ທ່ານປະທານປະເທດ Kim Jong Un ເຕືອນສົງຄາມທີ່ໃກ້ຈະມາເຖິງ, ຮຽກຮ້ອງໃຫ້ສຳເລັດການກະກຽມ, ຮຽກຮ້ອງໃຫ້ລັດເຊຍ ຢືນຄຽງຂ້າງທ່ານ.

ວັນທີ 18 ພະຈິກນີ້, ທ່ານກິມຈອງອຶນ, ປະທານາທິບໍດີສ.ເກົາຫຼີກ່າວເຕືອນວ່າ, ຄວາມສ່ຽງຂອງການປະທະກັນທາງທະຫານຢູ່ແຫຼມເກົາຫຼີແມ່ນຫຼີກລ່ຽງບໍ່ໄດ້ ແລະຮຽກຮ້ອງໃຫ້ກອງທັບຈົ່ງຕັ້ງໜ້າກະກຽມສົງຄາມ.

Triều Tiên: Chủ tịch Kim Jong Un cảnh báo chiến tranh cận kề, yêu cầu hoàn tất công tác chuẩn bị, kêu gọi Nga sát cánh

ວັນທີ 15 ພະຈິກນີ້, ການນຳ ສປປ ເກົາຫຼີ Kim Jong Un ໄດ້ກ່າວຄຳປາໄສທີ່ກອງປະຊຸມຄັ້ງທີ 4 ຂອງຜູ້ບັນຊາການທະຫານບົກ ແລະ ຄະນະກຳມະການການເມືອງຂອງ ສປປ ເກົາຫຼີ (KPA). (ທີ່ມາ: KCNA)

ວັນທີ 18 ພະຈິກນີ້, ສຳນັກຂ່າວສານສູນກາງສ.ເກົາຫຼີ (KCNA) ໃຫ້ຮູ້ວ່າ, ທ່ານປະທານປະເທດ Kim Jong Un ໄດ້ກ່າວຄຳເຕືອນຢູ່ກອງປະຊຸມຄັ້ງທີ 4 ຂອງຜູ້ບັນຊາການທະຫານບົກ ແລະ ຄະນະກຳມະການການເມືອງຂອງ ສປປ ເກົາຫຼີ (KPA) ໃນວັນທີ 15/11.

ເນັ້ນໜັກເຖິງຄວາມຈຳເປັນໃນການໃຫ້ບຸລິມະສິດການຫັນເປັນທັນສະໄໝທາງດ້ານເຕັກນິກ ແລະ ອຸດົມການຂອງທະຫານ ແລະ ພິຈາລະນາການກະກຽມສົງຄາມເປັນບຸລິມະສິດອັນດັບຕົ້ນໆ, ທ່ານ ກິມ ໄດ້ກ່າວວ່າ: “ຄືກັບວ່າມີເມກຟ້າຜ່າສົ່ງສັນຍານ, ຄວາມຂັດແຍ້ງທາງທະຫານຢູ່ແຫຼມ ເກົາຫຼີ ກາຍເປັນສິ່ງທີ່ຫຼີກລ່ຽງບໍ່ໄດ້.”

ຕາມຜູ້ນຳແລ້ວ , ສະຖານະການທີ່ເຄັ່ງຕຶງໃນປະຈຸບັນແມ່ນຍ້ອນ "ການຊ້ອມຮົບທາງທະຫານ" ຂອງອາເມລິກາ, ເກົາຫຼີໃຕ້ ແລະ ບັນດາປະເທດພັນທະມິດ. ທ່ານຍັງໄດ້ຮຽກຮ້ອງໃຫ້ກອງທັບຈົ່ງໃຊ້ມາດຕະການທີ່ມີຫົວຄິດປະດິດສ້າງໃນການຝຶກອົບຮົມ, ເພີ່ມທະວີຄວາມລະມັດລະວັງ ແລະ ພ້ອມແລ້ວທີ່ຈະຕອບໂຕ້ການກະທຳໃດໆ.

KCNA ກ່າວວ່າ ທ່ານ Kim ໄດ້ອອກຄຳຂວັນແຫ່ງການຕໍ່ສູ້ຂອງກຳລັງປະກອບອາວຸດຂອງ ສປປ.

ກ່ຽວກັບການພົວພັນກັບຣັດເຊຍ, ໃນວັນດຽວກັນ, ທ່ານປະທານາທິບໍດີ ສ.ເກົາຫຼີ ໄດ້ຮຽກຮ້ອງຊຸກຍູ້ການພົວພັນຮ່ວມມື “ກ້ວາງຂວາງ ແລະ ຫຼາກຫຼາຍ” ລະຫວ່າງສອງປະເທດໃນການພົບປະກັບລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ລັດເຊຍ Alexander Kozlov ຢູ່ພຽງຢາງ.

ຕາມ KCNA ແລ້ວ, ທີ່ການພົບປະ, ການນຳຂອງປະເທດອາຊີຕາເວັນອອກສຽງເໜືອໄດ້ຕີລາຄາສູງຄວາມສາມັກຄີ ແລະ ການຮ່ວມມືລະຫວ່າງສອງປະເທດໄດ້ໃກ້ຊິດ ແລະ ເລິກເຊິ່ງກວ່າອີກ, ແລະ ຢືນຢັນວ່າ: ຕ້ອງຢືນຄຽງຂ້າງ ແລະ ຍູ້ແຮງການເພີ່ມທະວີການພັດທະນາຂອງສອງປະເທດ ໂດຍສືບຕໍ່ເພີ່ມທະວີການແລກປ່ຽນລະຫວ່າງລັດຖະບານ ແລະ ການຮ່ວມມືດ້ານການຄ້າ, ເສດຖະກິດ, ວິທະຍາສາດ ແລະ ເຕັກໂນໂລຢີໃຫ້ກວ້າງຂວາງກວ່າອີກ.

ທີ່ມາ: https://baoquocte.vn/trieu-tien-chu-tich-kim-jong-un-canh-bao-chien-tranh-can-ke-yeu-cau-hoan-tat-cong-tac-chuan-bi-keu-goi-nga-sat-canh-294289.html