ທ່ານລັດຖະມົນຕີການຕ່າງປະເທດຈີນ Wang Yi ກຽມຈະມາຢ້ຽມຢາມຫວຽດນາມ

ທ່ານຮອງນາຍົກລັດຖະມົນຕີ ເຈີ່ນດ້າຍກວາງ ແລະ ສະຫາຍ Wang Yi ຈະເປັນປະທານຮ່ວມກອງປະຊຸມຄັ້ງທີ 15 ຂອງຄະນະຊີ້ນຳການຮ່ວມມືສອງຝ່າຍ ຫວຽດນາມ - ຈີນ.

Bộ trưởng Ngoại giao Trung Quốc Vương Nghị chuẩn bị đến Việt Nam

ກຳມະການກົມການເມືອງ, ຫົວໜ້າຫ້ອງວ່າການຄະນະກຳມະການການຕ່າງປະເທດສູນກາງພັກກອມມູນິດຈີນ, ທ່ານ Wang Yi ລັດຖະມົນຕີວ່າການກະຊວງການຕ່າງປະເທດຈີນ. (ແຫຼ່ງຂ່າວ: ກະຊວງການຕ່າງປະເທດຈີນ)

ຕາມຂ່າວແຈ້ງວ່າ, ວັນທີ 30 ພະຈິກນີ້, ໂດຍໄດ້ຮັບຄຳເຊີນຂອງທ່ານຮອງນາຍົກລັດຖະມົນຕີ ເຈີ່ນດ້າຍກວາງ, ສະຫາຍ Wang Yi, ກຳມະການກົມການເມືອງ, ຫົວໜ້າຫ້ອງວ່າການຄະນະກຳມະການການຕ່າງປະເທດສູນກາງພັກກອມມູນິດຈີນ, ທ່ານລັດຖະມົນຕີວ່າການກະຊວງການຕ່າງປະເທດຈີນ ຈະມາຢ້ຽມຢາມຫວຽດນາມ ແລະ ພ້ອມກັບທ່ານຮອງນາຍົກລັດຖະມົນຕີ ເຈີ່ນດ້າຍກວາງ ໄດ້ດຳເນີນກອງປະຊຸມຄັ້ງທີ 15/12. 2.

ໃນໄລຍະມໍ່ໆມານີ້, ການພົວພັນຫວຽດນາມ - ຈີນ ໂດຍທົ່ວໄປໄດ້ຮັກສາທ່າອ່ຽງພັດທະນາ ແລະ ບັນລຸໄດ້ບັນດາໝາກຜົນທີ່ຕັ້ງໜ້າ. ໂດຍສະເພາະແມ່ນພາຍຫຼັງການຢ້ຽມຢາມຈີນຢ່າງເປັນທາງການຂອງທ່ານເລຂາທິການໃຫຍ່ ຫງວຽນຟູຈ້ອງ ຕາມຄຳເຊີນຂອງທ່ານປະທານປະເທດ, ທ່ານເລຂາທິການໃຫຍ່ພັກກອມມູນິດຈີນ Xi Jinping ແຕ່ວັນທີ 30/10 ຫາ ວັນທີ 1 ພະຈິກ 2022.

ໃນດ້ານການຄ້າ, ຫວຽດນາມ ສືບຕໍ່ຖືຖານະຄູ່ການຄ້າໃຫຍ່ທີ່ສຸດຂອງຈີນໃນອາຊຽນ ແລະ ຄູ່ຮ່ວມມືການຄ້າໃຫຍ່ອັນດັບ 4 ຂອງຈີນ ໂດຍປະເທດດຽວ.

ນັບແຕ່ຕົ້ນປີ 2023 ເປັນຕົ້ນມາ, ວິສາຫະກິດຈີນຫຼາຍແຫ່ງ, ພິເສດແມ່ນບັນດາວິສາຫະກິດທີ່ມີຄວາມສາມາດເຂົ້າຮ່ວມຢ່າງເລິກເຊິ່ງໃນຕ່ອງໂສ້ການສະໜອງທົ່ວໂລກ, ໄດ້ເພີ່ມທະວີການສຳຫຼວດ ແລະ ລົງທຶນຢູ່ບັນດາແຂວງພາກເໜືອຂອງຫວຽດນາມ, ຄື: ກຸ່ມບໍລິສັດ Wingtech - ບໍລິສັດປະກອບສະມາດໂຟນໃຫຍ່ທີ່ສຸດຂອງຈີນ ແລະ ໃນໂລກ, ໃຫ້ຄຳໝັ້ນສັນຍາຈະສືບຕໍ່ສຳຫຼວດ ແລະ ເລືອກເຟັ້ນບັນດາກາລະໂອກາດລົງທຶນຢູ່ແຂວງ Phu Tho. ກຸ່ມບໍລິສັດ Goertek ຂອງຈີນ ຫາກໍ່ລົງທຶນໃນໂຄງການໃໝ່ ດ້ວຍທຶນ 280 ລ້ານ USD ແລະ ຂະຫຍາຍໂຄງການດຳເນີນງານຢູ່ແຂວງ ບັກນິງ. ກຸ່ມບໍລິສັດ BYD, ຜູ້ຜະລິດລົດຍົນໄຟຟ້າລາຍໃຫຍ່ຂອງຈີນ ໄດ້ລົງທືນລົງທືນໂຄງການອາໄຫຼ່ລົດຍົນຢູ່ແຂວງ ຟູ໋ເຖາະ ດ້ວຍຍອດເງິນລົງທຶນ 269 ລ້ານ USD, ດ້ວຍລາຍຮັບໃນປີ 2022 ບັນລຸ 178 ລ້ານ USD...

ກ່ຽວກັບການທ່ອງທ່ຽວ, ຈີນແມ່ນປະເທດນຳໜ້າໃນຈຳນວນນັກທ່ອງທ່ຽວມາຫວຽດນາມໃນຫຼາຍປີມານີ້, ກວມເອົາ 1/3 ຂອງຈຳນວນນັກທ່ອງທ່ຽວສາກົນມາຫວຽດນາມ. ນັບແຕ່ເດືອນກຸມພາ 2020 ເປັນຕົ້ນມາ, ຍ້ອນການລະບາດຂອງພະຍາດໂຄວິດ-19, ການຮ່ວມມືດ້ານການທ່ອງທ່ຽວລະຫວ່າງສອງປະເທດໄດ້ຢຸດສະງັກຊົ່ວຄາວ. ໃນ 10 ເດືອນຕົ້ນປີ 2023, ຫວຽດນາມ ໄດ້ຕ້ອນຮັບນັກທ່ອງທ່ຽວຈີນ 1,3 ລ້ານເທື່ອຄົນ, ຢືນອັນດັບ 2 ໃນບັນດາຕະຫຼາດສົ່ງນັກທ່ອງທ່ຽວມາຫວຽດນາມ.

ທີ່ມາ