ອົດສະຕາລີ ໃຫ້ບຸລິມະສິດໜູນຊ່ວຍ ODA ໃຫ້ຫວຽດນາມ ໃນບັນດາຂົງເຂດການປ່ຽນແປງຂອງດິນຟ້າອາກາດ ແລະ ການຫັນປ່ຽນດີຈີຕອນ.

ອາຊຽນ-43: ອົດສະຕຣາລີ ຍາມໃດກໍ່ໃຫ້ບຸລິມະສິດການໜູນຊ່ວຍ ODA ໃຫ້ແກ່ຫວຽດນາມ, ພິເສດແມ່ນໃນຂົງເຂດທີ່ຫວຽດນາມ ຕ້ອງການ ເຊັ່ນ: ການປັບຕົວກັບການປ່ຽນແປງຂອງດິນຟ້າອາກາດ, ການຫັນປ່ຽນພະລັງງານ, ການຫັນເປັນດີຈີຕອນ, ເສດຖະກິດດີຈີຕອນ...

Ngày 7/9, Thủ tướng Chính phủ Phạm Minh Chính gặp Thủ tướng Australia Anthony Albanese nhân dịp dự Hội nghị Cấp cao ASEAN-43 và các hội nghị liên quan tại Jakarta, Indonesia. (Ảnh: Anh Sơn)

ທ່ານນາຍົກລັດຖະມົນຕີ ຟ້າມບິ່ງມິງ ໄດ້ມີການພົບປະກັບທ່ານນາຍົກລັດຖະມົນຕີ ອົດສະຕາລີ Anthony Albanese ເນື່ອງໃນໂອກາດເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 43 ແລະ ບັນດາກອງປະຊຸມທີ່ກ່ຽວຂ້ອງຢູ່ນະຄອນຫຼວງ Jakarta, ປະເທດ ອິນໂດເນເຊຍ. (ພາບ: ແອງເຊີນ)

ກປ.ອອນໄລ - ວັນທີ 7 ກັນຍາ, ທ່ານນາຍົກລັດຖະມົນຕີ ຟ້າມບິ່ງມິງ ໄດ້ມີການພົບປະກັບທ່ານນາຍົກລັດຖະມົນຕີ ອົດສະຕາລີ Anthony Albanese ເນື່ອງໃນໂອກາດເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 43 ແລະ ບັນດາກອງປະຊຸມທີ່ກ່ຽວຂ້ອງຢູ່ນະຄອນຫຼວງ Jakarta, ປະເທດ ອິນໂດເນເຊຍ.

ທີ່ການພົບປະ, ທ່ານນາຍົກລັດຖະມົນຕີ 2 ທ່ານ ໄດ້ຕີລາຄາວ່າ ການພົວພັນຮ່ວມມື 2 ຝ່າຍໄດ້ພັດທະນາຢ່າງມີປະສິດທິຜົນ ແລະ ແທດຈິງ; ການຢ້ຽມຢາມຫວຽດນາມ ຢ່າງເປັນທາງການຂອງນາຍົກລັດຖະມົນຕີ Anthony Albanese ໃນເດືອນ ມິຖຸນາ 2023 ແມ່ນຂີດໝາຍສຳຄັນເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ອົດສະຕາລີ; ເຫັນດີວ່າ ການພັດທະນາການພົວພັນລະຫວ່າງສອງປະເທດມີຜົນດີຕໍ່ສັນຕິພາບ, ສະຖຽນລະພາບ ແລະ ການຮ່ວມມືໃນພາກພື້ນ.

ທ່ານນາຍົກລັດຖະມົນຕີ Anthony Albanese ຢືນຢັນຄືນໃໝ່ວ່າ: ອົດສະຕາລີ ຖືເປັນສຳຄັນການເພີ່ມທະວີການພົວພັນກັບ ຫວຽດນາມ; ຫວັງວ່າຈະໄດ້ຮັບການຕ້ອນຮັບທ່ານເລຂາທິການໃຫຍ່ ຫງວຽນຟູຈ້ອງ ມາຢ້ຽມຢາມ ອົດສະຕາລີ ໂດຍໄວ; ສະເໜີໃຫ້ສອງຝ່າຍສຳເລັດການປຶກສາຫາລື ແລະ ບັນດາຂະບວນການພາຍໃນ ເພື່ອປະກາດຍົກລະດັບການພົວພັນສອງຝ່າຍກັບຫວຽດນາມ ຂຶ້ນສູ່ລະດັບຄູ່ຮ່ວມມືຍຸດທະສາດຮອບດ້ານໂດຍໄວ.

ທ່ານນາຍົກລັດຖະມົນຕີ ໃຫ້ຄຳໝັ້ນສັນຍາວ່າ ອົດສະຕຣາລີ ຍາມໃດກໍ່ໃຫ້ບຸລິມະສິດໜູນຊ່ວຍ ODA ໃຫ້ແກ່ຫວຽດນາມ, ພິເສດແມ່ນບັນດາຂົງເຂດທີ່ຫວຽດນາມ ພວມມີຄວາມຕ້ອງການຄື: ການຮັບມືກັບການປ່ຽນແປງຂອງດິນຟ້າອາກາດ, ການຫັນປ່ຽນພະລັງງານ, ການຫັນເປັນດີຈີຕອນ, ເສດຖະກິດດີຈີຕອນ ແລະ ອື່ນໆ; ພ້ອມກັນນັ້ນ, ພວກຂ້າພະເຈົ້າໄດ້ຮັບຮູ້ຢ່າງຕັ້ງໜ້າຕໍ່ຂໍ້ສະເໜີຂອງທ່ານນາຍົກລັດຖະມົນຕີ ເພື່ອແນໃສ່ເພີ່ມທະວີການຮ່ວມມືດ້ານແຮງງານ, ສຶກສາ ແລະ ບຳລຸງສ້າງ, ໃຫ້ແກ່ບັນດານັກສຶກສາ ຫວຽດນາມ...

ນາຍົກລັດຖະມົນຕີ 2 ທ່ານ ເຫັນດີຈະສືບຕໍ່ສົມທົບກັນຢ່າງແໜ້ນແຟ້ນ, ປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການເຈລະຈາ, ຮ່ວມມື ແລະ ສ້າງຄວາມໄວ້ເນື້ອເຊື່ອໃຈຜ່ານບັນດາກົນໄກນຳພາຂອງ ອາຊຽນ, ບົນພື້ນຖານເຄົາລົບບົດບາດໃຈກາງຂອງ ອາຊຽນ ແລະ ປຶກສາຫາລືກັບ ອາຊຽນ, ປະກອບສ່ວນຮັບປະກັນສັນຕິພາບ, ສະຖຽນລະພາບ ແລະ ການພັດທະນາຢູ່ພາກພື້ນ ແລະ ໃນໂລກ, ສືບຕໍ່ສະໜັບສະໜູນບັນດາຄວາມມານະພະຍາຍາມຂອງ ອາຊຽນ ໃນການຊຸກຍູ້ຮັດແຄບຊ່ອງຫວ່າງການພັດທະນາ ແລະ ອະນຸພາກພື້ນແມ່ນ້ຳຂອງ; ຢືນຢັນວ່າ 2 ປະເທດຈະສົມທົບກັບລາວ ເພື່ອຈັດຕັ້ງກອງປະຊຸມກ່ຽວກັບການປ່ຽນແປງຂອງດິນຟ້າອາກາດ ແລະ ການຫັນປ່ຽນພະລັງງານຢູ່ ຮ່າໂນ້ຍ ໃຫ້ສຳເລັດຜົນໃນທ້າຍປີນີ້.

ທ່ານນາຍົກລັດຖະມົນຕີ Anthony Albanese ໄດ້ຢ້ຳຄືນຄຳເຊີນຂອງທ່ານນາຍົກລັດຖະມົນຕີ Pham Minh Chinh ໄປຢ້ຽມຢາມ ອົດສະຕາລີ ແລະ ເຂົ້າຮ່ວມກອງປະຊຸມສຸດຍອດລະນຶກອາຊຽນ - ອົດສະຕາລີ ໃນເດືອນ 3/2024; ທ່ານນາຍົກລັດຖະມົນຕີ ຟ້າມບິ່ງມິງ ຢືນຢັນຢ່າງດີໃຈ.

ທີ່ມາ