ອາເມລິກາສະເໜີເງື່ອນໄຂໃຫ້ອີຣານຟື້ນຟູການເຈລະຈານິວເຄຼຍ

ວັນທີ 26 ກັນຍານີ້, ກະຊວງການຕ່າງປະເທດອາເມລິກາຢືນຢັນວ່າ: ອີຣານຕ້ອງດຳເນີນມາດຕະການ "ຫຼຸດຜ່ອນຄວາມເຄັ່ງຕຶງ" ໂຄງການນີວເຄຼຍຂອງຕົນ ຖ້າຫາກຢາກສ້າງພື້ນຖານການເຈລະຈາກັບວໍຊິງຕັນ, ລວມທັງການຮ່ວມມືກັບອົງການພະລັງງານປະລະມານູສາກົນ (IAEA).

Mỹ nêu điều kiện để khôi phục đàm phán với Iran về hạt nhân

ໂຄສົກກະຊວງການຕ່າງປະເທດສະຫະລັດ ທ່ານ Matthew Miller. (ທີ່ມາ: PTI)

ທີ່ກອງປະຊຸມຂ່າວໃນວັນທີ 26 ກັນຍານີ້, ໂຄສົກກະຊວງການຕ່າງປະເທດອາເມລິກາ Matthew Miller ໃຫ້ຮູ້ວ່າ: ອີຣານຕ້ອງມີມາດຕະການເພື່ອແກ້ໄຂຄວາມເຄັ່ງຕຶງ ຖ້າຫາກຢາກຫຼຸດຜ່ອນຄວາມເຄັ່ງຕຶງແລະສ້າງຊ່ອງຫວ່າງທາງການທູດ.

ໃນບໍ່ເທົ່າໃດອາທິດທີ່ຜ່ານມາ, ພວກເຮົາໄດ້ເຫັນອີຣ່ານເອົາບາດກ້າວເພື່ອທຳລາຍຄວາມສາມາດຂອງ IAEA ໃນການເຮັດວຽກຂອງຕົນ. ສະນັ້ນ ຖ້າອີຣ່ານຈິງຈັງໃນການດຳເນີນບັນດາບາດກ້າວຫຼຸດຜ່ອນຄວາມເຄັ່ງຕຶງ, ສິ່ງທຳອິດທີ່ເຂົາເຈົ້າສາມາດເຮັດໄດ້ແມ່ນການຮ່ວມມືກັບ IAEA.”

ຕາມທ່ານ Miller ແລ້ວ, ບັນດາບາດກ້າວທີ່ກ່າວມາຂ້າງເທິງນີ້ຖືກເຫັນວ່າແມ່ນທ່າອຽງທີ່ມີທ່າແຮງໃນການດຳເນີນການເຈລະຈາລະຫວ່າງອາເມລິກາກັບອີຣານຄືນໃໝ່, ບໍ່ວ່າຈະກ່ຽວຂ້ອງເຖິງໂຄງການນິວເຄຼຍຂອງ Tehran ໂດຍກົງ ຫຼື ທາງອ້ອມ. ຢ່າງໃດກໍ່ຕາມ, ເຈົ້າໜ້າທີ່ບໍ່ໄດ້ເປີດເຜີຍລາຍລະອຽດເພີ່ມເຕີມ.

ນີ້ແມ່ນຄັ້ງທີ 2 ໃນຊຸມມື້ມໍ່ໆມານີ້ທີ່ ວໍຊິງຕັນ ໄດ້ປະນາມເຕເຮຣານ ກ່ຽວກັບການຕັດສິນໃຈຫ້າມຜູ້ກວດກາ IAEA ຫຼາຍຄົນຖືກມອບໝາຍໃຫ້ປະຕິບັດໜ້າທີ່, ກີດຂວາງວຽກງານຂອງອົງການຕິດຕາມກວດການິວເຄຼຍຂອງ ສປຊ ກ່ຽວກັບບັນຫານິວເຄຼຍຂອງອີຣານ.

ອາເມລິກາ ແລະ ບັນດາປະເທດພັນທະມິດຝ່າຍຕາເວັນຕົກເປັນຫ່ວງວ່າໂຄງການນິວເຄຼຍຂອງ Tehran ອາດຈະເປັນການປົກຫຸ້ມຂອງການພັດທະນາອາວຸດນິວເຄຼຍ, ແຕ່ອີຣານໄດ້ປະຕິເສດບັນດາຂໍ້ກ່າວຫານີ້ຕະຫຼອດມາ.

ທີ່ມາ