ໄຂງານບຸນອາຫານກວາງນິງ 2024

ຕອນຄ່ຳວັນທີ 26/12, ຢູ່ສະໜາມຫຼວງ Sun Carnival Plaza (ຕາແສງ ບ໋າຍເຈ່ຍ, ນະຄອນ ຮ່າໂນ້ຍ), ໄດ້ດຳເນີນພິທີໄຂງານບຸນອາຫານການກິນ ກວາງນິງ ປີ 2024 ດ້ວຍຫົວຂໍ້ວ່າ “ກວາງນິງ - ຈຸດໝາຍແຫ່ງການປຸງແຕ່ງອາຫານ”.

ເຂົ້າຮ່ວມງານບຸນ ມີສະຫາຍ ຟ້າມວັນທຸຍ, ຮອງຫົວໜ້າກົມຄຸ້ມຄອງການທ່ອງທ່ຽວແຫ່ງຊາດ ຫວຽດນາມ ພ້ອມດ້ວຍຜູ້ຕາງໜ້າການນຳບັນດາກົມທ່ອງທ່ຽວ, ກົມວັດທະນະທຳ - ກິລາ; ສູນຂໍ້ມູນຂ່າວສານສົ່ງເສີມການທ່ອງທ່ຽວ; ສະມາຄົມ, ວິສາຫະກິດ, ໂຮງແຮມ, ຮ້ານອາຫານ ກວາງນິງ ແລະ ບາງແຂວງ, ນະຄອນໃນທົ່ວປະເທດ.

[caption id="attachment_617331" align="aligncenter" width="683"]

[/caption]

ບັນດາຜູ້ແທນກົດປຸ່ມເປີດງານບຸນອາຫານການກິນ ກວາງນິງ 2024.

ງານບຸນອາຫານກວາງນິງດຳເນີນໄປເປັນເວລາ 3 ວັນແຕ່ວັນທີ 26-29/12/2024. ສືບຕໍ່ປະສົບຜົນສຳເລັດໃນວັນບຸນທີ່ຜ່ານມາ, Festival ອາຫານກວາງນິງ 2024 ແມ່ນໃຫຍ່ທີ່ສຸດທີ່ເຄີຍຈັດຕັ້ງ; ກາຍເປັນງານບຸນເພື່ອແນໃສ່ເຊີດຊູບັນດາຄຸນຄ່າວັດທະນະທຳ ແລະ ອາຫານທີ່ເປັນເອກະລັກສະເພາະຂອງແຂວງ ກວາງນິງ ກັບເພື່ອນມິດ ແລະ ນັກທ່ອງທ່ຽວທົ່ວໂລກ.

ງານມະໂຫລານອາຫານປີ 2024 ໄດ້ດຶງດູດ 130 ຫົວໜ່ວຍທີ່ມາຈາກ 32 ແຂວງ, ນະຄອນທີ່ຕາງໜ້າໃຫ້ 3 ພາກເໜືອ - ພາກກາງ - ໃຕ້ ເຂົ້າຮ່ວມດ້ວຍຈຳນວນ 200 ຮ້ານ. ໃນນັ້ນ, ແຂວງ ກວາງນິງ ມີ 65 ຫົວໜ່ວຍ ແລະ ວິສາຫະກິດຂຶ້ນທະບຽນເກືອບ 130 ຮ້ານ.

ທ່ານນາງ ຫງວຽນຮ່ວາງແອງ, ຫົວໜ້າພະແນກທ່ອງທ່ຽວແຂວງ ກວາງນິງ ໄດ້ມອບລາງວັນຄຳໃຫ້ພໍ່ຄົວ ຫງວຽນກວກຕວນ (ຂວາ) ດ້ວຍອາຫານ “Rươi kho Tu Ky – Hai Duong” ຂອງສະມາຄົມທ່ອງທ່ຽວບັນດາແຂວງແມ່ນ້ຳແດງ ແລະ ເປັນກຽດໃຫ້ພໍ່ຄົວ Tran Van Tuyet ດ້ວຍອາຫານ “Banh Pani Puri” ຈາກໂຮງແຮມ Saigon Ha Long.

ຜ່ານບັນດາການເຄື່ອນໄຫວຄື: ການແຂ່ງຂັນຕົບແຕ່ງບູດ, ການນຳສະເໜີກ່ຽວກັບອາຫານການກິນ, ພິເສດຂອງພາກພື້ນ, ຂາຍບັນດາຜະລິດຕະພັນ OCOP ໂດ່ງດັງ, ງານບຸນອາຫານໄດ້ແນະນຳໃຫ້ປະຊາຊົນ ແລະ ນັກທ່ອງທ່ຽວຮູ້ຈຸດທີ່ເປັນເອກະລັກສະເພາະຂອງການທ່ອງທ່ຽວກວາງນິງ, ທ່າແຮງດ້ານການທ່ອງທ່ຽວອາຫານເຍື່ອງ ແລະ ມຸ່ງໄປເຖິງການຍົກລະດັບ ແລະ ປ່ຽນໃໝ່ຜະລິດຕະພັນປຸງແຕ່ງອາຫານຂອງແຂວງ. ພ້ອມກັນນັ້ນ, ກໍ່ສ້າງກາລະໂອກາດໃຫ້ບັນດາທ້ອງຖິ່ນ ແລະ ນັກທຸລະກິດໄດ້ແລກປ່ຽນ ແລະ ຖອດຖອນບົດຮຽນເຊິ່ງກັນ ແລະ ກັນ ໃນການພັດທະນາ ແລະ ຂຸດຄົ້ນບັນດາຄຸນຄ່າວັດທະນະທຳອາຫານທີ່ຕິດພັນກັບການທ່ອງທ່ຽວ, ຍົກສູງຄຸນນະພາບການບໍລິການ ແລະ ປະສິດທິຜົນທຸລະກິດການທ່ອງທ່ຽວ.

ໃນຂອບເຂດຂອງງານບຸນ, ຍັງມີບັນດາລາຍການສະແດງສິລະປະທີ່ດຶງດູດໃຈ ດ້ວຍບັນດາລາຍການສະແດງທີ່ເຂັ້ມຂົ້ນໄປດ້ວຍສີສັນສິລະປະພື້ນເມືອງຂອງຊາວບັນດາເຜົ່າ, ສິລະປະຂັບຮ້ອງຊາວເຜົ່າຈຳ; Cheo ຮ້ອງເພງ; ເພງຮັກແພງຊາວປະມົງຢູ່ເຂດແຄມທະເລກວາງນິງ; ເກມພື້ນເມືອງ; ການສາທິດການປະສົມຄັອກເທນ, ການເຮັດເຄັກປາມຶກ ຮ່າລອງ ການສະແດງສິລະປະ...

ບັນດາຜູ້ແທນເຂົ້າຢ້ຽມຂ່ຳນັບຮ້ານວາງສະແດງ OCOP ກວາງນິງ.

ງານບຸນອາຫານແມ່ນຜະລິດຕະພັນ ທ່ອງທ່ຽວ ທີ່ດຶງດູດໃຈຂອງແຂວງ ກວາງນິງ. ເຫດການດັ່ງກ່າວເພື່ອແນໃສ່ສະແດງໃຫ້ເຫັນຄວາມມານະພະຍາຍາມ ແລະ ຄວາມຕັດສິນໃຈຂອງຂະແໜງທ່ອງທ່ຽວ ກວາງນິງ ໃນການຜ່ານຜ່າຄວາມຫຍຸ້ງຍາກພາຍຫຼັງຄວາມເສຍຫາຍຢ່າງໜັກໜ່ວງຈາກພະຍຸເລກ 3, ສືບຕໍ່ຂະຫຍັນຂັນເຄື່ອນ ແລະ ພັດທະນາເພື່ອເຮັດໃຫ້ກວາງນິງກາຍເປັນ “ແຫຼ່ງທ່ອງທ່ຽວ 4 ລະດູ” ທີ່ປອດໄພ, ເປັນມິດ ແລະ ດຶງດູດ. ຜ່ານນັ້ນ, ປະກອບສ່ວນສູ້ຊົນເພື່ອບັນລຸຄາດໝາຍຕ້ອນຮັບແຂກທ່ອງທ່ຽວ 20 ລ້ານເທື່ອຄົນຮອດປີ 2025, ໃນນັ້ນມີນັກທ່ອງທ່ຽວສາກົນ 4,5 ລ້ານເທື່ອຄົນ, ດ້ວຍຍອດລາຍຮັບການທ່ອງທ່ຽວບັນລຸ 50.000 ຕື້ດົ່ງ./.