ກູບາຂອບໃຈຫວຽດນາມຢ່າງເລິກເຊິ່ງຕໍ່ການສະໜັບສະໜູນ

(Chinhphu.vn) - ທ່ານລັດຖະມົນຕີການຕ່າງປະເທດ ກູບາ Bruno Rodriguez ສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ຄວາມເປັນຫ່ວງເປັນໄຍຂອງຫວຽດນາມ, ແບ່ງປັນ ແລະໜູນຊ່ວຍ ກູບາ ໃນສະພາບການປະຈຸບັນ ໂດຍຜ່ານການຊ່ວຍເຫຼືອດ້ານເຂົ້າ, ສະໜອງເຂົ້າຢ່າງໝັ້ນຄົງໃຫ້ແກ່ກູບາ, ຊ່ວຍໃຫ້ກູບາ ພັດທະນາສະບຽງອາຫານ ແລະອາຫານທະເລ, ໜູນຊ່ວຍ ກູບາ ຢູ່ບັນດາເວທີປາໄສສາກົນ.

Cuba cảm ơn sâu sắc sự hỗ trợ của Việt Nam- Ảnh 1. — ທ່ານຮອງນາຍົກລັດຖະມົນຕີ ເຈີ່ນດ້າຍກວາງ ມີການພົບປະກັບສະຫາຍ Bruno Rodriguez, ກຳມະການກົມການເມືອງ, ລັດຖະມົນຕີການຕ່າງປະເທດ ກູບາ - ພາບ: VGP/Hai Minh

ໃນຂອບເຂດການຢ້ຽມຢາມກູບາເປັນທາງການ, ຕອນເຊົ້າວັນທີ 15/4, ທ່ານຮອງນາຍົກລັດຖະມົນຕີ ເຈີ່ນດ້າຍກວາງ ໄດ້ມີການພົບປະກັບສະຫາຍ Bruno Rodriguez, ກຳມະການກົມການເມືອງ, ລັດຖະມົນຕີວ່າການກະຊວງການຕ່າງປະເທດ ກູບາ.

ທີ່ການພົບປະ, ທ່ານລັດຖະມົນຕີການຕ່າງປະເທດ Bruno Rodriguez ໄດ້ໃຫ້ການຕ້ອນຮັບທ່ານຮອງນາຍົກລັດຖະມົນຕີ ເຈີ່ນດ້າຍກວາງ ແລະ ຄະນະຜູ້ແທນລັດຖະບານ ຫວຽດນາມ ປະຈຳ ກູບາ, ຕີລາຄາສູງຄວາມໝາຍ ແລະ ຄວາມສຳຄັນຂອງການຢ້ຽມຢາມທາງລັດຖະກິດເຖິງການພົວພັນມິດຕະພາບທີ່ເປັນມູນເຊື້ອ ຫວຽດນາມ - ກູບາ, ພິເສດແມ່ນໃນສະພາບການໂລກປະຈຸບັນພວມສັບສົນ, ຮຽກຮ້ອງໃຫ້ ຫວຽດນາມ ແລະ ກູບາ ເພີ່ມທະວີຄວາມສາມັກຄີ, ຮ່ວມມື.

ລັດຖະມົນຕີ ທ່ານ Bruno Rodriguez ຖືວ່າ, ການຢ້ຽມຢາມຂອງທ່ານຮອງນາຍົກລັດຖະມົນຕີ ເຈີ່ນດ້າຍກວາງ ຈະປະກອບສ່ວນສືບຕໍ່ປະຕິບັດບັນດາຂໍ້ຕົກລົງຂອງບັນດາການນຳຂັ້ນສູງ 2 ປະເທດຢ່າງມີປະສິດທິຜົນ, ສ້າງຂີດໝາຍໃໝ່ໃນປະຫວັດສາດການພົວພັນຄູ່ຮ່ວມມືຮອບດ້ານ ຫວຽດນາມ - ກູບາ.

ທ່ານລັດຖະມົນຕີການຕ່າງປະເທດ ກູບາ ສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ການເອົາໃຈໃສ່, ແບ່ງປັນ ແລະ ສະໜັບສະໜູນຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ແລະ ບັນດາການນຳຂັ້ນສູງ ກໍ່ຄືລັດຖະບານ ແລະ ປະຊາຊົນ ຫວຽດນາມ ຕໍ່ກັບ ກູບາ ໃນສະພາບການປະຈຸບັນ ໂດຍຜ່ານການໜູນຊ່ວຍເຂົ້າ, ສະໜອງເຂົ້າຢ່າງໝັ້ນຄົງໃຫ້ແກ່ກູບາ, ໜູນຊ່ວຍ ກູບາ ພັດທະນາສະບຽງອາຫານ ແລະ ການຜະລິດສິນໃນນ້ຳ, ໜູນຊ່ວຍ ກູບາ ຢູ່ບັນດາເວທີປາໄສສາກົນ.

Cuba cảm ơn sâu sắc sự hỗ trợ của Việt Nam- Ảnh 2. — 2 ຝ່າຍປຶກສາຫາລືກ່ຽວກັບສະພາບການຢູ່ແຕ່ລະປະເທດ, ກວດກາ ແລະ ຕີລາຄາບັນດາຂົງເຂດຮ່ວມມື - ພາບ: VGP/Hai Minh

ທ່ານຮອງນາຍົກລັດຖະມົນຕີ ເຈີ່ນດ້າຍກວາງ ສະແດງຄວາມປິຕິຊົມຊື່ນທີ່ມາຢ້ຽມຢາມ ກູບາ ເປັນຄັ້ງທຳອິດ ແລະ ໄດ້ມີການພົບປະກັບສະຫາຍ. Bruno Rodriguez; ຊົມເຊີຍ 2 ປະເທດຈັດຕັ້ງບັນດາເຫດການສຳຄັນໃນການພົວພັນສອງຝ່າຍຄື: ສະເຫຼີມສະຫຼອງ 50 ປີແຫ່ງວັນການຢ້ຽມຢາມເຂດປົດປ່ອຍ ຫວຽດນາມ ໃຕ້ (ເດືອນ ກັນຍາ 1979 – ກັນຍາ 2023), ສະເຫຼີມສະຫຼອງ 60 ປີແຫ່ງວັນສ້າງຕັ້ງຄະນະກຳມະບານສາມັກຄີກັບ ຫວຽດນາມ ໃຕ້, ສະໄໝກ່ອນຂອງສະມາຄົມມິດຕະພາບ ຫວຽດນາມ - 25 ກັນຍາ 023), ເຊັ່ນດຽວກັນກັບການຢ້ຽມຢາມຂອງທ່ານປະທານສະພາແຫ່ງຊາດ ຫງວຽນຊິງຮຸ່ງ ເຖິງ ກູບາ ໃນເດືອນ 4/2023 ແລະ ການຢ້ຽມຢາມຂອງປະທານສະພາແຫ່ງຊາດ ກູບາ ມາ ຫວຽດນາມ ໃນເດືອນ 9/2023. ເຊື່ອໝັ້ນວ່າ, ບັນດາການເຄື່ອນໄຫວດັ່ງກ່າວໄດ້ປະກອບສ່ວນເຂົ້າໃນການເພີ່ມທະວີຄວາມເຂົ້າໃຈ, ຄວາມສາມັກຄີ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດ .

ທ່ານຮອງນາຍົກລັດຖະມົນຕີ ຊົມເຊີຍ ກູບາ ກ່ຽວກັບບັນດາໝາກຜົນສຳຄັນທີ່ຕົນໄດ້ຮັບໃນບັນດາຄວາມຫຍຸ້ງຍາກ ແລະ ສິ່ງທ້າທາຍຫລາຍຢ່າງ ຍ້ອນຖືກປິດລ້ອມ ແລະ ກີດຂວາງ; ຢືນຢັນຫຼັກໝັ້ນຂອງຫວຽດນາມທີ່ເປັນເອກະພາບສະເໝີຕົ້ນສະເໝີປາຍ ແລະ ສະໜັບສະໜູນກູບາ, ຄັດຄ້ານ ແລະ ຮຽກຮ້ອງຢຸດຕິນະໂຍບາຍປິດລ້ອມ ແລະ ກີດຂວາງກູບາໃນທຸກຮູບການ.

ຫວຽດນາມ ຍາມໃດກໍ່ຖືເປັນສຳຄັນ ແລະ ເຊື່ອໝັ້ນວ່າ ກູບາ ດ້ວຍມູນເຊື້ອອັນສະຫງ່າລາສີ ແລະ ຄວາມໝັ້ນຄົງຂອງຕົນ, ຈະຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍ ແລະ ບັນລຸໄດ້ບັນດາຜົນງານອັນໃຫຍ່ຫຼວງກວ່າອີກໃນພາລະກິດອັນສູງສົ່ງຂອງຕົນ.

ທີ່ການພົບປະ, 2 ຝ່າຍໄດ້ປຶກສາຫາລືກ່ຽວກັບສະພາບການຢູ່ແຕ່ລະປະເທດ, ກວດກາ ແລະ ຕີລາຄາບັນດາຂົງເຂດຮ່ວມມື; ແລກປ່ຽນບັນດາທິດທາງ ແລະ ມາດຕະການເພື່ອແນໃສ່ພັດທະນາສາຍພົວພັນມິດຕະພາບ ແລະ ການຮ່ວມມື ຫວຽດນາມ - ກູບາ ໃຫ້ເລິກເຊິ່ງກ່ວາອີກ.

2 ຝ່າຍເຫັນດີເປັນເອກະພາບສືບຕໍ່ສົມທົບກັນຢ່າງແໜ້ນແຟ້ນ ໃນການກະກຽມໃຫ້ບັນດາການຢ້ຽມຢາມ ແລະ ພົວພັນຕ່າງປະເທດຂັ້ນສູງ, ຊຸກຍູ້ບັນດາກົນໄກສົນທະນາ ແລະ ການຮ່ວມມືທີ່ມີຢູ່ແລ້ວ; ເພີ່ມທະວີການແລກປ່ຽນຄະນະຜູ້ແທນລະຫວ່າງບັນດາກະຊວງ, ສາຂາ, ທ້ອງຖິ່ນ ແລະ ປະຊາຄົມວິສາຫະກິດ 2 ປະເທດ; ຊອກຫາວິທີແກ້ໄຂເພື່ອຊຸກຍູ້ການພົວພັນດ້ານການຄ້າ - ການລົງທຶນ ແລະ ການຮ່ວມມືໃນບັນດາຂົງເຂດທີ່ຕ່າງຝ່າຍຕ່າງມີຄວາມສົນໃຈຄື: ກະສິກຳ, ກໍ່ສ້າງ, ສຶກສາ - ສາທາລະນະສຸກ, ການຢາ, ວິທະຍາສາດ - ເຕັກໂນໂລຢີ, ວັດທະນະທຳ - ກິລາ ແລະ ການແລກປ່ຽນປະຊາຊົນ.

2 ຝ່າຍກໍ່ປຶກສາຫາລືບັນດາບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ, ເຫັນດີສືບຕໍ່ສົມທົບກັນຢ່າງແໜ້ນແຟ້ນ, ສະໜັບສະໜູນເຊິ່ງກັນ ແລະ ກັນຢູ່ບັນດາອົງການຈັດຕັ້ງສາກົນ ແລະ ບັນດາເວທີປາໄສຫຼາຍຝ່າຍ ເຊິ່ງ ຫວຽດນາມ ແລະ ກູບາ ແມ່ນສະມາຊິກ, ພິເສດແມ່ນຢູ່ ສປຊ ແລະ ການເຄື່ອນໄຫວບໍ່ຮ່ວມກຸ່ມ.

2 ຝ່າຍກໍ່ໄດ້ແບ່ງປັນຫຼັກໝັ້ນໃນການແກ້ໄຂການພິພາດສາກົນດ້ວຍສັນຕິວິທີ, ບົນພື້ນຖານເຄົາລົບກົດໝາຍສາກົນ ແລະ ກົດບັດສະຫະປະຊາຊາດ./.

Hai Minh - ປະຕູລັດຖະບານ

ທີ່ມາ