ເກົາຫຼີ ແລະ ອິນເດຍ ດຳເນີນການເຈລະຈາຂັ້ນລັດຖະມົນຕີການຕ່າງປະເທດຄືນໃໝ່

ຕາມຂ່າວສານ Yonhap ແລ້ວ, ວັນທີ 6 ມີນານີ້, ສ.ເກົາຫຼີ ແລະ ອິນເດຍ ໄດ້ດຳເນີນການເຈລະຈາລະດັບລັດຖະມົນຕີການຕ່າງປະເທດເປັນຄັ້ງທຳອິດນັບແຕ່ເດືອນ 12/2018 ເພື່ອປຶກສາຫາລືກ່ຽວກັບວິທີເພີ່ມທະວີການພົວພັນລະຫວ່າງສອງປະເທດ.

ລັດຖະມົນຕີການຕ່າງປະເທດ ສ.ເກົາຫຼີ Cho Tae-yul (ຂວາ) ແລະ ທ່ານລັດຖະມົນຕີການຕ່າງປະເທດອິນເດຍ Subrahmanyam Jaishankar ໄດ້ດຳເນີນການເຈລະຈາຢູ່ນະຄອນຫຼວງ ເຊອຸນ ໃນວັນທີ 6/3. ພາບ: TTXVN

ໃນກອງປະຊຸມຄະນະກຳມະການຮ່ວມຄັ້ງທີ 10 (JCM) ຢູ່ນະຄອນຫຼວງເຊອູນ, ທ່ານລັດຖະມົນຕີການຕ່າງປະເທດ ສ.ເກົາຫຼີ Cho Tae-yul ແລະ ທ່ານລັດຖະມົນຕີວ່າການກະຊວງການຕ່າງປະເທດອິນເດຍ Subrahmanyam Jaishankar ໄດ້ເນັ້ນໜັກເຖິງຄວາມສຳຄັນຂອງການພົວພັນຄູ່ຮ່ວມມືພາກພື້ນອິນໂດປາຊີຟິກ.

ທີ່ເວທີປາໄສໃນຕົ້ນອາທິດນີ້, ທ່ານ Jaishankar ໄດ້ຍົກໃຫ້ເຫັນຍຸດທະສາດອິນໂດ-ປາຊີຟິກຂອງເກົາຫຼີໃຕ້, ເຊິ່ງໄດ້ເປີດເຜີຍພາຍໃຕ້ການບໍລິຫານ Yoon Suk Yeol ໃນປີ 2022. ຍຸດທະສາດດັ່ງກ່າວ, ທ່ານ Jaishankar ໃຫ້ຮູ້ວ່າ, ສະແດງໃຫ້ເຫັນທ່າແຮງຂອງສອງປະເທດໃນການເຮັດວຽກຢ່າງໃກ້ຊິດເປັນປະເທດທີ່ມີຈິດໃຈດຽວກັນໃນຂົງເຂດຮ່ວມກັນ, ເຊັ່ນການສ້າງຕ່ອງໂສ້ການສະໜອງທີ່ໜ້າເຊື່ອຖື ແລະ ຢືດຢຸ່ນ. ອິນເດຍ ແລະ ສ.ເກົາຫຼີ ໄດ້ຍົກລະດັບການພົວພັນລະຫວ່າງສອງປະເທດຂຶ້ນເປັນຄູ່ຮ່ວມມືຍຸດທະສາດພິເສດ ເມື່ອນາຍົກລັດຖະມົນຕີ ອິນເດຍ Narendra Modi ໄດ້ຢ້ຽມຢາມ ສ ເກົາຫຼີ ຢ່າງເປັນທາງການໃນເດືອນ 5/2015.

VIET LE

ທີ່ມາ