ກອງປະຊຸມຖະແຫຼງຂ່າວຂອງໂຄງການ “ວັນໄມຕີຈິດມິດຕະພາບພິເສດຫວຽດນາມ

ປີ 2023 ແມ່ນປີ 61 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາວ. ການພົວພັນລະຫວ່າງ ຫວຽດນາມ - ລາວ ໄດ້ກາຍເປັນສັນຍາລັກແຫ່ງການພົວພັນມິດຕະພາບແບບພິເສດ. ການພົວພັນດ້ານການເມືອງລະຫວ່າງສອງພັກ ແລະ ສອງລັດນັບມື້ນັບສະໜິດແໜ້ນ ແລະ ໄວ້ເນື້ອເຊື່ອໃຈ, ເປັນພື້ນຖານອັນໜັກແໜ້ນໃຫ້ແກ່ການຮ່ວມມືໃນທຸກຂົງເຂດ. ການຮ່ວມມືໃນຂົງເຂດຂໍ້ມູນຂ່າວສານ ແລະ ສື່ສານ ແມ່ນໜຶ່ງໃນບັນດາຈຸດສະຫວ່າງຂອງການພົວພັນລະຫວ່າງ 2 ປະເທດ. ໃນຊຸມປີມໍ່ໆມານີ້, ບໍລິສັດໃຫຍ່ໂທລະຄົມມະນາຄົມ ແລະ ເຕັກໂນໂລຊີຂໍ້ມູນຂ່າວສານຂອງຫວຽດນາມ ໄດ້ລົງທຶນຫຼາຍສິບລ້ານໂດລາສະຫະລັດ, ປະກອບສ່ວນເຮັດໃຫ້ລາວກາຍເປັນປະເທດໜຶ່ງທີ່ມີລະບົບ 4G ແລະ ຄວາມໄວທີ່ເໝາະສົມທີ່ສຸດໃນອາຊີຕາເວັນອອກສ່ຽງໃຕ້. ເດືອນມັງກອນປີ 2023, ລັດຖະບານຫວຽດນາມ ແລະ ລັດຖະບານລາວໄດ້ລົງນາມໃນສັນຍາຄູ່ຮ່ວມມືດີຈີຕອນ. ການລົງນາມໃນສັນຍາລະຫວ່າງລັດຖະບານສອງປະເທດກ່ຽວກັບການພົວພັນຄູ່ຮ່ວມມືດ້ານດິຈິຕອນໄດ້ຢືນຢັນບຸລິມະສິດອັນດັບໜຶ່ງຂອງສອງປະເທດໃນການເປີດກວ້າງການຮ່ວມມືດ້ານການບໍລິການ ແລະ ເຕັກໂນໂລຊີດີຈີຕອນ, ຫັນເປັນດິຈິຕອນ, ປະກອບສ່ວນເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ - ລາວ. ໃນຂົງເຂດສື່ມວນຊົນ, ຫວຽດນາມ ໄດ້ແລກປ່ຽນຄະນະຜູ້ແທນທຸກຂັ້ນ ແລະ ຄະນະຜູ້ແທນຂ່າວຂອງ 2 ປະເທດເປັນປະຈຳ; ແລກປ່ຽນລາຍການວິທະຍຸ, ໂທລະພາບ ແລະ ສິ່ງພິມ; ຊຸກຍູ້ໃຫ້ບັນດາອົງການຂ່າວຂອງສອງປະເທດຮ່ວມມືໃນການແລກປ່ຽນຂໍ້ມູນຂ່າວສານ, ແລກປ່ຽນປະສົບການ, ໜູນຊ່ວຍດ້ານເຕັກນິກ. ດ້ວຍຫົວຂໍ້ “ຂໍ້ມູນຂ່າວສານ ແລະ ການສື່ສານ, ຈຸດພົ້ນເດັ່ນໃນການຮ່ວມມື ຫວຽດນາມ - ລາວ”, ແຕ່ວັນທີ 11-15 ພະຈິກ 2023, ກະຊວງຖະແຫຼງຂ່າວ ແລະ ສື່ສານ ສົມທົບກັບ ຄະນະກຳມະການປະຊາຊົນ ແຂວງ ທູທຽນເຫວ້ ໄດ້ຈັດຕັ້ງວັນມິດຕະພາບພິເສດ ຫວຽດນາມ - ລາວ 2023. ນີ້ແມ່ນໂອກາດເພື່ອໃຫ້ 2 ປະເທດຢັ້ງຢືນຄວາມສຳຄັນ, ຄວາມໝາຍຂອງການຮ່ວມມືດ້ານຂໍ້ມູນຂ່າວສານ ແລະ ກາລະໂອກາດໃໝ່. ພ້ອມກັນນັ້ນ, ຊຸກຍູ້ຮູບການປະດິດສ້າງ ແລະ ພັດທະນາຂອງຫວຽດນາມ, ຜ່ານນັ້ນຮັດແໜ້ນສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ - ລາວ.