ທ່ານລັດຖະມົນຕີການຕ່າງປະເທດ ບຸຍແທງເຊີນ ໄດ້ດຳເນີນການພົບປະສອງຝ່າຍຢູ່ AMMR

ໃນໂອກາດເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ (AMMR) ທີ່ຫຼວງພະບາງ (ລາວ), ວັນທີ 29 ມັງກອນນີ້, ທ່ານ ບຸ່ຍແທງເຊີນ, ລັດຖະມົນຕີກະຊວງການຕ່າງປະເທດ ໄດ້ມີການພົບປະສອງຝ່າຍກັບຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດໄທ Parnpree Bahiddha-Nukara ແລະ ລັດຖະມົນຕີການຕ່າງປະເທດມາເລເຊຍ Dato' Seri Utama Haji Mohamad Bin Haji Hasan.

Bộ trưởng Ngoại giao Bùi Thanh Sơn đã tiếp Ngoại trưởng Thái Lan

ທ່ານລັດຖະມົນຕີການຕ່າງປະເທດ ບຸຍແທງເຊີນ ໄດ້ມີການພົບປະກັບທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດໄທ Parnpree Bahiddha ຢູ່ນອກກອງປະຊຸມ.

ທີ່ການພົບປະກັບທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດໄທ, ທັງສອງຝ່າຍໄດ້ສະແດງຄວາມດີໃຈຕໍ່ການພັດທະນາອັນດີຂອງການພົວພັນສອງຝ່າຍ. ທ່ານລັດຖະມົນຕີ Bui Thanh Son ໄດ້ຕີລາຄາສູງໝາກຜົນແຫ່ງການຢ້ຽມຢາມ ຫວຽດນາມ ຢ່າງເປັນທາງການຂອງທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ໄທ ໃນເດືອນ 10/2023; ເຊື່ອໝັ້ນວ່າ, ການຮ່ວມມືລະຫວ່າງສອງກະຊວງການຕ່າງປະເທດສອງປະເທດຈະນັບມື້ນັບສະໜິດແໜ້ນ, ເສີມຂະຫຍາຍບົດບາດເຊື່ອມໂຍງ ແລະ ຊຸກຍູ້ການຮ່ວມມືລະຫວ່າງສອງປະເທດໃນທຸກຂົງເຂດ.

2 ຝ່າຍເຫັນດີເປັນເອກະສັນຊຸກຍູ້ການແລກປ່ຽນຄະນະຜູ້ແທນຂັ້ນສູງ ແລະ ປະຕິບັດບັນດາເນື້ອໃນການຮ່ວມມືທີ່ສຳຄັນ, ໃນນັ້ນມີໂຄງການຢ້ຽມຢາມ ຫວຽດນາມ ຢ່າງເປັນທາງການຂອງທ່ານນາຍົກລັດຖະມົນຕີ ໄທ ສົມທົບກັບກອງປະຊຸມຄະນະລັດຖະບານຮ່ວມ ຫວຽດນາມ - ໄທ ຄັ້ງທີ 4.

ເນື່ອງໃນໂອກາດນີ້, ທ່ານລັດຖະມົນຕີການຕ່າງປະເທດ ໄທ ໄດ້ເຊີນທ່ານລັດຖະມົນຕີການຕ່າງປະເທດ ບຸ່ຍແທງເຊີນ ໄປຢ້ຽມຢາມ ໄທ ຢ່າງເປັນທາງການ ແລະ ເປັນປະທານຮ່ວມກອງປະຊຸມຄັ້ງທີ 5 ຂອງຄະນະກຳມະການຮ່ວມມື 2 ຝ່າຍ ຫວຽດນາມ - ໄທ ໃນເດືອນ 4/2024.

ທ່ານລັດຖະມົນຕີການຕ່າງປະເທດ Bui Thanh Son ໄດ້ໃຫ້ການຕ້ອນຮັບທ່ານ Dato' Seri Utama Haji Mohamad Bin Haji Hasan ລັດຖະມົນຕີການຕ່າງປະເທດມາເລເຊຍ ຢູ່ນອກກອງປະຊຸມ.

ທີ່ການພົບປະກັບລັດຖະມົນຕີການຕ່າງປະເທດມາເລເຊຍ, ທ່ານລັດຖະມົນຕີ Bui Thanh Son ໄດ້ຊົມເຊີຍທ່ານ Utama Haji Mohamad Bin Haji Hasan ທີ່ໄດ້ຮັບການແຕ່ງຕັ້ງເປັນລັດຖະມົນຕີການຕ່າງປະເທດມາເລເຊຍ; ຢືນຢັນຄວາມສຳຄັນ ແລະ ປາດຖະໜາຢາກຊຸກຍູ້ການພົວພັນຄູ່ຮ່ວມມືຍຸດທະສາດ ຫວຽດນາມ - ມາເລເຊຍ ໃຫ້ດີກ່ວາອີກ.

ລັດຖະມົນຕີ 2 ທ່ານ ໄດ້ເຫັນດີສືບຕໍ່ຊຸກຍູ້ການປະຕິບັດບັນດາເນື້ອໃນການຮ່ວມມືທີ່ການນຳຂັ້ນສູງ 2 ປະເທດໄດ້ຮັບຮອງເອົາໃນໂຄງການດຳເນີນງານເພື່ອປະຕິບັດການພົວພັນຄູ່ຮ່ວມມືຍຸດທະສາດໄລຍະ 2021 – 2025 ແລະ ໝາກຜົນຂອງກອງປະຊຸມຄະນະກຳມາທິການຮ່ວມ ຫວຽດນາມ - ມາເລເຊຍ ຄັ້ງທີ 7.

ປຶກສາຫາລືຫຼາຍຂົງເຂດຮ່ວມມືສອງຝ່າຍ, ທ່ານລັດຖະມົນຕີການຕ່າງປະເທດມາເລເຊຍເຫັນດີເປັນເອກະພາບຈັດຕັ້ງບັນດາການຢ້ຽມຢາມຂັ້ນສູງໃນເວລາອັນເໝາະສົມ; ຢືນຢັນຈະໜູນຊ່ວຍ ຫວຽດນາມ ພັດທະນາອຸດສາຫະກຳ Halal ແລະ ສ້າງເງື່ອນໄຂເພີ່ມເຕີມໃຫ້ບັນດາຜະລິດຕະພັນກະເສດ ແລະ ຜະລິດຕະພັນ Halal ຂອງ ຫວຽດນາມ ເຂົ້າສູ່ຕະຫຼາດ ມາເລເຊຍ; ສະໜັບສະໜູນຄວາມມານະພະຍາຍາມຂອງຫວຽດນາມ ເພື່ອຍົກອອກບັດເຫຼືອງ IUU ຂອງຄະນະກຳມະການເອີລົບ (EC).

ລັດຖະມົນຕີການຕ່າງປະເທດມາເລເຊຍໄດ້ຮັບຮູ້ຂໍ້ລິເລີ່ມຂອງ ຫວຽດນາມ ໃນການຈັດຕັ້ງ “ເວທີປາໄສອາຊຽນ ໃນອະນາຄົດກ່ຽວກັບການພັດທະນາຢ່າງວ່ອງໄວ ແລະ ແບບຍືນຍົງ, ມີປະຊາຊົນເປັນໃຈກາງ”.

ລັດຖະມົນຕີສອງທ່ານໄດ້ເຫັນດີເປັນເອກະສັນກັນສົມທົບກັນຢ່າງແໜ້ນແຟ້ນ ແລະ ສະໜັບສະໜູນລາວ ໃນການດຳລົງຕຳແໜ່ງປະທານອາຊຽນ 2024 ຢ່າງສຳເລັດຜົນ; ຊຸກຍູ້ຄວາມສາມັກຄີລະຫວ່າງບັນດາປະເທດເພື່ອສັນຕິພາບ ແລະ ຄວາມຈະເລີນຮຸ່ງເຮືອງຢູ່ພາກພື້ນ.

ທ່ານລັດຖະມົນຕີການຕ່າງປະເທດມາເລເຊຍໄດ້ຮັບຮູ້ຂໍ້ລິເລີ່ມຂອງ ຫວຽດນາມ ໃນການຈັດຕັ້ງ “ເວທີປາໄສອາຊຽນ ໃນອະນາຄົດກ່ຽວກັບການພັດທະນາຢ່າງວ່ອງໄວ ແລະ ແບບຍືນຍົງ, ມີປະຊາຊົນເປັນໃຈກາງ” (ເດືອນ 4/2024) ແລະ ສັນຍາຈະສົ່ງຄຳເຊີນຂອງທ່ານນາຍົກລັດຖະມົນຕີ Pham Minh Chinh ເຖິງທ່ານນາຍົກລັດຖະມົນຕີ ມາເລເຊຍ Anwar Ibrahim ເຂົ້າຮ່ວມເວທີປາໄສ.

ທີ່ມາ