້ນຳການຈັດຕັ້ງປະຕິບັດວຽກງານປ້ອງກັນ ແລະ ຄວບຄຸມຢາເສບຕິດໃຫ້ແກ່ພະນັກງານ, ສະມາຊິກສະຫະພັນ, ນັກຮຽນ, ຜູ້ອອກແຮງງານ ໂດຍສຸມໃສ່ໂຄສະນາກ່ຽວກັບຜົນຮ້າຍຢ້ອນຫຼັງ ແລະ ຄວາມເສຍຫາຍຂອງຢາເສບຕິດ; ກົນອຸບາຍຊັກຈູງ ແລະ ຊັກຊວນໃຫ້ໄວລຸ້ນໃຊ້ຢາເສບຕິດ ໂດຍສະເພາະຢາສັງເຄາະ ແລະ ຢາເສບຕິດ “ປອມ” ເປັນອາຫານເຊັ່ນ: ເຂົ້າໜົມ, ເຄື່ອງດື່ມ, ຢາສະໝຸນໄພ, ຢາສູບອີເລັກໂທຣນິກ ແລະ ວິທີແກ້ໄຂເພື່ອປ້ອງກັນ ແລະ ສະກັດກັ້ນ.

ກອງບັນຊາການ ປກສ ແຂວງ, ເທດສະບານ ຊີ້ນຳບັນດາກຳລັງວິຊາສະເພາະ, ໂດຍມີຫຼັກແຫຼ່ງແມ່ນກຳລັງຕຳຫຼວດ, ແກ້ໄຂຢ່າງເຂັ້ມງວດ, ສະກັດກັ້ນອາດຊະຍາກຳຢາເສບຕິດ, ທຳລາຍຈຸດນັດພົບ ແລະ ເຕົ້າໂຮມຢາເສບຕິດທີ່ສັບສົນ; ຄວບຄຸມບັນດາການເຄື່ອນໄຫວທາງກົດໝາຍທີ່ກ່ຽວຂ້ອງກັບຢາເສບຕິດຢ່າງເຂັ້ມງວດ; ກວດກາ ແລະ ມີການແກ້ໄຂການຄຸ້ມຄອງທີ່ມີປະສິດທິຜົນໃຫ້ບັນດາພາກທຸລະກິດ ດ້ວຍເງື່ອນໄຂຄວາມປອດໄພ ແລະ ຄວາມເປັນລະບຽບຮຽບຮ້ອຍ, ບໍ່ໃຫ້ວິຊາການສວຍໂອກາດປະຕິບັດອາດຊະຍາກຳທີ່ກ່ຽວພັນກັບຢາເສບຕິດ.

ພ້ອມນີ້, ອຳນາດການປົກຄອງແຂວງ, ນະຄອນ ກໍ່ໄດ້ຊີ້ນໍາບັນດາອົງການທີ່ເຄື່ອນໄຫວສົມທົບກັບກອງບັນຊາການຕຳຫຼວດກວດກາຄືນ, ສັງລວມສະຖິຕິ, ຕີລາຄາສະພາບຜູ້ຕິດຢາເສບຕິດ ແລະ ຜູ້ເສບຢາເສບຕິດຜິດກົດໝາຍໃຫ້ຖືກຕ້ອງຕາມລະບຽບກົດໝາຍ ເພື່ອຄຸ້ມຄອງ, ເປັນຕົ້ນແມ່ນປະກົດການຫຍໍ້ທໍ້ ແລະ “ຂີ້ລັກ”, ສະກັດກັ້ນບໍ່ໃຫ້ເກີດປະກົດການຫຍໍ້ທໍ້ທີ່ສ້າງຄວາມເດືອດຮ້ອນ ແລະ ຄວາມເປັນລະບຽບຮຽບຮ້ອຍ.

ພູທອນ

ທີ່ມາ: https://www.sggp.org.vn/ngan-chan-ma-tuy-nup-bong-banh-keo-do-uong-thuoc-la-dien-tu-post741853.html