ສະ​ມາ​ຄົມ​ນະ​ຄອນ​ຫວຽດ​ນາມ​ຈັດ​ວາງ​ດອກ​ໄມ້​ສະ​ແດງ​ຄວາມ​ຊົມ​ເຊີຍ​ໃຫ້​ເຫ້ວ​ກາຍ​ເປັນ​ນະ​ຄອນ​ສູນ​ກາງ

​ເຂົ້າ​ຮ່ວມ​ກອງ​ປະຊຸມ, ​ໂດຍ​ຕາງໜ້າ​ໃຫ້​ບັນດາ​ກະຊວງ, ຂະ​ແໜງ​ການ​ສູນ​ກາງ, ມີ ທ່ານ ​ເຈີ່ນ​ກວກ​ໄທ, ຫົວໜ້າ​ກົມ​ພັດທະນາ​ຕົວ​ເມືອງ - ກະຊວງ​ກໍ່ສ້າງ; ທ່ານ ຟ້າ​ມຈູງ​ຢາງ, ຮອງ​ຫົວໜ້າ​ກົມ​ບັນດາ​ອົງການ​ບໍ່​ຂຶ້ນກັບ​ລັດຖະບານ - ກະຊວງ​ພາຍ​ໃນ. ຕາງໜ້າການນຳນະຄອນເຫ້ວ, ມີທ່ານ ຫງວຽນກວາງຕ໋ວນ, ກໍາມະການພັກນະຄອນ, ຮອງປະທານສະພາປະຊາຊົນນະຄອນ; ທ່ານ ຮ່ວາງ​ຫາຍ​ມິນ, ຮອງ​ປະທານ​ຄະນະ​ກຳມະການ​ປະຊາຊົນ​ນະຄອນ...

ນີ້​ແມ່ນ​ການ​ເຄື່ອນ​ໄຫວ​ປະຈຳ​ປີ​ເພື່ອ​ໃຫ້​ບັນດາ​ນະຄອນ​ໄດ້​ພົບ​ປະ, ​ແລກປ່ຽນ ​ແລະ ຮຽນ​ຮູ້, ບົນ​ພື້ນຖານ​ກຳນົດ​ທິດ​ທາງ ​ແລະ ວຽກ​ງານ​ປີ 2025, ຕອບ​ສະໜອງ​ຄວາມ​ຮຽກຮ້ອງ​ຕ້ອງການ ​ແລະ ຄວາມ​ມຸ່ງ​ມາດ​ປາດ​ຖະໜາ​ຂອງ​ບັນດາ​ສະມາຊິກ​ສະມາຄົມ.

ກ່າວ​ຄຳ​ເຫັນ​ທີ່​ກອງ​ປະຊຸມ, ທ່ານ ຮ່ວາງ​ຫາຍ​ມິນ ​ເນັ້ນ​ໜັກ​ວ່າ: ​ເຫ້ວ ຮູ້ສຶກ​ເປັນ​ກຽດ​ທີ່​ສຸດ​ທີ່​ໄດ້​ຈັດ​ກອງ​ປະຊຸມ​ຄັ້ງ​ນີ້. ເຫດການ​ນີ້​ມີ​ຄວາມ​ໝາຍ​ຍິ່ງ​ກວ່າ​ອີກ, ​ເມື່ອ​ເຫ້ວ ຫາ​ກໍ່​ໄດ້​ກາຍ​ເປັນ​ນະຄອນ​ແຫ່ງ​ທີ 6 ຂອງ​ຫວຽດນາມ.

ກອງປະຊຸມຍັງເປັນເວທີປາໄສສຳຄັນເພື່ອໃຫ້ບັນດາຜູ້ແທນໄດ້ແລກປ່ຽນ, ປຶກສາຫາລື ແລະ ແລກປ່ຽນປະສົບການໃນການວາງແຜນ, ຄຸ້ມຄອງ ແລະ ພັດທະນາຕົວເມືອງຕາມທິດຍືນຍົງ ແລະ ສະຫຼາດ, ປະກອບສ່ວນຊ່ວຍໃຫ້ບັນດາເມືອງບັນລຸເປົ້າໝາຍທີ່ໄດ້ວາງໄວ້ໃນແຜນແມ່ບົດ ແລະ ແຜນພັດທະນາເສດຖະກິດ-ສັງຄົມ.

ທ່ານ ເຈີ່ນ​ກວກ​ໄທ, ຫົວໜ້າ​ກົມ​ພັດທະນາ​ຕົວ​ເມືອງ - ກະຊວງ​ກໍ່ສ້າງ ​ໃຫ້​ຮູ້​ວ່າ: ພາຍຫຼັງ 20 ປີ​ແຫ່ງ​ການ​ສ້າງ​ຕັ້ງ ​ແລະ ພັດທະນາ, ສະມາຄົມ​ບັນດາ​ນະຄອນ​ຫວຽດນາມ ​ໄດ້​ພິສູດ​ໃຫ້​ເຫັນ​ບົດບາດ ​ແລະ ປະສິດທິ​ຜົນ​ຂອງ​ການ​ເຊື່ອມ​ຈອດ​ຕົວ​ເມືອງ​ຂອງ​ຫວຽດນາມ; ພ້ອມ​ກັນ​ນັ້ນ, ຫວັງ​ວ່າ​ຜ່ານ​ກອງ​ປະຊຸມ​ປະຈຳ​ປີ 2024, ຄະນະ​ບໍລິຫານ​ງານ​ຂອງ​ສະມາຄົມ​ຈະ​ຕີ​ລາຄາ​ປະສິດທິ​ຜົນ​ການ​ເຄື່ອນ​ໄຫວ, ວາງ​ອອກ​ທິດ​ທາງ ​ແລະ ວຽກ​ງານ​ປີ 2025 ​ແລະ ​ໃນ​ໄລຍະ​ຈະ​ມາ​ເຖິງ.

ກອງ​ປະຊຸມ​ຍັງ​ໄດ້​ຮັບ​ຟັງ​ບົດ​ລາຍ​ງານ​ການ​ເຄື່ອນ​ໄຫວ​ຂອງ​ສະມາຄົມ​ໃນ​ປີ 2024 ​ແລະ ທິດ​ທາງ​ປີ 2025; ບົດ​ນຳ​ສະ​ເໜີ​ບັນດາ​ຫົວ​ຂໍ້​ກ່ຽວ​ກັບ​ກົດໝາຍ​ວ່າ​ດ້ວຍ​ການ​ຄຸ້ມ​ຄອງ​ຕົວ​ເມືອງ, ທິດ​ທາງ​ກຳນົດ​ມາດຖານ​ຂອງ​ນະຄອນ​ສະຫຼາດ​ແບບ​ຍືນ​ຍົງ - ສະບັບ 1.0; ຕົວ​ແບບ​ການ​ຕິດ​ຕາມ​ກວດ​ກາ​ແລະ​ການ​ຄຸ້ມ​ຄອງ​ຕົວ​ເມືອງ smart; ການ​ແກ້​ໄຂ​ການ​ຄວບ​ຄຸມ​ການ​ເຊາະ​ເຈື່ອນ​ແຄມ​ແມ່​ນ້ຳ…

​ເນື່ອງ​ໃນ​ໂອກາດ​ນີ້, ສະມາຄົມ​ບັນດາ​ນະຄອນ​ຫວຽດນາມ ​ໄດ້​ມອບ​ຂໍ້​ຕົກລົງ​ໃຫ້ 4 ສະມາຊິກ​ໃໝ່, ​ໃນ​ນັ້ນ​ມີ​ເມືອງ ຟອງ​ດ້ຽນ ​ແລະ ນະຄອນ​ເຫ້ວ.

ຫງອກມິນ