ການ​ຮ່ວມ​ມື​ດ້ານ​ການ​ຄ້າ​ຫວຽດ​ນາມ

ທ່ານ​ເອກ​ອັກຄະ​ລັດຖະທູດ ​ເຢຍລະ​ມັນ ປະຈຳ ຫວຽດນາມ Helga Margarete Barth ຕີ​ລາຄາ​ວ່າ: ການ​ຮ່ວມ​ມື​ດ້ານ​ການ​ຄ້າ ຫວຽດນາມ - ​ເຢຍລະ​ມັນ ພວມ​ພັດທະນາ​ຢ່າງ​ຕັ້ງໜ້າ, ພິ​ເສດ​ແມ່ນ​ເມື່ອ​ສັນຍາ EVFTA ​ໄດ້​ຮັບ​ການ​ປະຕິບັດ.

ມີ​ວິ​ສາ​ຫະ​ກິດ​ເຢຍ​ລະ​ມັນ​ຫຼາຍ​ແຫ່ງ​ດຳ​ເນີນ​ທຸ​ລະ​ກິດ​ສຳ​ເລັດ​ຜົນ​ຢູ່​ຫວຽດ​ນາມ.

ຕອນ​ເຊົ້າ​ວັນ​ທີ 14/02, ສະຖານທູດ​ເຢຍລະ​ມັນ ປະຈຳ ຫວຽດນາມ ​ໄດ້​ຈັດ​ຕັ້ງ​ກອງ​ປະຊຸມ​ຂ່າວ​ເພື່ອ​ສະ​ເຫຼີ​ມສະຫຼອງ 50 ປີ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ ຫວຽດນາມ - ​ເຢຍລະ​ມັນ (20/9/1975 – 23/9/2025).

ງານ​ຖະ​ແຫຼງ​ຂ່າວ​ສະ​ເຫຼີມ​ສະ​ຫຼອງ 50 ປີ​ແຫ່ງ​ວັນ​ສ້າງ​ຕັ້ງ​ການ​ພົວ​ພັນ​ທາງ​ການ​ທູດ​ລະ​ຫວ່າງ ຫວຽດ​ນາມ ແລະ ເຢຍ​ລະ​ມັນ. ພາບ: ຮວ່າງກວາງ

ກ່າວ​ຄຳ​ເຫັນ​ທີ່​ການ​ປະຊຸມ​ຂ່າວ, ທ່ານ​ນາງ Helga Margarete Barth ​ເອກ​ອັກຄະ​ລັດຖະທູດ ​ເຢຍລະ​ມັນ ປະຈຳ ຫວຽດນາມ ​ໄດ້​ແບ່ງປັນ​ວ່າ: ​ໂອກາດ​ສະ​ເຫຼີ​ມສະຫຼອງ 50 ປີ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ ຫວຽດນາມ - ​ເຢຍລະ​ມັນ ​ໃນ​ປີ 2025 ​ແມ່ນ​ໂອກາດ​ເພື່ອ​ໃຫ້​ສອງ​ຝ່າຍ​ເບິ່ງ​ຄືນ​ອະດີດ ​ແລະ ​ເນັ້ນ​ໜັກ​ເຖິງ​ປະຈຸ​ບັນ ​ແລະ ມຸ່ງ​ໄປ​ເຖິງ​ແງ່​ຫວັງ ​ແລະ ຄວາມ​ສາມາດ​ບົ່ມ​ຊ້ອນ​ໃນ​ການ​ຮ່ວມ​ມື​ໃນ​ຫຼາຍ​ຂົງ​ເຂດ​ໃນ​ອະນາຄົດ.

ພິ​ເສດ, ທ່ານ​ນາງ Helga Margarete Barth ຢືນຢັນ​ວ່າ ການ​ພົວພັນ​ຮ່ວມ​ມື​ລະຫວ່າງ​ສອງ​ປະ​ເທດ​ແມ່ນ​ພື້ນຖານ​ອັນ​ຕັ້ງໜ້າ​ໃນ​ການ​ປະຕິບັດ​ການ​ຮ່ວມ​ມື​ໃນ​ຫຼາຍ​ຂົງ​ເຂດ​ວັດທະນະທຳ ​ແລະ ​ເສດຖະກິດ​ໃນ​ໄລຍະ​ມໍ່ໆ​ມາ​ນີ້.

“ ພິເສດ, ສິ່ງດັ່ງກ່າວໄດ້ສະແດງໃຫ້ເຫັນເຖິງການມີນັກທ່ອງທ່ຽວ ເຢຍລະມັນ ຫຼາຍພັນຄົນມາຫວຽດນາມ ໃນແຕ່ລະປີ, ແຕ່ປີ 2024, ມີນັກທ່ອງທ່ຽວ ເຢຍລະມັນ ກວ່າ 250.000 ຄົນມາ ຫວຽດນາມ, ຈຳນວນນັກທ່ອງທ່ຽວ ເຢຍລະມັນ ມາຫວຽດນາມ ແມ່ນອັນດັບ 2 ຮອງຈາກ ຝະລັ່ງ ຢູ່ພາກພື້ນ ເອີລົບ, ກົງກັນຂ້າມ, ປະຈຸບັນ ມີຊາວຫວຽດນາມ ອາໃສຢູ່ ເຢຍລະມັນ ກວ່າ 200.000 ຄົນ” - Ms.

ທ່ານນາງ Helga Margarete Barth - ເອກອັກຄະລັດຖະທູດ ເຢຍລະມັນ ປະຈຳ ຫວຽດນາມ. ພາບ: ຮວ່າງກວາງ

ຕີ​ລາຄາ​ການ​ຮ່ວມ​ມື​ດ້ານ​ເສດຖະກິດ ​ແລະ ການ​ລົງທຶນ​ລະຫວ່າງ ຫວຽດນາມ ​ແລະ ​ເຢຍລະ​ມັນ, ທ່ານ​ນາງ Helga Margarete Barth ​ເອກ​ອັກຄະ​ລັດຖະທູດ ​ເຢຍລະ​ມັນ ປະຈຳ ຫວຽດນາມ ​ເນັ້ນ​ໜັກ​ວ່າ ຫວຽດນາມ ມີ​ບັນດາ​ຂະ​ບວນການ​ເປີດ​ກ້ວາງ ​ແລະ ສົມທົບ​ກັນ​ຢ່າງ​ແໜ້ນ​ແຟ້ນ, ສ້າງ​ກາລະ​ໂອກາດ​ຮ່ວມ​ມື​ດ້ານ​ເສດຖະກິດ ​ແລະ ການ​ລົງທຶນ​ລະຫວ່າງ 2 ຝ່າຍ​ພັດທະນາ. ທ່ານນາງ Helga Margarete Barth ໃຫ້ຮູ້ວ່າ : ເຢຍລະມັນ ກໍ່ມີທ່າທີພົ້ນເດັ່ນຢູ່ ຫວຽດນາມ, ໃນນັ້ນ ເຢຍລະມັນ ລົງທຶນກວ່າ 3,6 ຕື້ USD ຢູ່ ຫວຽດນາມ; ມີວິສາຫະກິດ ເຢຍລະມັນ 530 ກວ່າແຫ່ງພວມດຳເນີນທຸລະກິດຢູ່ ຫວຽດນາມ ສຳເລັດຜົນ, ສະໜອງວຽກເຮັດງານທຳ 50.000 ຕຳແໜ່ງງານ.

ກ່ຽວກັບການພົວພັນດ້ານການຄ້າສອງຝ່າຍ, ທ່ານນາງ Helga Margarete Barth ເນັ້ນໜັກວ່າ ພວມພັດທະນາຢ່າງຕັ້ງໜ້າ, ພິເສດແມ່ນການປະຕິບັດສັນຍາການຄ້າເສລີ ຫວຽດນາມ - ເອີຣົບ (EVFTA) ໄດ້ປະກອບສ່ວນເຮັດໃຫ້ວົງເງິນການຄ້າ ຫວຽດນາມ - ເຢຍລະມັນ ບັນລຸ 8,8 ຕື້ເອີໂຣ ໃນປີ 2024. ທ່ານນາງ Helga Margarete Barth ໃຫ້ຮູ້ວ່າ : “ການດຸ່ນດ່ຽງການຄ້າລະຫວ່າງຫວຽດນາມ - EU ພວມພັດທະນາໃນທິດທາງທີ່ມີປະໂຫຍດຕໍ່ຫວຽດນາມ ເມື່ອສັນຍາ EVFTA ໄດ້ຮັບການປະຕິບັດ, ຜະລິດຕະພັນຂອງຫວຽດນາມ ມີຫຼາຍອັນຢູ່ຕະຫຼາດ EU ກໍ່ຄື ເຢຍລະມັນ ”.

ຊຸດເຫດການຄົບຮອບພິເສດ

ເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນ ຫວຽດນາມ - ເຢຍລະມັນ, ທ່ານນາງ Helga Margarete Barth ໃຫ້ຮູ້ວ່າ, ສະຖານທູດ ເຢຍລະມັນ ປະຈຳ ຫວຽດນາມ ແລະ ສະຖານກົງສຸນໃຫຍ່ ເຢຍລະມັນ ປະຈຳ ນະຄອນ ໂຮ່ຈີມິນ... ນະຄອນ​ໂຮ່ຈິ​ມິນ ພວມ​ສົມທົບ​ກັບ​ບັນດາ​ອົງການ​ຈັດ​ຕັ້ງ​ຕົວ​ກາງ ​ເຢຍລະ​ມັນ ຢູ່ ຫວຽດນາມ ​ເພື່ອ​ກໍ່ສ້າງ​ບັນດາ​ໂຄງການ​ທີ່​ຫຼາກ​ຫຼາຍ ​ແລະ ດຶງ​ດູດ​ໃຈ ​ເພື່ອ​ແນະນຳ​ບັນດາ​ຂົງ​ເຂດ​ປະຕິບັດ​ບັນດາ​ຄຳ​ໝັ້ນ​ສັນຍາ ​ແລະ ການ​ຮ່ວມ​ມື ຫວຽດນາມ - ​ເຢຍລະ​ມັນ.

ພິ​ເສດ, ສະຖານທູດ​ເຢຍລະ​ມັນ ປະຈຳ ຫວຽດນາມ ​ໄດ້​ມີ​ແນວ​ຄິດ​ເປີດ​ງານ​ປະ​ກວດ​ບົດ​ຂຽນ “ວັນ​ເປັນ​ເອກ​ອັກຄະ​ລັດຖະທູດ”, ​ເພື່ອ​ສະ​ເຫຼີ​ມສະຫຼອງ​ວັນ​ແມ່ຍິງ​ສາກົນ (8/3). ຜ່ານ​ນັ້ນ, ສ້າງ​ເວທີ​ປາ​ໄສ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ແມ່ຍິງ, ຜ່ານ​ນັ້ນ​ເປີດ​ໂອກາດ​ໃຫ້​ເຂົາ​ເຈົ້າ​ເຂົ້າ​ຮ່ວມ​ໃນ​ຫຼາຍ​ຂົງ​ເຂດ.

ນອກ​ນັ້ນ, ​ແມ່ນ​ການ​ເຄື່ອນ​ໄຫວ​ທີ່​ທ່ານ​ເອກ​ອັກຄະ​ລັດຖະທູດ​ໄດ້​ແບ່ງປັນ​ຢ່າງ​ກະຕືລືລົ້ນ​ແມ່ນ​ການຈັດ​ຕັ້ງ “ລົດ​ເມ​ແນະນຳ​ອາຊີບ​ແຕ່​ເໜືອ​ຮອດ​ໃຕ້” ​ເພື່ອ​ສະໜອງ​ຂໍ້​ມູນ​ກ່ຽວ​ກັບ​ການ​ເຂົ້າ​ເມືອງ​ທີ່​ປອດ​ໄພ​ໄປ​ເຢຍລະ​ມັນ, ບັນດາ​ໂຄງການ​ສະໜອງ​ຄວາມ​ຮູ້​ກ່ຽວ​ກັບ​ພາສາ, ວັດທະນະທຳ, ​ແນະນຳ​ອາຊີບ, ບຳລຸງ​ສ້າງ ​ແລະ ມະຫາວິທະຍາ​ໄລ​ຫວຽດນາມ ​ໂດຍ​ອີງ​ຕາມ​ມາດຖານ​ຂອງ​ເຢຍລະ​ມັນ.

ທ່ານ​ນາງ​ເອກ​ອັກຄະ​ລັດຖະທູດ ​ເຢຍລະ​ມັນ ປະຈຳ ຫວຽດນາມ Helga Margarete Barth ​ໄດ້​ກ່າວ​ຄຳ​ປາ​ໄສ​ຢູ່​ນອກ​ກອງ​ປະຊຸມ​ຂ່າວ. ພາບ: ຮວ່າງກວາງ

ຄຽງ​ຂ້າງ​ນັ້ນ, ​ເຫດການ​ທີ່​ທ່ານ​ນາງ Helga Margarete Barth ​ເນັ້ນ​ໜັກ​ເປັນ​ພິ​ເສດ​ແມ່ນ Festival ​ເຢຍລະ​ມັນ ຢູ່​ຮ່າ​ໂນ້ຍ. ຕາມ​ທ່ານ​ເອກ​ອັກຄະ​ລັດຖະທູດ ​ເຢຍລະ​ມັນ ​ແລ້ວ, ນີ້​ແມ່ນ​ຈຸດ​ພົ້ນ​ເດັ່ນ​ໃນ​ການ​ສະ​ເຫຼີ​ມສະຫຼອງ 50 ປີ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ​ລະຫວ່າງ ຫວຽດນາມ ​ແລະ ​ເຢຍລະ​ມັນ. ທ່ານນາງ Helga Margarete Barth ໃຫ້ຮູ້ວ່າ : “ຈຸດສຸມຂອງເຫດການແມ່ນການຮ່ວມມືພັດທະນາລະຫວ່າງສອງປະເທດ.

ຕາມນັ້ນແລ້ວ, Festival ເຍຍລະມັນ ຢູ່ ຮ່າໂນ້ຍ ຈະຖ່າຍທອດບັນດາຜົນງານລວມລະຫວ່າງ 2 ປະເທດ, ພິເສດແມ່ນການພົວພັນພັດທະນາລະຫວ່າງ 2 ປະເທດຈະໄດ້ຮັບການແນະນຳດ້ວຍຮູບແບບມັນຕິມີເດຍໃນຫ້ອງວາງສະແດງ. ຕົວຢ່າງເຊັ່ນ, ຜະລິດຕະພັນທີ່ສາມາດຈັບໄດ້ ແລະ ສຳຜັດໄດ້ລວມມີການນຳໃຊ້ໄມ້ຕາມຮອຍ, ກາເຟທີ່ຜະລິດແບບຍືນຍົງ, ເຕັກໂນໂລຊີພະລັງງານທົດແທນ ຫຼື ກຸ້ງອິນຊີຈາກເຂດທົ່ງພຽງແມ່ນ້ຳຂອງ.

“ ສະຖານທູດ​ເຢຍລະ​ມັນ​ຈະ​ສົມທົບ​ກັນ​ຈັດ​ຕັ້ງ​ງານ​ວາງສະ​ແດງ​ຮູບ​ພາບ​ທາງ​ອອນ​ລາຍ​ຂອງ​ເຢຍລະ​ມັນ - ຫວຽດນາມ; ງານ​ແຂ່ງຂັນ​ສິລະ​ປະ​ຕາມ​ຖະໜົນ ຫວຽດນາມ - ​ເຢຍລະ​ມັນ “ຫັນ​ກຳ​ແພງ​ຂອງ​ພວກ​ເຮົາ​ໃຫ້​ເປັນ​ຮູບ​ແຕ້ມ”; ​ເຊັນ​ສັນຍາ​ຮ່ວມ​ມື​ກິລາ​ບານ​ເຕະ​ລະຫວ່າງ Bundesliga ​ເຢຍລະ​ມັນ ​ແລະ ສະຫະພັນ​ບານ​ເຕະ ຫວຽດນາມ…

ທ່ານ​ເອກ​ອັກຄະ​ລັດຖະທູດ ​ເຢຍລະ​ມັນ ປະຈຳ ຫວຽດນາມ Helga Margarete Barth : ຜ່ານ​ບັນດາ​ເຫດການ​ສະ​ເຫຼີ​ມສະຫຼອງ 50 ປີ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ ຫວຽດນາມ - ​ເຢຍລະ​ມັນ, ພວກ​ຂ້າພະ​ເຈົ້າ​ມີ​ຄວາມ​ເຂົ້າ​ໃຈ​ຢ່າງ​ເລິກ​ເຊິ່ງກ່ຽວ​ກັບ​ຂະ​ບວນການ​ຮ່ວມ​ມື​ລະຫວ່າງ 2 ປະ​ເທດ, ພິ​ເສດ​ແມ່ນ​ການ​ເຄື່ອນ​ໄຫວ​ດຳ​ເນີນ​ທຸລະ​ກິດ ​ແລະ ພັດທະນາ​ວິ​ສາ​ຫະກິດ ​ເຢຍລະ​ມັນ ຢູ່ ຫວຽດນາມ.

ທີ່ມາ: https://congthuong.vn/hop-tac-thuong-mai-viet-nam-duc-dang-phat-trien-tich-cuc-373800.html