ການປະຕິບັດເພື່ອຄວາມສະເໝີພາບລະຫວ່າງຍິງ-ຊາຍ

ມອບຂອງຂວັນໃຫ້ຄອບຄົວທຸກຍາກ, ພິການ ແລະ ແມ່ຍິງໂສດ

ດ້ວຍຫົວຂໍ້ “ຮັບປະກັນຊີວິດສັງຄົມ, ເພີ່ມທະວີກຳລັງ, ສ້າງກາລະໂອກາດໃຫ້ແມ່ຍິງ ແລະ ເດັກຍິງບັນລຸຄວາມສະເໝີພາບທາງເພດ ແລະ ລົບລ້າງຄວາມຮຸນແຮງລະຫວ່າງຍິງຊາຍ”, ຄະນະກຳມະການປະຊາຊົນເມືອງ ຟອງດ່ຽນ ຮຽກຮ້ອງບັນດາອົງການ, ຫົວໜ່ວຍ, ຄະນະກຳມະການປະຊາຊົນບັນດາຕາແສງ, ເມືອງ, ບັນດາອົງການການເມືອງ-ສັງຄົມ ແລະ ອື່ນໆ ສືບຕໍ່ປະຕິບັດບັນດາແນວທາງຂອງພັກ, ນະໂຍບາຍ, ແຜນນະໂຍບາຍຂອງລັດ, ກົດໝາຍ, ແຜນງານກ່ຽວກັບບົດບາດຍິງຊາຍ. ເຊື່ອມໂຍງໂຄງການປ້ອງກັນຄວາມຮຸນແຮງໃນຄອບຄົວ ແລະ ຄວາມສະເໝີພາບທາງເພດເຂົ້າໃນບັນດາແຜນງານ ແລະ ພັດທະນາເສດຖະກິດ - ສັງຄົມໃນທຸກຂັ້ນ ແລະ ຂະແໜງການ.

ພ້ອມທັງປະຕິບັດບັນດາໂຄງການພັດທະນາເສດຖະກິດ, ຫຼຸດຜ່ອນຄວາມທຸກຍາກ, ສ້າງວຽກເຮັດງານທຳ, ເພີ່ມລາຍຮັບໃຫ້ຄົນງານ, ເຮັດໃຫ້ຊີວິດຄອບຄົວໝັ້ນຄົງ. ສຸມໃສ່ການສ້າງຕົວແບບເພື່ອເພີ່ມທະວີການມີສ່ວນຮ່ວມຂອງແມ່ຍິງ ແລະ ສົ່ງເສີມຄວາມສະເໝີພາບລະຫວ່າງຍິງ-ຊາຍ ໃນຂົງເຂດທີ່ມີຄວາມສ່ຽງສູງຕໍ່ຄວາມບໍ່ສະເໝີພາບລະຫວ່າງຍິງ-ຊາຍ. ຈັດຕັ້ງການເຄື່ອນໄຫວສື່ສານເພື່ອຍົກສູງຄວາມຮັບຮູ້ ແລະ ຂົນຂວາຍຕອບສະໜອງເດືອນປະຕິບັດໃຫ້ເໝາະສົມກັບແຕ່ລະທ້ອງຖິ່ນ ແລະ ໜ່ວຍງານ...

ເນື່ອງໃນໂອກາດນີ້, ຄະນະກຳມະການປະຊາຊົນເມືອງຟອງດ່ຽນ ໄດ້ມອບຂອງຂວັນ 5 ພູດ, ແຕ່ລະ 500.000 ດົ່ງ ໃຫ້ບັນດາຄອບຄົວທຸກຍາກ, ພິການ ແລະ ແມ່ຍິງໂສດຢູ່ເມືອງ.

ຂ່າວ ແລະ ພາບ: QUANG MINH