ມີນັກສຳມະນາກອນເກືອບ 300 ຄົນ ໄດ້ເຂົ້າຮ່ວມການຝຶກອົບຮົມຄວາມຮູ້ ແລະ ທັກສະການໂຄສະນາເຜີຍແຜ່ກ່ຽວກັບການຫຼຸດຜ່ອນຄວາມທຸກຍາກແບບຍືນຍົງ.

ໃນລະຫວ່າງວັນທີ 5 – 7 ມິຖຸນາ, ສູນເຕັກໂນໂລຊີຂໍ້ມູນຂ່າວສານ ແລະ ການສື່ສານ ຂຶ້ນກັບພະແນກຖະແຫລງຂ່າວ ແລະ ສື່ສານ ແຂວງ ກວາງຈິ ໄດ້ຈັດຊຸດຝຶກອົບຮົມຍົກລະດັບຄວາມຮູ້, ຄວາມສາມາດ ແລະ ເຕັກນິກວິຊາສະເພາະໃຫ້ແກ່ພະນັກງານໂຄສະນາ-ຂ່າວສານ ຂອງໂຄງການເປົ້າໝາຍແຫ່ງຊາດກ່ຽວກັບການຫຼຸດຜ່ອນຄວາມທຸກຍາກແບບຍືນຍົງ ແລະ ພະນັກງານ-ລັດຖະກອນ ທີ່ເຮັດວຽກງານຂໍ້ມູນຂ່າວສານ ແລະ ໂຄສະນາຢູ່ບັນດາເມືອງ, ນະຄອນ.

ທ່ານ ດຣ ຟານກວກຫາຍ, ຫົວໜ້າຄະນະວາລະສານ ແລະ ສື່ສານ, ມະຫາວິທະຍາໄລວິທະຍາສາດ ເຫ້ວ ໄດ້ມອບທັກສະໃນການອອກແບບ ແລະ ກໍ່ສ້າງບັນດາຂ່າວພື້ນຖານທີ່ຫ້ອງຝຶກອົບຮົມ - ພາບ: ຮົ່ງຮຸ່ງ

ທີ່ຊຸດອົບຮົມ, ມີຜູ້ເຂົ້າຮ່ວມ 300 ກວ່າຄົນໄດ້ປຶກສາຫາລື ແລະ ສື່ສານບັນດາຫົວຂໍ້ກ່ຽວກັບຄວາມສາມາດໃນການອອກແບບ ແລະ ກໍ່ສ້າງບັນດາຂໍ້ມູນຂ່າວສານພື້ນຖານ; ການແກ້ໄຂຄວາມຂັດແຍ່ງແລະທັກສະການສື່ສານວິກິດການຢູ່ຂັ້ນພື້ນຖານ; ການນຳໃຊ້ເຕັກໂນໂລຍີ AI ປະກອບສ່ວນປັບປຸງຄຸນນະພາບຂອງວຽກງານໂຄສະນາເຜີຍແຜ່ໃນໄລຍະການຫັນເປັນດິຈິຕອນໃນປະຈຸບັນ.

ຜ່ານນັ້ນຊ່ວຍໃຫ້ເຈົ້າໜ້າທີ່ປະຕິບັດວຽກງານຖະແຫຼງຂ່າວ ແລະ ໂຄສະນາເຜີຍແຜ່, ວຽກງານຫຼຸດຜ່ອນຄວາມທຸກຍາກຢູ່ທ້ອງຖິ່ນຕ່າງໆປັບປຸງວິຊາຊີບ, ປັບປຸງຄວາມຮູ້ໃໝ່, ປະກອບສ່ວນປະຕິບັດບັນດາໂຄງການ ແລະ ເປົ້າໝາຍຫຼຸດຜ່ອນຄວາມທຸກຍາກປະຈຳປີຢ່າງມີປະສິດທິຜົນ.

ຮົ່ງງື່ງ

ທີ່ມາ