ການຢ້ຽມຢາມຂອງທ່ານເລຂາທິການໃຫຍ່ ແລະ ປະທານປະເທດ To Lam ຈະເປີດປະຫວັດສາດການພົວພັນລະຫວ່າງສອງປະເທດ.

ໜັງສືພິມອອນໄລ CubaDebate ເຊື່ອໝັ້ນວ່າ ການຢ້ຽມຢາມທາງລັດຖະກິດຢູ່ ກູບາ ຂອງທ່ານເລຂາທິການໃຫຍ່ ແລະ ປະທານປະເທດ To Lam ແມ່ນເຫດການສຳຄັນ, ເປີດໜ້າໃໝ່ໃນປະຫວັດສາດຂອງການພົວພັນ 2 ຝ່າຍ.

Truyền thông Cuba: Chuyến thăm của Tổng Bí thư, Chủ tịch nước Tô Lâm sẽ mở ra chương mới trong lịch sử quan hệ song phương

ບົດຂຽນໄດ້ຕີລາຄາສູງຄວາມໝາຍຂອງການຢ້ຽມຢາມ ກູບາ ຂອງທ່ານເລຂາທິການໃຫຍ່, ປະທານປະເທດ To Lam ໃນໜັງສືພິມອອນໄລ CubaDebate. (ພາບໜ້າຈໍ)

ວັນທີ 23 ກັນຍານີ້ , ເວັບໄຊຂ່າວທາງການຂອງ CubaDebate ໄດ້ລົງພິມບົດຄວາມຂອງທ່ານດຣ Ruvislei González Sáez, ຮອງປະທານສະມາຄົມມິດຕະພາບກູບາ - ຫວຽດນາມ. ບົດຂຽນໄດ້ຕີລາຄາສູງຄວາມໝາຍສຳຄັນຂອງການຢ້ຽມຢາມກູບາຂອງທ່ານເລຂາທິການໃຫຍ່, ປະທານປະເທດ To Lam ແລະ ຢືນຢັນວ່າ: ເຫດການນີ້ຈະເປີດໜ້າໃໝ່ໃນປະຫວັດສາດຂອງການພົວພັນ 2 ຝ່າຍ.

ທ່ານຮອງປະທານສະມາຄົມມິດຕະພາບ ກູບາ - ຫວຽດນາມ ຖືວ່າ: ການຢ້ຽມຢາມກູບາຄັ້ງທຳອິດຂອງທ່ານເລຂາທິການໃຫຍ່ ແລະ ປະທານປະເທດ ກູບາ ສືບຕໍ່ສະແດງໃຫ້ເຫັນເຖິງສາຍພົວພັນມິດຕະພາບພິເສດລະຫວ່າງ 2 ປະເທດ. ສິ່ງດັ່ງກ່າວສະແດງໃຫ້ເຫັນວ່າ, ກູບາ ຍາມໃດກໍ່ຖືເປັນຈຸດພິເສດໃນນະໂຍບາຍການຕ່າງປະເທດ ແລະ ການທູດຂອງຫວຽດນາມ, ເຖິງວ່າມີໄລຍະຫ່າງທາງດ້ານພູມສາດ.

ສຳລັບກູບາ, ການມີສະຫາຍ To Lam ໃນຖານະເປັນເລຂາທິການໃຫຍ່ພັກກອມມູນິດຫວຽດນາມ ແລະ ປະທານປະເທດ ແມ່ນມີຄວາມໝາຍອັນໃຫຍ່ຫຼວງ, ສະແດງໃຫ້ເຫັນຢ່າງຈະແຈ້ງວ່າ ຫວຽດນາມ ພ້ອມແລ້ວທີ່ຈະມານະພະຍາຍາມຄຽງຄູ່ກັບບັນດາປະເທດອ້າຍນ້ອງນີ້. ການຢ້ຽມຢາມຂອງສະຫາຍເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ແມ່ນແຫຼ່ງກຳລັງໃຈອັນໃຫຍ່ຫຼວງໃຫ້ແກ່ ກູບາ, ສະແດງໃຫ້ເຫັນວ່າ ພັກ, ລັດ, ລັດຖະບານ, ກອງທັບ ແລະ ປະຊາຊົນ ຫວຽດນາມ ຖືເປັນສຳຄັນການພົວພັນຮ່ວມມືສອງຝ່າຍ.

ເປັນການສະແດງໃຫ້ເຫັນວ່າ, ການຢ້ຽມຢາມກູບາຂອງທ່ານເລຂາທິການໃຫຍ່, ປະທານປະເທດ To Lam ແມ່ນກົງກັບວັນຄົບຮອບ 61 ປີແຫ່ງວັນສ້າງຕັ້ງຄະນະກຳມະການສາມັກຄີກັບຫວຽດນາມໃຕ້ (25/9/1963) ແລະ ຄົບຮອບ 55 ປີແຫ່ງການປະຕິບັດຄຳໝັ້ນສັນຍາຂອງລຸງ Ho (2/9/1969).

ກ່ອນໜ້ານັ້ນ, ໃນປີ 2022, ສະຫາຍ ໂຕເລີມ ໄດ້ໄປຢ້ຽມຢາມ ກູບາ ໃນຖານະກຳມະການກົມການເມືອງສູນກາງພັກກອມມູນິດຫວຽດນາມ, ລັດຖະມົນຕີກະຊວງຕຳຫຼວດ ແລະ ພົບປະກັບຜູ້ນຳກູບາ, ພົນເອກ Raúl Castro Ruz; ທ່ານເລຂາທິການໃຫຍ່ຜູ້ທີໜຶ່ງຂອງພັກກອມມູນິດກູບາ, ປະທານປະເທດ ກູບາ Miguel Mario Díaz-Canel Bermúdez, ພ້ອມກັບບັນດາເຈົ້າໜ້າທີ່ຂັ້ນສູງຂອງພັກ, ລັດ ແລະ ລັດຖະບານ ກູບາ ຫຼາຍຄົນ.

ໃນປະຫວັດສາດແຫ່ງການພົວພັນສາກົນ, ການພົວພັນມິດຕະພາບຫວຽດນາມ - ກູບາ ແມ່ນແບບຢ່າງ, ມີປະຫວັດສາດອັນຍາວນານ ແລະ ມີຫຼາຍຕົວຢ່າງໄດ້ຢືນຢັນເຖິງຄວາມສຳຄັນຂອງການພົວພັນລະຫວ່າງສອງປະເທດ. Osvaldo Dorticós Torrado ເປັນປະມຸກລັດຄົນທຳອິດຈາກອາເມລິກາລາຕິນ ແລະ Caribbean ມາຢ້ຽມຢາມຫວຽດນາມ ໃນປີ 1966; ທ່ານ Fidel Castro ແມ່ນປະມຸກລັດຄົນທຳອິດ ແລະ ຜູ້ດຽວໃນໂລກທີ່ມາຢ້ຽມຢາມເຂດປົດປ່ອຍໃໝ່ຢູ່ຫວຽດນາມໃຕ້ເມື່ອປີ 1973; ການຢ້ຽມຢາມ ກູບາ ໃນປີ 1974 ຂອງນາຍົກລັດຖະມົນຕີ ຟ້າມວັນດົ່ງ ແມ່ນການຢ້ຽມຢາມ ຢ່າງເປັນທາງການຄັ້ງທຳອິດ ຂອງຜູ້ນຳຂັ້ນສູງ ຫວຽດນາມ ປະຈຳ ອາເມລິກາ. ເມື່ອຜູ້ບັນຊາການໃຫຍ່ກູບາ Fidel Castro ເຖິງແກ່ມໍລະນະກຳ, ຄະນະຜູ້ແທນຕ່າງປະເທດທຳອິດທີ່ມາເຖິງນະຄອນ Havana ແມ່ນຄະນະຜູ້ແທນ ຫວຽດນາມ. ເມື່ອທ່ານເລຂາທິການໃຫຍ່ ຫງວຽນຟູ໋ຈ້ອງ ເຖິງແກ່ມໍລະນະກຳ, ກູບາ ກໍ່ແມ່ນຄະນະຜູ້ແທນຕ່າງປະເທດທຳອິດມາຢ້ຽມຢາມ ຫວຽດນາມ. ນອກນີ້, ຍັງມີຫຼາຍຈຸດພົ້ນເດັ່ນທີ່ສະແດງໃຫ້ເຫັນສາຍພົວພັນສອງປະເທດທີ່ຫາຍາກເປັນພິເສດ.

ທ່ານດຣ González Sáez ເນັ້ນໜັກວ່າ, ຕ້ອງສົ່ງເສີມຈິດໃຈນີ້ໃຫ້ແກ່ລຸ້ນໜຸ່ມ, ເພື່ອໃຫ້ມໍລະດົກແຫ່ງການພົວພັນລະຫວ່າງສອງປະເທດໄດ້ຮັບການຮັກສາ ແລະ ເພີ່ມທະວີ.

ໃນໄລຍະມໍ່ໆມານີ້, ການພົວພັນດ້ານການເມືອງ - ການທູດ ແລະ ການພົບປະແລກປ່ຽນປະຊາຊົນລະຫວ່າງ ຫວຽດນາມ ແລະ ກູບາ ໄດ້ບັນລຸລະດັບສູງສຸດ, ເຖິງຢ່າງໃດກໍ່ຕາມ, ການພົວພັນດ້ານເສດຖະກິດ, ການຄ້າ ແລະ ການເງິນລະຫວ່າງ 2 ປະເທດຍັງບໍ່ທັນພັດທະນາຕາມຄວາມສາມາດບົ່ມຊ້ອນໃນປະຈຸບັນ. ປະຈຸບັນ, ຫວຽດນາມ ແມ່ນນັກລົງທຶນຕົ້ນຕໍຂອງອາຊີຢູ່ກູບາ, ແຕ່ສືບຕໍ່ສ້າງຄວາມສະດວກໃຫ້ແກ່ການພັດທະນາຢ່າງເລິກເຊິ່ງກ່ວາອີກຂອງການເຄື່ອນໄຫວດຳເນີນທຸລະກິດຂອງສອງປະເທດຈະມີຄຸນຄ່າຫຼາຍເພື່ອຜົນປະໂຫຍດຮ່ວມກັນ. ການຄ້າສອງຝ່າຍຕ້ອງມີການເຄື່ອນໄຫວຢ່າງຕັ້ງໜ້າ, ພິເສດແມ່ນສອງປະເທດໄດ້ມີສັນຍາການຄ້າແຕ່ປີ 2020 ເພື່ອອຳນວຍຄວາມສະດວກໃຫ້ແກ່ການເຄື່ອນໄຫວແລກປ່ຽນ.

ໃນສະພາບການນັ້ນ, ທ່ານ González Sáez ຫວັງວ່າການຢ້ຽມຢາມຂອງທ່ານເລຂາທິການໃຫຍ່, ປະທານປະເທດ To Lam ຈະແມ່ນໂອກາດເພື່ອໃຫ້ການນຳ 2 ປະເທດປຶກສາຫາລືສະພາບຕົວຈິງຂອງແຕ່ລະປະເທດ, ຊຸກຍູ້ບັນດາກົນໄກການພົວພັນຄູ່ຮ່ວມມືຮອບດ້ານ, ສ້າງຂີດໝາຍໃໝ່ໃນການພົວພັນສອງປະເທດ, ເປີດໄລຍະໃໝ່.

ສະນັ້ນ, ທ່ານຮອງປະທານສະມາຄົມມິດຕະພາບ ກູບາ - ຫວຽດນາມ ເຊື່ອໝັ້ນວ່າ ການຢ້ຽມຢາມຈະເພີ່ມທະວີການພົວພັນຮ່ວມມືຍາວນານໃນທຸກຂົງເຂດ.

ຢູ່ລຸ່ມບົດຂຽນ, ຜູ້ອ່ານຫຼາຍຄົນໄດ້ຝາກຄຳເຫັນ ແລະ ແບ່ງປັນທັດສະນະກັບຜູ້ຂຽນ, ຕີລາຄາສູງການພົວພັນມິດຕະພາບທີ່ເປັນມູນເຊື້ອພິເສດ ກູບາ - ຫວຽດນາມ, ເປັນອ້າຍນ້ອງທີ່ຫາຍາກໄດ້ຜ່ານຜ່າສິ່ງທ້າທາຍນັບບໍ່ຖ້ວນໃນ 60 ປີຜ່ານມາ. ໄລຍະຫ່າງທາງພູມສາດບໍ່ໄດ້ປ້ອງກັນມິດຕະພາບ. ຊາວ ກູບາ ຍາມໃດກໍ່ຊົມເຊີຍບັນດານ້ຳໃຈບໍ່ຍອມຈຳນົນ, ກຸ້ມຕົນເອງ, ດຸໝັ່ນ, ກ້າຫານ, ສະຕິປັນຍາ, ມີຫົວຄິດປະດິດສ້າງໃນການສຶກສາ, ເຮັດວຽກ, ຜະລິດ, ຕໍ່ສູ້, ພິເສດແມ່ນຈິດໃຈຮັກຫອມສັນຕິພາບຂອງປະຊາຊົນຫວຽດນາມ.

ທີ່ມາ: https://baoquocte.vn/bao-cuba-chuyen-tham-cua-tong-bi-thu-chu-tich-nuoc-to-lam-se-mo-ra-chuong-moi-trong-lich-su-quan-he-song-phuong-287544.html