ດ່າໜັງ ເປີດຖະໜົນດອກໄມ້ທະເລ

ໂຄງການຖະໜົນດອກໄມ້ຫາດຊາຍ ດານັງ ພວມດຳເນີນຢູ່ລຽບແຄມຝັ່ງທະເລ ດ້ວຍ 13 ກຸ່ມດອກໄມ້ທີ່ເປັນເອກະລັກສະເພາະ ແລະ ໜ້າປະທັບໃຈ, ປະດັບປະດາດ້ວຍສີສັນ, ຖືກຈັດລຽງຕາມເສັ້ນທາງແຄມຝັ່ງທະເລ Vo Nguyen Giap, ຈາກສີ່ແຍກ Vo Van Kiet – Vo Nguyen Giap ຫາ ຫາດ Sao Bien.

ທ່ານ ຫງວຽນດຶກວູ, ຫົວໜ້າຄະນະຄຸ້ມຄອງແຫຼມ ເຊີນຈ່າ ແລະ ບັນດາຫາດຊາຍທະເລທ່ອງທ່ຽວດ່ານັງ ໃຫ້ຮູ້ວ່າ: ດ້ວຍບັນດາຮູບແບບປະດັບປະດາດອກໄມ້ທີ່ໄດ້ຮັບການດົນໃຈຈາກຊີວິດຢູ່ທະເລ ແລະ ດອກໄມ້ເຂດຮ້ອນ, ຖືກຈັດຂຶ້ນຕາມສິລະປະຕິດຕັ້ງ ແລະ ແສງໄຟລຽບຕາມເສັ້ນທາງແຄມຝັ່ງທະເລ, ຈະເຮັດໃຫ້ເຂດທະເລນະຄອນ ດ່ານັ້ງ ມີສີສັນພິເສດ.

ຖະໜົນດອກໄມ້ ດ່າໜັງ ຈະສ້າງຈຸດເດັ່ນເພື່ອຕອບສະໜອງຄວາມບັນເທີງ ແລະເຊັກອິນທີ່ເພີ່ມຂຶ້ນຂອງນັກທ່ອງທ່ຽວ.

ບັນດາຜູ້ແທນໄດ້ຕັດແຖບຜ້າເປີດຖະໜົນດອກໄມ້ຢູ່ທະເລດ່ານັງ. (ພາບ: ANH DAO)

ຜ່ານເຫດການດັ່ງກ່າວ, ຄະນະຈັດຕັ້ງຫວັງວ່າຈະປະກອບສ່ວນເປັນສ່ວນນ້ອຍເພື່ອແນະນຳຮູບພາບທີ່ສວຍງາມຂອງນະຄອນດ່ານັງ, ເມືອງທະເລ, ພູເຂົາ, ແມ່ນ້ຳ ແລະ ຄວາມເປັນມິດ ແລະ ການຕ້ອນຮັບແຂກທ່ອງທ່ຽວທັງພາຍໃນ ແລະ ຕ່າງປະເທດ.

ຂະແໜງທ່ອງທ່ຽວ ດ່າໜັງ ຄາດວ່າ ຖະໜົນດອກໄມ້ທະເລ ດານັງ ຈະເຮັດໃຫ້ເຂດທະເລຂອງນະຄອນ ດ່າໜັງ ມີຄວາມສວຍງາມ ແລະ ມີຊີວິດຊີວາສຳລັບຊາວທ້ອງຖິ່ນ ແລະ ນັກທ່ອງທ່ຽວ, ໂດຍສະເພາະ ຍາມກາງຄືນ.

ເນື່ອງໃນໂອກາດນີ້, ຂະແໜງທ່ອງທ່ຽວນະຄອນ ດ່ານັ້ງ ຮຽກຮ້ອງບັນດາວິສາຫະກິດຫາດຊາຍທະເລ, ນອກຈາກຮັບປະກັນສຸຂະອະນາໄມສິ່ງແວດລ້ອມຢູ່ເຂດດຳເນີນທຸລະກິດ, ໄປຄຽງຄູ່ກັບການປະດັບປະດາດ້ວຍດອກໄມ້ ແລະ ບັນດາຮູບແບບອື່ນໆທີ່ເໝາະສົມເພື່ອເຮັດໃຫ້ຖະໜົນດອກໄມ້ຫາດຊາຍມີຄວາມສວຍງາມ, ດຶງດູດນັກທ່ອງທ່ຽວມານະຄອນ ດ່ານັງ.

ບາງຮູບການຢູ່ຖະໜົນດອກໄມ້ ດ່ານັງ ບັນທຶກໂດຍນັກຂ່າວ: