BritCham ຫວຽດນາມ ຈັດຕັ້ງງານລ້ຽງສະເພາະກິດຈະກຳຈັດຕັ້ງງານສະສົມທຶນເປັນປີທີ 23 ຕິດຕໍ່ກັນ

ຕອນຄຳ່ວັນທີ 19/10, ຢູ່ຮ່າໂນ້ຍ, ສະຖານທູດອັງກິດ ປະຈຳຮ່າໂນ້ຍ ແລະ ສະພາການຄ້າອັງກິດ ປະຈຳຫວຽດນາມ ໄດ້ຈັດຕັ້ງກອງປະຊຸມຂ່າວກ່ຽວກັບການເຄື່ອນໄຫວການກຸສົນ - BritCham Charity Fun Run 2023.

BritCham Vietnam tổ chức sự kiện chạy bộ gây quỹ năm thứ 23 liên tiếp

BritCham ຫວຽດນາມ ໄດ້ດຳເນີນມາແຕ່ປີ 1998 ແລະ ຄ່ອຍໆກາຍເປັນໜຶ່ງໃນບັນດາສະມາຄົມທຸລະກິດຕ່າງປະເທດທີ່ຂະຫຍັນຂັນເຄື່ອນທີ່ສຸດຢູ່ ຫວຽດນາມ ດ້ວຍສະມາຊິກ 500 ກວ່າຄົນ. (ພາບ: ຄະນະຈັດຕັ້ງ)

ສືບຕໍ່ຜົນສຳເລັດໃນຊຸມປີມໍ່ໆມານີ້, BritCham ຫວຽດນາມ ດ້ວຍການໜູນຊ່ວຍຂອງມະຫາວິທະຍາໄລອັງກິດ ຫວຽດນາມ (BUV), ໄດ້ຈັດຕັ້ງງານມະຫະກຳການກຸສົນ BritCham Charity Fun Run 2023 ໃນຕອນເຊົ້າວັນທີ 5 ພະຈິກ ຢູ່ເຂດຕົວເມືອງ Ecopark, ນະຄອນ Hung Yen, ຮ່າໂນ້ຍ.

ກ່າວຄຳເຫັນເປີດກອງປະຊຸມ, ທ່ານປະທານ BritCham ຫວຽດນາມ Christopher Jeffery ຢືນຢັນວ່າ: ການລະດົມທຶນເພື່ອການກຸສົນ ແລະ ການໜູນຊ່ວຍປະຊາຄົມແມ່ນເນື້ອໃນສຳຄັນຂອງນະໂຍບາຍຂອງ BritCham. ໃນໄລຍະ 22 ປີຜ່ານມາ, BritCham ໄດ້ໄປເຖິງຜູ້ທີ່ມີຄວາມຕ້ອງການດ້ວຍການກຸສົນເຊັ່ນ: ເດັກນ້ອຍ Saigon, Christina Noble, Newborn Vietnam & Blue Dragon.

ທ່ານປະທານ BritCham ຫວຽດນາມ ຫວັງວ່າບັນດາຄຸນຄ່າອັນດີງາມຂອງງານແລ່ນຈະແຜ່ລາມອອກສູ່ປະຊາຄົມຢ່າງແຂງແຮງ, ຊ່ວຍເຊື່ອມຕໍ່ປະຊາຊົນ ແລະ ປະກອບສ່ວນເຂົ້າໃນການພັດທະນາສັງຄົມແບບຍືນຍົງ. (ພາບ: ຄະນະຈັດຕັ້ງ)

BritCham Charity Fun Run 2023 ເພື່ອແນໃສ່ຊຸກຍູ້ການກິລາ, ເສີມຂະຫຍາຍຈິດໃຈຂອງຊຸມຊົນ, ພິເສດແມ່ນລະດົມທຶນການກຸສົນໃນຫຼາຍຂົງເຂດຄື: ການສຶກສາ, ສາທາລະນະສຸກ, ປ້ອງກັນໄພພິບັດ, ຊ່ວຍຊີວິດຊາວຫວຽດນາມໃຫ້ດີຂຶ້ນ. ນີ້ແມ່ນສະໜາມຫຼິ້ນທີ່ມີປະໂຫຍດສຳລັບທຸກຄົນ, ຈາກວົງການວິສາຫະກິດຫວຽດນາມ ເຖິງເພື່ອນມິດສາກົນ.

ທ່ານ Vo Hong Hanh ຜູ້ອຳນວຍການຝ່າຍສື່ສານມະຫາວິທະຍາໄລອັງກິດ ໃຫ້ຮູ້ວ່າ: ງານມະຫາກຳການກຸສົນ BritCham ຖືກຈັດຂຶ້ນເປັນປະຈຳປີຢູ່ 2 ນະຄອນໃຫຍ່ຄື ຮ່າໂນ້ຍ ແລະ ນະຄອນ ໂຮ່ຈີມິນ. ນະຄອນໂຮ່ຈິມິນ, ດຶງດູດກ່ວາ 130.000 ຄົນເຂົ້າຮ່ວມ ແລະ ລະດົມທຶນໄດ້ 13 ຕື້ດົ່ງ, ດ້ວຍການປະກອບສ່ວນຂອງ 90 ອົງການກຸສົນຢູ່ ຫວຽດນາມ.

ຜູ້ອຳນວຍການຝ່າຍສື່ສານຂອງມະຫາວິທະຍາໄລອັງກິດ ຫວຽດນາມ ໃຫ້ຮູ້ວ່າ, BritCham ໄດ້ຮັກສາການຈັດຕັ້ງການລະດົມທຶນມາເປັນເວລາກວ່າ 22 ປີ, ເຊິ່ງຖືວ່າເປັນໜຶ່ງໃນບັນດາໂຄງການຊຸມຊົນໃຫຍ່ທີ່ສຸດຂອງ BritCham. (ພາບ: ຄະນະຈັດຕັ້ງ)

BritCham ຫວຽດນາມ ສຸມໃສ່ບັນດາການເຄື່ອນໄຫວກຸສົນເພື່ອຍົກສູງຄຸນນະພາບຊີວິດ ແລະ ນຳມາເຊິ່ງກາລະໂອກາດໃຫ້ປະຊາຊົນຢູ່ຊົນນະບົດ ຫວຽດນາມ. ໂຄງການການກຸສົນຂອງ BritCham ມີຜົນກະທົບທາງບວກແລະຍືນຍົງຕໍ່ສັງຄົມ. ນີ້ແມ່ນການສະແດງໃຫ້ເຫັນຄວາມຮັບຜິດຊອບຕໍ່ສັງຄົມຂອງສະມາຄົມວິສາຫະກິດ ອັງກິດ ປະຈຳ ຫວຽດນາມ.

ຂໍ້ມູນໂຄງການ:

- ລາຄາປີ້: ປີ້ຜູ້ໃຫຍ່ 350,000 ດົ່ງ; ປີ້ເດັກນ້ອຍ 200.000 ດົ່ງ (ສຳລັບເດັກນ້ອຍ 6 - 12 ປີ).

- ໄລຍະທາງແລ່ນ: 5 ກິໂລແມັດ.

- ເວລາ: 07:30 – 11:00 ໂມງ, ວັນອາທິດ ວັນທີ 5 ພະຈິກ 2023.

- ທີ່ຕັ້ງ: ວິທະຍາເຂດ ມະຫາວິທະຍາໄລອັງກິດ ຫວຽດນາມ (BUV), ເຂດຕົວເມືອງ Ecopark, ຮຸງອຽນ, ຮ່າໂນ້ຍ.

- ເນື້ອໃນໂຄງການ: ແລ່ນ/ຍ່າງ/ໂດດໃນເສັ້ນທາງ 5 ກິໂລແມັດ; ການເຄື່ອນໄຫວສິລະປະ; ຕະຫຼາດ: ຮ້ານອາຫານ; ຈັບໂຊກ.

ທີ່ມາ