JICA ສະໜັບສະໜູນການຊຸກຍູ້ຕະຫຼາດຫຸ້ນຂອງຫວຽດນາມຢ່າງມີປະສິດທິຜົນ

ທີ່ກອງປະຊຸມ, ພາຍຫຼັງການນຳສະເໜີຄະນະກຳມະການຫຼັກຊັບແຫ່ງລັດ, ຜູ້ຊ່ຽວຊານດ້ານການເງິນຂອງ JICA ຈາກອົງການບໍລິການການເງິນຍີ່ປຸ່ນ (IFSA) ແລະ ຫົວໜ້າຄະນະທີ່ປຶກສາຂອງ JICA ຈາກສະຖາບັນຄົ້ນຄວ້າ Daiwa ໄດ້ໃຫ້ການຕີລາຄາກ່ຽວກັບໂຄງການ ແລະ ແນະນຳແຜນການປະຕິບັດໂຄງການ.

ທ່ານ Satoru Kawasaki, ຮອງຜູ້ບັນຊາການຮັບຜິດຊອບວຽກງານສາກົນຂອງ JFSA ໄດ້ໃຫ້ຄຳເຫັນກ່ຽວກັບປະສົບການ ແລະ ບົດຮຽນໃນການພັດທະນາຕະຫຼາດຫຼັກຊັບ ຍີ່ປຸ່ນ, ໄດ້ນຳເອົາບົດຮຽນອັນລ້ຳຄ່າຫຼາຍຢ່າງໃຫ້ບັນດາຫົວໜ່ວຍທີ່ກ່ຽວຂ້ອງຢູ່ຫວຽດນາມ.

ໂຄງການຮ່ວມມືດ້ານວິຊາການນີ້ ເພື່ອແນໃສ່ເສີມຂະຫຍາຍກຳລັງຄວາມສາມາດຂອງຄະນະກຳມະການຫຼັກຊັບແຫ່ງລັດ ແລະ 3 ຕະຫຼາດຫຼັກຊັບ ຢູ່ຮ່າໂນ້ຍ ແລະ ນະຄອນໂຮ່ຈິມິນ ຜ່ານບັນດາການເຄື່ອນໄຫວຄື: ການປຶກສາຫາລືຢ່າງໃກ້ຊິດ ແລະ ການສ້າງຄວາມສາມາດໃນຫຼາຍບັນຫາທີ່ກ່ຽວຂ້ອງ.

ໂຄງການດັ່ງກ່າວ ໄດ້ສຸມໃສ່ຕິດຕາມ ແລະ ກວດກາຕະຫລາດຫລັກຊັບ, ຕິດຕາມກວດກາບັນດາສະຖາບັນຕົວກາງຕະຫຼາດ, ຄຸ້ມຄອງບັນຊີລາຍຊື່ ແລະ ການສະເໜີຂາຍຫລັກຊັບສາທາລະນະຕາມມາດຕະຖານສາກົນ ແລະ ຍົກສູງຄວາມຮັບຮູ້ກ່ຽວກັບຄວາມຮັບຜິດຊອບຂອງບໍລິສັດຈົດທະບຽນເພື່ອປົກປ້ອງນັກລົງທຶນ.

JICA ໜູນຊ່ວຍຍົກສູງປະສິດທິຜົນຂອງຕະຫຼາດຫຼັກຊັບຫວຽດນາມ ພາບທີ 1

ທ່ານ Sugano Yuichi, ຫົວໜ້າຜູ້ຕາງໜ້າອົງການຮ່ວມມືສາກົນຍີ່ປຸ່ນ (JICA) ປະຈຳ ຫວຽດນາມ, ກ່າວຄຳເຫັນທີ່ກອງປະຊຸມ. (ພາບ: JICA)

ນີ້ແມ່ນໂຄງການສືບຕໍ່ປະຕິບັດໂຄງການ “ເສີມຂະຫຍາຍຄວາມສາມາດເພື່ອປັບປຸງຄວາມເປັນທຳ ແລະ ຄວາມໂປ່ງໃສຂອງຕະຫຼາດຫຼັກຊັບ ຫວຽດນາມ” ໂດຍ JICA ໄດ້ຮັບການປະຕິບັດແຕ່ປີ 2019 – 2023.

ກ້າວເຂົ້າສູ່ໄລຍະໃໝ່, ໃນຂອບເຂດການປະຕິບັດ “ຍຸດທະສາດພັດທະນາຕະຫຼາດຫຼັກຊັບຫວຽດນາມ ຮອດປີ 2030”, ລັດຖະບານ ຍີ່ປຸ່ນ ສືບຕໍ່ສະໜັບສະໜູນບັນດາຄວາມມານະພະຍາຍາມຂອງລັດຖະບານຫວຽດນາມ ເພື່ອຍົກສູງຄວາມສາມາດຂອງບັນດາອົງການທີ່ກ່ຽວຂ້ອງ ແລະ ຍົກລະດັບຕະຫຼາດຫຼັກຊັບ, ຊຸກຍູ້ການພັດທະນາແບບຍືນຍົງໃນດ້ານເສດຖະກິດ ແລະ ສັງຄົມ.

ໂຄງການໃໝ່ນີ້ຍັງຊຸກຍູ້ຕະຫຼາດຫຸ້ນຂອງຫວຽດນາມໃຫ້ເຊື່ອມໂຍງເຂົ້າກັບຕະຫຼາດອາຊຽນ ແລະ ສາກົນຢ່າງເລິກເຊິ່ງ.

2 ທົດສະວັດຜ່ານມາ, JICA ໄດ້ໜູນຊ່ວຍລັດຖະບານຫວຽດນາມ ໃນການພັດທະນາເສດຖະກິດການຕະຫລາດ ແລະ ຊຸກຍູ້ການເຊື່ອມໂຍງເສດຖະກິດສາກົນຢ່າງເລິກເຊິ່ງກວ່າຜ່ານບັນດາໂຄງການຮ່ວມມືດ້ານເຕັກນິກ ແລະ ການເງິນ.

ຍີ່ປຸ່ນ ຈະສືບຕໍ່ໜູນຊ່ວຍຄະນະກຳມາທິການຫຼັກຊັບແຫ່ງລັດ, ຕະຫຼາດຫຼັກຊັບ ແລະ ບັນດາພາກສ່ວນທີ່ກ່ຽວຂ້ອງ ໂດຍຜ່ານການຮ່ວມມືດ້ານວິຊາການ ເພື່ອແນໃສ່ຊຸກຍູ້ຄວາມຍຸຕິທຳ, ໂປ່ງໃສ ແລະ ປະສິດທິຜົນຂອງຕະຫຼາດຫຼັກຊັບ ຫວຽດນາມ ໃນໄລຍະໃໝ່ແຫ່ງການຮ່ວມມືພັດທະນາ.

ທີ່ມາ: https://nhandan.vn/jica-ho-tro-thuc-day-hieu-qua-thi-truong-co-phieu-viet-nam-post832717.html