ທ່ານລັດຖະມົນຕີການຕ່າງປະເທດ ກູບາ ຕີລາຄາສູງການພົວພັນແບບພິເສດກັບ ຫວຽດນາມ

ຕາມນັກຂ່າວ VNA ທີ່ນະຄອນ Havana ແລ້ວ, ໃນຕອນເຊົ້າວັນທີ 13/9, ທີ່ການພົບປະກັບທ່ານເອກອັກຄະລັດຖະທູດ ຫວຽດນາມ ປະຈຳ ກູບາ Le Quang Long, ທ່ານ Bruno Rodríguez ໄດ້ຕີລາຄາສູງບັນດາການພົບປະແລກປ່ຽນດ້ານການເມືອງລະຫວ່າງສອງປະເທດຢ່າງໝັ້ນຄົງໃນລະດັບການນຳສູງສຸດ, ຄວາມສາມັກຄີແບບພິເສດ, ຄວາມສາມັກຄີ, ການຮ່ວມມື ແລະ ຄວາມຊົມເຊີຍເຊິ່ງກັນ ແລະ ກັນລະຫວ່າງປະຊາຊົນ ກູບາ ແລະ ຫວຽດນາມ.

ເນື່ອງໃນໂອກາດນີ້, ທ່ານລັດຖະມົນຕີ Bruno Rodríguez ໄດ້ສົ່ງຄວາມເສົ້າສະຫຼົດໃຈມາຍັງປະຊາຊົນຫວຽດນາມ ໃນການເສຍຊີວິດຂອງທ່ານເລຂາທິການໃຫຍ່ ຫງວຽນຟູ໋ຈ້ອງ, ໄດ້ມີການປະກອບສ່ວນອັນໃຫຍ່ຫຼວງຫຼາຍຢ່າງໃຫ້ແກ່ການພົວພັນຄູ່ຮ່ວມມືທີ່ດີງາມ.

ທ່ານລັດຖະມົນຕີ Bruno Rodríguez ກໍ່ໄດ້ສົ່ງຄວາມເສົ້າສະຫຼົດໃຈມາຍັງລັດຖະບານ ແລະ ປະຊາຊົນ ຫວຽດນາມ ໃນການສູນເສຍຊີວິດ ແລະ ຊັບສິນທີ່ເກີດຈາກພະຍຸເລກ 3 (ພະຍຸ Yagi); ພ້ອມກັນນັ້ນ, ກູບາກໍປະກາດຈະສົ່ງຄະນະແພດ, ນັກຊ່ຽວຊານມາຫວຽດນາມ ເພື່ອຊ່ວຍປະຊາຊົນຜ່ານຜ່າຜົນຮ້າຍຢ້ອນຫຼັງຈາກໄພທຳມະຊາດ.

ສ່ວນທ່ານເອກອັກຄະລັດຖະທູດ ເລກວາງລອງ, ຕາງໜ້າພັກ ແລະ ລັດຖະບານ ຫວຽດນາມ ໄດ້ຂອບໃຈການນໍາ ກູບາ ທີ່ໄດ້ອວຍພອນ ແລະ ສະແດງຄວາມເສຍໃຈຕໍ່ປະຊາຊົນຫວຽດນາມ, ກໍ່ຄືການໜູນຊ່ວຍຢ່າງທັນການຂອງອ້າຍນ້ອງ ກູບາ ໃນການປະເຊີນໜ້າກັບໄພພິບັດທຳມະຊາດ; ຢືນຢັນວ່າ ນີ້ແມ່ນທ່າທີອັນສູງສົ່ງສະແດງໃຫ້ເຫັນການພົວພັນແບບພິເສດລະຫວ່າງ ຫວຽດນາມ ແລະ ກູບາ.

ທ່ານເອກອັກຄະລັດຖະທູດ ເລກວາງລອງ ຢືນຢັນຄືນໃໝ່ຫຼັກໝັ້ນອັນໝັ້ນຄົງຂອງຫວຽດນາມ ຮຽກຮ້ອງ ອາເມລິກາ ຍົກເລີກການຫ້າມບໍ່ໃຫ້ກູບາ; ລັດຖະບານ ຫວຽດນາມ ຍາມໃດກໍ່ພ້ອມແລ້ວທີ່ຈະຊຸກຍູ້ການລົງທຶນ, ການຄ້າ ແລະ ໜູນຊ່ວຍ ກູບາ ໃນການຜະລິດສະບຽງອາຫານ…

ທ່ານເອກອັກຄະລັດຖະທູດ ເລກວາງລອງ ກໍ່ໃຫ້ຄຳໝັ້ນສັນຍາຈະເຮັດຈົນສຸດຄວາມສາມາດຂອງຕົນ ເພື່ອແນໃສ່ຮັດແໜ້ນສາຍພົວພັນມິດຕະພາບ, ການຮ່ວມມືອັນດີງາມ ແລະ ຄວາມສາມັກຄີແບບພິເສດລະຫວ່າງປະຊາຊົນຫວຽດນາມ ແລະ ກູບາ.

ທີ່ມາ: https://nhandan.vn/bo-truong-ngoai-giao-cua-neu-bat-moi-quan-he-dac-biet-voi-viet-nam-post830889.html