BIDV ຫຼຸດອັດຕາດອກເບ້ຍເງິນກູ້ເພື່ອຮອງຮັບລູກຄ້າທີ່ໄດ້ຮັບຜົນກະທົບຈາກພະຍຸເລກ 3

BIDV ຫາກໍ່ເລີ່ມໂຄງການຫຼຸດຜ່ອນອັດຕາດອກເບ້ຍເງິນກູ້ເພື່ອໜູນຊ່ວຍລູກຄ້າທີ່ໄດ້ຮັບຜົນກະທົບຈາກພະຍຸເລກ 3, ດ້ວຍຍອດຍອດເງິນກູ້ທີ່ຄົງຄ້າງຂຶ້ນກັບການຫຼຸດຜ່ອນອັດຕາດອກເບ້ຍ 100.000 ຕື້ດົ່ງ.

ທ່ານເລຂາທິການໃຫຍ່ຄະນະບໍລິຫານງານສູນກາງພັກ, ສະມາຊິກສະພາບໍລິຫານ BIDV ເຈີ່ນຊວນຮ່ວາງ ໄດ້ມອບເງິນ 1 ຕື້ດົ່ງ ເພື່ອໜູນຊ່ວຍແຂວງ ຫາຍຟ່ອງ ໃນການຜ່ານຜ່າຜົນຮ້າຍຢ້ອນຫຼັງຈາກໄພທຳມະຊາດ.

ຕາມນັ້ນແລ້ວ, ຍອດຈຳນວນເງິນກູ້ທີ່ຍັງຄ້າງຄາຖືກຫຼຸດອັດຕາດອກເບ້ຍແມ່ນ 100.000 ຕື້ດົ່ງ, ໂດຍສະເພາະແມ່ນ: 40.000 ຕື້ດົ່ງໃຫ້ແກ່ບ້ວງເງິນກູ້ຢືມທີ່ມີຢູ່ ແລະ ປະຕິບັດຊຸດສິນເຊື່ອ 60.000 ຕື້ດົ່ງໃຫ້ແກ່ເງິນກູ້ໃໝ່. ຫຼຸດອັດຕາດອກເບ້ຍສູງສຸດເຖິງ 2%/ປີ ຂຶ້ນກັບລະດັບຄວາມເສຍຫາຍ ແລະ ໄລຍະການກູ້ຢືມຂອງລູກຄ້າ. ໄລຍະເວລາສະໜັບສະໜູນການຫຼຸດອັດຕາດອກເບ້ຍແມ່ນຕັ້ງແຕ່ວັນທີ 20 ກັນຍາ 2024 ຫາ 31 ທັນວາ 2024. ນອກຈາກການສະໜັບສະໜູນການຫຼຸດອັດຕາດອກເບ້ຍໃຫ້ແກ່ລູກຄ້າແລ້ວ, BIDV ຍັງປະຕິບັດຫຼາຍກິດຈະກຳແລກປ່ຽນກັບປະຊາຊົນທີ່ໄດ້ຮັບຜົນກະທົບຈາກພະຍຸເລກ 3; ເຂົ້າຮ່ວມການບໍລິຈາກ ແລະ ໜູນຊ່ວຍກວ່າ 30 ຕື້ດົ່ງ; ລະດົມກຳມະກອນກວ່າ 29.000 ຄົນ ສະໝັກໃຈບໍລິຈາກເງິນເດືອນ 1 ວັນ... BIDV ສືບຕໍ່ມານະພະຍາຍາມພ້ອມກັບ, ແບ່ງປັນ, ໜູນຊ່ວຍປະຊາຊົນ, ວິສາຫະກິດ ເພື່ອເຮັດໃຫ້ຊີວິດການເປັນຢູ່ຢ່າງໝັ້ນຄົງ ແລະ ຟື້ນຟູການເຄື່ອນໄຫວການຜະລິດ ແລະ ດຳເນີນທຸລະກິດພາຍຫຼັງພາຍຸ ແລະ ໄພນ້ຳຖ້ວມ; ພ້ອມກັນນັ້ນ, ຊຸກຍູ້ບົດບາດ ແລະ ຄວາມຮັບຜິດຊອບຂອງທະນາຄານການຄ້າແຫ່ງລັດ ໃນການປະຕິບັດນະໂຍບາຍຂອງລັດຖະບານ ແລະ ທະນາຄານແຫ່ງລັດ. ສໍາລັບລາຍລະອຽດໂຄງການ, ລູກຄ້າກະລຸນາຕິດຕໍ່ສູນການດູແລລູກຄ້າ: ສາຍດ່ວນລູກຄ້າຂອງບໍລິສັດ 1900.9248; ສາຍດ່ວນລູກຄ້າສ່ວນບຸກຄົນ 1900.9247 ຫຼືສາຂາທີ່ໃກ້ທີ່ສຸດ. ທີ່ມາ: https://daibieunhandan.vn/bidv-giam-lai-suat-cho-vay-ho-tro-khach-hang-bi-thiet-hai-boi-con-bao-so-3-post391125.html