ການຮ່ວມມືຢ່າງແໜ້ນແຟ້ນເພື່ອພັດທະນາແບບຍືນຍົງຂອງການພົວພັນຫວຽດນາມ

ຫວຽດນາມ ປາດຖະໜາຢາກຮ່ວມມືຢ່າງແໜ້ນແຟ້ນກັບລັດຖະບານ ອາເມລິກາ ໃນໄລຍະຈະມາເຖິງ ສືບຕໍ່ພັດທະນາການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອາເມລິກາ ຢ່າງແໜ້ນແຟ້ນ, ຮອບດ້ານ, ໝັ້ນຄົງ ແລະ ຍາວນານ.

ທ່ານ Doan Khac Viet, ຮອງໂຄສົກກະຊວງການຕ່າງປະເທດ ຫວຽດນາມ. ພາບ: Quynh Anh/VNA

ຕອນບ່າຍວັນທີ 31/10, ທີ່ການປະຊຸມຂ່າວປະຈຳກະຊວງການຕ່າງປະເທດ, ຕອບຄຳຊັກຖາມຂອງນັກຂ່າວກ່ຽວກັບຜົນສະທ້ອນຂອງການເລືອກຕັ້ງປະທານາທິບໍດີ ອາເມລິກາ ຕໍ່ການພົວພັນສອງປະເທດ ຫວຽດນາມ - ອາເມລິກາ, ທ່ານຮອງລັດຖະມົນຕີກະຊວງການຕ່າງປະເທດ Doan Khac Viet ໃຫ້ຮູ້ວ່າ:

ພາຍຫຼັງເກືອບ 30 ປີແຫ່ງການສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ອາເມລິກາ, ການພົວພັນລະຫວ່າງ 2 ປະເທດນັບມື້ນັບພັດທະນາຢ່າງແຮງ, ເລິກເຊິ່ງ, ແທດຈິງ ແລະ ມີປະສິດທິຜົນ, ໃນນັ້ນມີການຍົກລະດັບການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດຂຶ້ນສູ່ປີ 2023.

ປະຈຸບັນ, 2 ປະເທດພວມສົມທົບກັນຢ່າງແໜ້ນແຟ້ນເພື່ອປະຕິບັດບັນດາທິດທາງການຮ່ວມມືຕົ້ນຕໍໃນ 10 ປີຕໍ່ໜ້າຢ່າງມີປະສິດທິຜົນ, ໄດ້ວາງອອກໃນຖະແຫຼງການຮ່ວມກ່ຽວກັບການຍົກລະດັບການພົວພັນຫວຽດນາມ - ອາເມລິກາ ຂຶ້ນເປັນຄູ່ຮ່ວມມືຍຸດທະສາດຮອບດ້ານເພື່ອສັນຕິພາບ, ການຮ່ວມມື ແລະ ພັດທະນາແບບຍືນຍົງ.

ຫວຽດນາມ ປາດຖະໜາຢາກຮ່ວມມືຢ່າງແໜ້ນແຟ້ນກັບອຳນາດການປົກຄອງ ອາເມລິກາ ໃນໄລຍະຈະມາເຖິງ ເພື່ອສືບຕໍ່ພັດທະນາການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອາເມລິກາ ຢ່າງແໜ້ນແຟ້ນ, ຮອບດ້ານ ແລະ ໝັ້ນຄົງ ເພື່ອຜົນປະໂຫຍດອັນຍາວນານ ແລະ ຄວາມມຸ່ງມາດປາດຖະໜາຂອງປະຊາຊົນ 2 ປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຂອງພາກພື້ນ ແລະ ໃນໂລກ.

* ທີ່ການປະຊຸມຂ່າວ, ຕອບຄຳຊັກຖາມຂອງນັກຂ່າວກ່ຽວກັບການພົວພັນລະຫວ່າງຫວຽດນາມ ແລະ ກຸ່ມ BRICS, ທ່ານຮອງລັດຖະມົນຕີກະຊວງການຕ່າງປະເທດ Doan Khac Viet ຖືວ່າ: ໃນຖານະທີ່ເປັນສະມາຊິກທີ່ຕັ້ງໜ້າ ແລະ ມີຄວາມຮັບຜິດຊອບຂອງປະຊາຄົມໂລກ, ຫວຽດນາມ ຍາມໃດກໍ່ຕັ້ງໜ້າ ແລະ ມີຄວາມຮັບຜິດຊອບເຂົ້າໃນບັນດາກົນໄກ ແລະ ເວທີປາໄສຫຼາຍຝ່າຍ, ປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະ ການພັດທະນາຢູ່ພາກພື້ນ ແລະ ໃນໂລກ.

ຫວຽດນາມ ຈະສຶກສາຂໍ້ມູນກ່ຽວກັບສະຖານະການປະເທດຄູ່ຮ່ວມມື BRICS ແລະ ການເຂົ້າຮ່ວມຂອງຫວຽດນາມໃນຫຼາຍຝ່າຍ, ໃນພາກພື້ນ ແລະ ສາກົນຈະໄດ້ຮັບການສຶກສາ ແລະ ພິຈາລະນາບົນພື້ນຖານຄວາມເໝາະສົມກັບຜົນປະໂຫຍດ, ເງື່ອນໄຂ ແລະ ຄວາມສາມາດຂອງຫວຽດນາມ. ພ້ອມກັນນັ້ນ, ນີ້ຍັງສະແດງໃຫ້ເຫັນນະໂຍບາຍທີ່ສອດຄ່ອງ, ນະໂຍບາຍການຕ່າງປະເທດເອກະລາດ, ເປັນເຈົ້າຕົນເອງ, ການຫັນເປັນຫຼາຍຝ່າຍ ແລະ ຄວາມຫຼາກຫຼາຍຂອງການພົວພັນສາກົນ; ເປັນເພື່ອນມິດ, ເປັນຄູ່ຮ່ວມມືທີ່ເຊື່ອຖືໄດ້ ແລະເປັນສະມາຊິກທີ່ມີຄວາມຮັບຜິດຊອບຂອງປະຊາຄົມສາກົນ.

ທີ່ມາ