ພັກກອມມູນິດຫວຽດນາມ ແມ່ນໜຶ່ງໃນບັນດາອົງການການເມືອງເກົ່າແກ່ທີ່ສຸດ ແລະ ມີອິດທິພົນທີ່ສຸດໃນອາຊີ.

ນັກປະຫວັດສາດ ແລະນັກຂ່າວ ບຣາຊິນ De Oli ຕີລາຄາສູງບົດບາດການນຳພາຂອງພັກກອມມູນິດ ຫວຽດນາມ ໃນພາລະກິດປົດປ່ອຍຊາດ ກໍ່ຄືຍຸດທະສາດປະດິດສ້າງ ແລະ ພັດທະນາຂອງ ຫວຽດນາມ.

Nhà sử học Brazil: Đảng Cộng sản Việt Nam là một trong những tổ chức chính trị lâu đời, có tầm ảnh hưởng lớn ở châu Á

ນັກປະຫວັດສາດ ແລະ ນັກຂ່າວ ບຣາຊິນ De Oliviera ຢືນຢັນວ່າ ພັກກອມມູນິດ ຫວຽດນາມ ຖືເປັນໃຈກາງໃນປະຫວັດສາດສະໄໝໃໝ່ຂອງ ຫວຽດນາມ. (ທີ່ມາ: ຫໍສະໝຸດກົດໝາຍ)

ທີ່ການໃຫ້ສຳພາດຕໍ່ນັກຂ່າວໃນໂອກາດສະເຫຼີມສະຫຼອງ 95 ປີແຫ່ງວັນສ້າງຕັ້ງພັກກອມມູນິດຫວຽດນາມ (3/2/1930 – 3/2/2025), ນັກປະຫວັດສາດ ແລະ ນັກຂ່າວ ບຣາຊິນ De Oliviera ຢືນຢັນວ່າ ພັກກອມມູນິດຫວຽດນາມ ຖືເປັນໃຈກາງໃນປະຫວັດສາດສະໄໝໃໝ່ຂອງຫວຽດນາມ ແລະ ແມ່ນໜຶ່ງໃນບັນດາອົງການການເມືອງເກົ່າແກ່ທີ່ສຸດໃນອາຊີ.

ໂດຍອ້າງອີງໃສ່ການກຳເນີດ ແລະ ພັດທະນາຂອງພັກກອມມູນິດຫວຽດນາມ, ນັກຂ່າວ De Oliviera ໄດ້ຍົກໃຫ້ເຫັນບົດບາດຂອງປະທານ ໂຮ່ຈີມິນ ໃນພາລະກິດປົດປ່ອຍປະເທດຊາດ ຫວຽດນາມ, ໃຫ້ກຳເນີດສາທາລະນະລັດ ປະຊາທິປະໄຕ ຫວຽດນາມ ໃນວັນທີ 2 ກັນຍາ 1945.

ທ່ານ De Oliviera, ທັງເປັນເລຂາທິການໃຫຍ່ສະມາຄົມມິດຕະພາບ ບຣາຊິນ - ຫວຽດນາມ, ໄດ້ຫວນຄືນບັນດາຜົນງານອັນສະຫງ່າລາສີຂອງກອງທັບ ແລະປະຊາຊົນຫວຽດນາມ, ພາຍໃຕ້ການນຳພາຂອງພັກກອມມູນິດຫວຽດນາມ, ໃນການເອົາຊະນະກອງທັບ ຝະລັ່ງ ໃນຂະບວນການ ດ້ຽນບຽນຝູ “ຊື່ສຽງໂດ່ງດັງໃນ 5 ທະວີບ, ສັ່ນສະເທືອນແຜ່ນດິນໂລກ” ປີ 1957 ແລະ ຊຸມປີ 1954 ຂອງກອງທັບອາເມລິກາ.

ໃນວິວັດການສ້າງສາ ແລະ ກໍ່ສ້າງປະເທດພາຍຫຼັງສົງຄາມ, ທ່ານ De Oliviera ໄດ້ເນັ້ນໜັກເຖິງບົດບາດຂອງພັກກອມມູນິດຫວຽດນາມ ເມື່ອສະເໜີນະໂຍບາຍດອຍມໍທີ່ປະຕິບັດມາແຕ່ປີ 1986. ນີ້ແມ່ນການປະຕິຮູບເສດຖະກິດເພື່ອແນໃສ່ຫັນປ່ຽນຈາກຮູບແບບເສດຖະກິດລວມສູນ, ແບບແຜນການເປັນຮູບແບບເສດຖະກິດຕະຫຼາດ, ມຸ່ງໄປເຖິງການສົ່ງອອກ.

ຕາມນັກຂ່າວ Oliviera ແລ້ວ, ຍ້ອນຄວາມມານະພະຍາຍາມປະຕິບັດ Doi Moi ໃນໄລຍະ 40 ປີຜ່ານມາ, ເສດຖະກິດຫວຽດນາມ ປີ 2024 ບັນລຸລະດັບເຕີບໂຕ 7,09%, ລວມຍອດຜະລິດຕະພັນພາຍໃນ (GDP) ບັນລຸ 476,3 ຕື້ USD. ປະຈຸບັນ, ຫວຽດນາມ ແມ່ນຕົວເຊື່ອມຕໍ່ທີ່ສຳຄັນໃນຕ່ອງໂສ້ການສະໜອງທົ່ວໂລກ.

ທ່ານ Oliviera ກໍ່ຕີລາຄາສູງບັນດານະໂຍບາຍທີ່ພັກກອມມູນິດຫວຽດນາມ ປະຕິບັດໃນມໍ່ໆມານີ້, ລວມທັງການປະຕິຮູບດ້ານບໍລິຫານ, ປັບປຸງກົງຈັກການຈັດຕັ້ງ, ປັບປຸງປະສິດທິພາບການຄຸ້ມຄອງ ແລະ ການບໍລິການຜ່ານການຫັນເປັນດີຈີຕອນໃນການບໍລິຫານລັດ, ຕັດຕົ້ນທຶນ, ປັບປຸງສະພາບແວດລ້ອມແຫ່ງການດຳເນີນທຸລະກິດ ແລະ ຍົກສູງຄວາມສາມາດແຂ່ງຂັນແຫ່ງຊາດ...

ນັກຂ່າວ De Oliviera ຕີລາຄາສູງນະໂຍບາຍການຕ່າງປະເທດຂອງຫວຽດນາມ, ພິເສດແມ່ນການປະກອບສ່ວນຂອງຫວຽດນາມໃນບັນດາບັນຫາພາກພື້ນ ແລະ ສາກົນ. ຫວຽດນາມ ແມ່ນສະມາຊິກທີ່ຕັ້ງໜ້າຂອງອາຊຽນ, ຊຸກຍູ້ການເຊື່ອມໂຍງພາກພື້ນ, ແກ້ໄຂຄວາມຂັດແຍ່ງ ແລະ ການຮ່ວມມືດ້ານເສດຖະກິດ. ຫວຽດນາມເປັນເຈົ້າພາບຈັດກອງປະຊຸມສຸດຍອດອາຊຽນໃນປີ 1998, 2010 ແລະ 2020 ໄດ້ຮັບຜົນສຳເລັດ, ຊຸກຍູ້ການກໍ່ສ້າງປະຊາຄົມອາຊຽນ.

ໃນການເຊື່ອມໂຍງເສດຖະກິດ, ຫວຽດນາມ ສືບຕໍ່ປະຕິບັດສັນຍາການຄ້າຫຼາຍຝ່າຍຄື: ສັນຍາຄູ່ຮ່ວມມືຮອບດ້ານ ແລະ ກ້າວໜ້າ (CPTPP), ສັນຍາການຄ້າເສລີ ຫວຽດນາມ - EU (EVFTA) ແລະ ຄູ່ຮ່ວມມືເສດຖະກິດຮອບດ້ານພາກພື້ນ (RCEP) ເພື່ອເພີ່ມທະວີການພົວພັນດ້ານເສດຖະກິດ, ດຶງດູດການລົງທຶນຈາກຕ່າງປະເທດ.

ທ່ານ De Oliviera ກໍ່ຢືນຢັນບົດບາດ ແລະ ການປະກອບສ່ວນອັນຕັ້ງໜ້າຂອງຫວຽດນາມ ເຂົ້າໃນພາລະກິດຮັກສາສັນຕິພາບຂອງສະຫະປະຊາຊາດ ນັບແຕ່ປີ 2014, ໄດ້ສະແດງໃຫ້ເຫັນຄຳໝັ້ນສັນຍາກ່ຽວກັບຄວາມໝັ້ນຄົງຂອງໂລກ.

ໂດຍອ້າງອີງໃສ່ການພົວພັນລະຫວ່າງ 2 ປະເທດ, ທ່ານ De Oliviara ໄດ້ຕີລາຄາໝາກຜົນແຫ່ງການຢ້ຽມຢາມ ຫວຽດນາມ ປີ 2023 ຢູ່ ຫວຽດນາມ ຂອງທ່ານນາງ Luciana Santos ລັດຖະມົນຕີກະຊວງວິທະຍາສາດ, ເຕັກໂນໂລຊີ ແລະ ນະວັດຕະກຳຂອງ ບຣາຊິນ, ພ້ອມທັງແມ່ນປະທານພັກກອມມູນິດ ບຣາຊິນ, ດ້ວຍການສ້າງຕັ້ງບັນດາຂໍ້ຕົກລົງຮ່ວມມືພິເສດໃນຂົງເຂດ semiconductor ແລະ ສ້າງກາລະໂອກາດໃຫ້ກຸ່ມບໍລິສັດ VINFAST ເປີດໂຮງງານຜະລິດລົດຍົນໄຟຟ້າຢູ່ Brazil.

ໃນໄລຍະທີ່ທ່ານນາຍົກລັດຖະມົນຕີ ຟ້າມບິ່ງມິງ ໄດ້ໄປຢ້ຽມຢາມ ບຣາຊິນ ແລະ ເຂົ້າຮ່ວມກອງປະຊຸມສຸດຍອດ G20 ໃນທ້າຍປີ 2024, 2 ປະເທດໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດ. ບຣາຊິນ ແມ່ນຄູ່ຮ່ວມມືການຄ້າໃຫຍ່ທີ່ສຸດຂອງຫວຽດນາມ ຢູ່ອາເມລິກາລາຕິນ, ຄືກັນກັບຫວຽດນາມ ແມ່ນຄູ່ຮ່ວມມືການຄ້າທີ່ສຳຄັນຂອງ ບຣາຊິນ ໃນອາຊີຕາເວັນອອກສ່ຽງໃຕ້.

ທີ່ມາ