ຢືນຢັນການສະໜັບສະໜູນບົດບາດໃຈກາງຂອງອາຊຽນ

ວັນທີ 25 ກໍລະກົດນີ້, ຢູ່ນອກກອງປະຊຸມລັດຖະມົນຕີການຕ່າງປະເທດອາຊຽນຢູ່ລາວ, ທ່ານເຊີເກ ແລັຟຣອຟ, ລັດຖະມົນຕີວ່າການກະຊວງການຕ່າງປະເທດຣັດເຊຍແລະທ່ານວາງຢີ້, ລັດຖະມົນຕີວ່າການກະຊວງການຕ່າງປະເທດຈີນໄດ້ດຳເນີນການພົບປະສອງຝ່າຍເປັນເວລາ 40 ນາທີ.

Ngoại trưởng Nga, Trung Quốc gặp gỡ bên lề Hội nghị ASEAN

ວັນທີ 25 ກໍລະກົດນີ້, ທ່ານລັດຖະມົນຕີການຕ່າງປະເທດຣັດເຊຍ Sergei Lavrov (ຊ້າຍສຸດ) ແລະ ທ່ານ Wang Yi (ຂວາສຸດ) ໄດ້ມີການເຈລະຈາຢູ່ນອກກອງປະຊຸມລັດຖະມົນຕີການຕ່າງປະເທດອາຊຽນຢູ່ລາວໃນວັນທີ 25 ກໍລະກົດນີ້. (ແຫຼ່ງຂ່າວ: AFP)

ຕາມຂ່າວສານ ຊິນຮວາ : ທີ່ການພົບປະ, ທ່ານຫວາງຢີ້, ລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ການພົວພັນລະຫວ່າງຈີນກັບຣັດເຊຍເປັນເອກະພາບກັນ, ໝັ້ນຄົງ, ຍືນຍົງ ແລະເປັນເອກະລາດ, ມີຄວາມໄວ້ເນື້ອເຊື່ອໃຈກັນທາງດ້ານການເມືອງ.

2 ຝ່າຍໄດ້ເພີ່ມທະວີການສົມທົບກັນດ້ານຍຸດທະສາດຢ່າງເລິກເຊິ່ງ, ມີແງ່ຫວັງກວ້າງຂວາງໃນການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ, ການແລກປ່ຽນປະຊາຊົນຢ່າງແໜ້ນແຟ້ນ ແລະ ການຮ່ວມມືສາກົນທີ່ມີລັກສະນະສ້າງສັນ.

ທ່ານລັດຖະມົນຕີວ່າການກະຊວງການຕ່າງປະເທດຈີນຢືນຢັນວ່າ, ປັກກິ່ງຍິນດີຮ່ວມກັບມົສກູຮັກສາຄວາມມຸ່ງມາດປາດຖະໜາຂອງການພົວພັນມິດຕະພາບທີ່ເປັນມູນເຊື້ອອັນຍາວນານແລະບ້ານໃກ້ເຮືອນຄຽງທີ່ດີ, ສະໜັບສະໜູນເຊິ່ງກັນແລະກັນຢ່າງແຂງແຮງ, ປົກປັກຮັກສາຜົນປະໂຫຍດຫຼັກຂອງເຊິ່ງກັນແລະກັນ, ເປັນຄູ່ຮ່ວມມືທີ່ດີໃນການພັດທະນາແລະຟື້ນຟູ.

ຄຽງຂ້າງນັ້ນ, ການຮ່ວມມືຍັງແນໃສ່ຮັບມືກັບສະຖານະການສາກົນທີ່ສັບສົນ, ຜັນແປ, ຄວາມບໍ່ໝັ້ນຄົງ ແລະ ສິ່ງກີດຂວາງຈາກພາຍນອກ.

ທ່ານຫວາງຢີ້ກ່າວວ່າ, ສອງປະເທດສາມາດຮັກສາການພົວພັນແລະປະສານງານການຮ່ວມມືໃນພາກພື້ນອາຊີຕາເວັນອອກ, ຈີນຍິນດີຮ່ວມມືກັບຣັດເຊຍເພື່ອຮັບປະກັນໂຄງປະກອບການຮ່ວມມືພາກພື້ນອາຊຽນທີ່ເປັນໃຈກາງລວມ, ເປີດກວ້າງ, ຊຸກຍູ້ກົນໄກອາຊີຕາເວັນອອກໃນປະຈຸບັນໄດ້ຮັດແໜ້ນຄວາມເຫັນດີເຫັນພ້ອມຂອງການຮ່ວມມື, ເພື່ອສັນຕິພາບ, ສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນ.

ທ່ານລັດຖະມົນຕີການຕ່າງປະເທດລັດເຊຍ Sergei Lavrov ໃຫ້ຮູ້ວ່າ, ພາຍໃຕ້ການຊີ້ນຳຍຸດທະສາດຂອງປະມຸກລັດສອງປະເທດ, ລັດເຊຍ ແລະ ຈີນ ໄດ້ຮັກສາການພົວພັນຢ່າງໃກ້ຊິດ, ເພີ່ມທະວີການສົມທົບກັນດ້ານຍຸດທະສາດ, ຮ່ວມກັນປົກປັກຮັກສາຄວາມເປັນລະບຽບຮຽບຮ້ອຍສາກົນທີ່ຍຸດຕິທຳ, ປະຕິບັດລັດທິຫຼາຍຝ່າຍຢ່າງແທ້ຈິງ, ແລະ ໄດ້ເພີ່ມທະວີການກໍ່ສ້າງໂລກຫຼາຍຂົ້ວ.

ທ່ານລັດຖະມົນຕີວ່າການກະຊວງການຕ່າງປະເທດຣັດເຊຍຢືນຢັນວ່າ, ມົດສະກູຈະຮ່ວມມືກັບປັກກິ່ງເພື່ອສະໜັບສະໜູນບົດບາດໃຈກາງຂອງອາຊຽນ, ສະກັດກັ້ນການແຊກແຊງແລະຮຸກຮານຈາກກຳລັງພາຍນອກ.

ທີ່ມາ: https://baoquocte.vn/cac-ngoai-truong-nga-trung-quoc-gap-mat-khang-dinh-ung-ho-vai-tro-truong-tam-cua-asean-280136.html