ສະຫະລັດ ອອກໝາຍຈັບ ມະຫາເສດຖີອິນເດຍ

ກະຊວງ​ຍຸຕິ​ທຳ​ສະຫະລັດ​ປະກາດ​ໃນ​ວັນ​ທີ 20 ພະຈິກ​ນີ້​ວ່າ ຕົນ​ໄດ້​ກ່າວ​ຟ້ອງ ​ແລະ​ອອກ​ໝາຍ​ຈັບ​ມະຫາ​ເສດຖີ​ອິນ​ເດຍ Gautam Adani ​ເປັນ​ມະຫາ​ເສດຖີ​ອັນ​ດັບ​ສອງ​ໃນ​ເອ​ເຊຍ ​ໃນ​ຂໍ້​ຫາ​ສົມ​ຮູ້​ຮ່ວມ​ຄິດ​ໃຫ້​ສິນ​ບົນ.

ເປັນຫຍັງສະຫະລັດຈຶ່ງອອກໝາຍຈັບມະຫາເສດຖີອິນເດຍ?

ໄອຍະການຂອງນະຄອນນິວຢອກກ່າວວ່າ ທ່ານ Adani ແລະຜູ້ນຳທຸລະກິດອາວຸໂສອີກ 7 ຄົນວາງແຜນທີ່ຈະໃຫ້ສິນບົນຫຼາຍກວ່າ 250 ລ້ານໂດລາ ໃຫ້ແກ່ເຈົ້າໜ້າທີ່ລັດຖະບານອິນເດຍ ເພື່ອຮັບເອົາສັນຍາໂຄງການພະລັງງານແສງຕາເວັນ.

ອຳນາດ​ການ​ປົກຄອງ​ສະຫະລັດ ຍັງ​ໄດ້​ກ່າວ​ຫາ​ມະຫາ​ເສດຖີ​ຂອງ​ອິນ​ເດຍວ່າ ສໍ້ໂກງ​ນັກ​ລົງທຶນ​ເພື່ອ​ລະດົມ​ທຶນ. Reuters ລາຍງານວ່າ ຜູ້ພິພາກສາສານນະຄອນນິວຢອກໃນວັນທີ 20 ພະຈິກນີ້ ໄດ້ອອກໝາຍຈັບທ່ານ ໂກຕອມ ອາດານີ ແລະຫຼານຊາຍ Sagar Adani. ກຸ່ມ Adani ທີ່​ສ້າງ​ຕັ້ງ​ຂຶ້ນ​ໂດຍ​ທ່ານ Gautam Adani ກ່າວ​ວ່າ ການ​ກ່າວ​ຫາ​ຂອງ​ອາ​ເມ​ລິ​ກາ​ແມ່ນ​ບໍ່​ມີ​ພື້ນ​ຖານ ແລະ​ຈະ​ດຳ​ເນີນ​ການ​ຕາມ​ກົດ​ໝາຍ.

ທີ່ມາ: https://thanhnien.vn/my-phat-lenh-bat-ti-phu-an-do-185241121215337765.htm