ອິນໂດເນເຊຍ ປາດຖະໜາຢາກແກ່ງແຍ້ງກັບ ຫວຽດນາມ ໃນການສົ່ງອອກເກີບໄປຍັງ EU

ອິນໂດເນເຊຍ ປາດຖະໜາຢາກມີສັນຍາການຄ້າກັບ EU ໂດຍໄວ ເພື່ອແຂ່ງຂັນກັບຫວຽດນາມ, ພິເສດແມ່ນການສົ່ງອອກເກີບໜັງ.

ທ່ານລັດຖະມົນຕີວ່າການກະຊວງເສດຖະກິດອິນໂດເນເຊຍ Airlangga Hartarto ໃຫ້ຮູ້ວ່າ: ປະຈຸບັນ ຫວຽດນາມ ມີສັນຍາການຄ້າເສລີກັບສະຫະພາບເອີລົບ (EVFTA), ແມ່ນບາງສິ່ງທີ່ປະເທດຕົນໄດ້ເບິ່ງມາເປັນເວລາຫຼາຍປີ.

EVFTA ໄດ້ຍົກເລີກ 99% ອັດຕາພາສີ, ເປີດທາງໃຫ້ສິນຄ້າຫລາຍຢ່າງ, ພິເສດແມ່ນເກີບໜັງຂອງຫວຽດນາມ ເຂົ້າຕະຫລາດເອີລົບ.

ທ່ານລັດຖະມົນຕີ Airlangga ກ່າວໃນກອງປະຊຸມໂຕະມົນຂອງນັກລົງທຶນໃນເມືອງ Cirebon (ເມືອງທາງຕາເວັນຕົກສຽງໃຕ້ຂອງອິນໂດເນເຊຍ) ໃນວັນພຸດວານນີ້ວ່າ "ເກີບຂອງພວກເຮົາປະເຊີນກັບພາສີນໍາເຂົ້າ 20 ເປີເຊັນໃນເວລາທີ່ສົ່ງອອກໄປເອີຣົບແລະສະຫະລັດ, ໃນຂະນະທີ່ຄູ່ແຂ່ງຂອງພວກເຮົາແມ່ນຫວຽດນາມໄດ້ຮັບພາສີສູນ."

ສັນຍາ EVFTA ລະຫວ່າງ ຫວຽດນາມ ແລະ ອີຢູ ມີຜົນສັກສິດໃນປີ 2020. ເກີບແຕະແມ່ນໜຶ່ງໃນບັນດາລາຍການສົ່ງອອກຕົ້ນຕໍຂອງ ຫວຽດນາມ ໄປຍັງຕະຫຼາດນີ້.

ອົງການສັງເກດການດ້ານເສດຖະກິດ (OEC) ໄດ້ຈັດອັນດັບສະມາຊິກ EU ເຢຍລະມັນ ແລະ ແບນຊິກ ໃນບັນດາ 5 ຈຸດໝາຍສົ່ງອອກເກີບໜັງອັນດັບຕົ້ນຂອງຫວຽດນາມ ໃນປີ 2021. ມູນຄ່າການສົ່ງອອກເກີບຂອງຫວຽດນາມ ໃນປີນີ້ບັນລຸໄດ້ 19,9 ຕື້ USD. OEC ໃຫ້ຮູ້ວ່າ: ການສົ່ງອອກເກີບຂອງອິນໂດເນເຊຍແມ່ນພຽງແຕ່ສ່ວນໜຶ່ງຂອງຫວຽດນາມ. ໃນປີ 2021, ປະເທດນີ້ສົ່ງອອກ 5,8 ຕື້ USD, ໃນນັ້ນ ມູນຄ່າການສົ່ງອອກໄປຍັງ ເຢຍລະມັນ ແລະ ແບນຊິກ ບັນລຸ 505 ລ້ານ USD ແລະ 284 ລ້ານ USD ຕາມລຳດັບ (ຫວຽດນາມ ບັນລຸ 1,04 ຕື້ USD ແລະ 722 ລ້ານ USD).

ອິນໂດເນເຊຍໄດ້ດຳເນີນການເຈລະຈາສັນຍາຄູ່ຮ່ວມມືດ້ານເສດຖະກິດຮອບດ້ານ (CEPA) ກັບ EU ແຕ່ປີ 2016. ສອງຝ່າຍໄດ້ສິ້ນສຸດການເຈລະຈາຄັ້ງທີ 16 ແລະ ຈະດຳເນີນກອງປະຊຸມໃນເດືອນໜ້າ. ລັດຖະບານມີຄວາມກະຕືລືລົ້ນທີ່ຈະສິ້ນສຸດການເຈລະຈາ CEPA ໃນປີນີ້. ລັດຖະມົນຕີ Airlangga ກ່າວວ່າ "ນີ້ແມ່ນຂໍ້ຕົກລົງການຄ້າທີ່ມີຄວາມສໍາຄັນຫຼາຍເພື່ອເປີດການເຂົ້າເຖິງຕະຫຼາດ".

ດຶກມິງ ( ອີງຕາມ Jakartaglobe )

ແຫຼ່ງທີ່ມາ