ອົດສະຕາລີ ລະດົມທຶນຊ່ວຍເຫຼືອ 3 ລ້ານ AUD ໃຫ້ແກ່ຫວຽດນາມ, ການຂົນສົ່ງຄັ້ງທຳອິດໄດ້ມາຮອດຮ່າໂນ້ຍ

ທ່ານ Andrew Goledzinowski ເອກອັກຄະລັດຖະທູດອົດສະຕຣາລີ ປະຈຳ ຫວຽດນາມ ເນັ້ນໜັກວ່າ: “ພວກເຮົາຢູ່ທີ່ນີ້ ເພື່ອຊ່ວຍ ຫວຽດນາມ ໃນທຸກວິທີທາງທີ່ເຮົາສາມາດເຮັດໄດ້”.

Australia huy động viện trợ nhân đạo trị giá 3 triệu đô la Úc cho Việt Nama

ວັນທີ 11 ກັນຍານີ້, ອົດສະຕາລີໄດ້ມອບເຄື່ອງຊ່ວຍເຫຼືອສຸກເສີນຊຸດທຳອິດໃຫ້ຮ່າໂນ້ຍ. (ພາບ: ສະຖານທູດອົດສະຕາລີ ປະຈຳ ຫວຽດນາມ)

ລັດຖະບານອົດສະຕຣາລີ ປະກາດວ່າ ຈະໃຫ້ຫວຽດນາມ ບ້ວງເງິນໜູນຊ່ວຍເບື້ອງຕົ້ນ 3 ລ້ານ AUD, ໃນນັ້ນ ມີບັນດາຄວາມມານະພະຍາຍາມຊ່ວຍເຫຼືອດ້ານມະນຸດສະທຳ, ເຄື່ອງບັນເທົາທຸກສຸກເສີນ ແລະ ບັນດາການບໍລິການຈຳເປັນອື່ນໆ ເພື່ອຕອບສະໜອງຄວາມເສຍຫາຍຈາກພາຍຸໄຕ້ຝຸ່ນ Yagi.

ວັນທີ 11 ກັນຍານີ້, ອົດສະຕາລີໄດ້ມອບເຄື່ອງຊ່ວຍເຫຼືອສຸກເສີນຊຸດທຳອິດໃຫ້ຮ່າໂນ້ຍ. ການປະກອບສ່ວນຂອງ ອົດສະຕາລີ ຈະເພີ່ມທະວີບັນດາຄວາມມານະພະຍາຍາມບັນເທົາທຸກຂອງລັດຖະບານ ຫວຽດນາມ ແລະ ປະຊາຄົມໂລກ, ໃນນັ້ນມີການຮ່ວມມືດ້ານມະນຸດສະທຳກັບບັນດາອົງການ NGO ຂອງອົດສະຕາລີ.

ໄຕ້ຝຸ່ນ Yagi ເປັນພະຍຸທີ່ແຮງທີ່ສຸດທີ່ພັດເຂົ້າພາກເຫນືອຂອງຫວຽດນາມ ໃນຮອບຫຼາຍກວ່າສາມທົດສະວັດ. ຝົນຕົກໜັກຕິດຕໍ່ກັນ ໃນເຂດພູດອຍ ເຮັດໃຫ້ເກີດນໍ້າຖ້ວມໜັກ ແລະດິນເຈື່ອນ ສົ່ງຜົນໃຫ້ມີ ຄວາມເສຍຫາຍ ແລະ ສູນເສຍຊີວິດໄປຢ່າງກ້ວາງຂວາງ.

ທ່ານ Andrew Goledzinowski ເອກອັກຄະລັດຖະທູດອົດສະຕຣາລີ ປະຈຳ ຫວຽດນາມ ໃຫ້ຮູ້ວ່າ: “ພວກຂ້າພະເຈົ້າມານີ້ເພື່ອຊ່ວຍເຫຼືອຫວຽດນາມ ດ້ວຍທຸກວິທີທາງ, ພວກເຮົາດີໃຈທີ່ພວກເຮົາສາມາດລະດົມກຳລັງໜູນຢ່າງໄວໃຫ້ແກ່ບັນດາເຂດປະສົບໄພຮ້າຍແຮງທີ່ສຸດ ແລະ ຫວັງວ່າ ສິ່ງນີ້ຈະຫຼຸດຜ່ອນຄວາມກົດດັນໃນທັນທີກ່ຽວກັບບັນດາຄອບຄົວ ແລະ ປະຊາຄົມ, ພວກເຮົາຮູ້ວ່າຍັງມີເສັ້ນທາງຍາວໄກ ແລະ ພວກເຮົາຢືນຢູ່ກັບຫວຽດນາມ ໃນຈຸດເວລາທີ່ຫຍຸ້ງຍາກນີ້.

ການຊ່ວຍເຫຼືອຂອງອົດສະຕຣາລີຈະລວມເຖິງການບໍລິການທີ່ສົ່ງຜ່ານການຮ່ວມມືດ້ານມະນຸດສະທໍາຂອງອົດສະຕຣາລີ, ໂດຍການຮ່ວມມືກັບອົງການຈັດຕັ້ງທ້ອງຖິ່ນທີ່ແນໃສ່ຊຸມຊົນທີ່ໄດ້ຮັບຜົນກະທົບຫຼາຍທີ່ສຸດ ແລະປະຊາກອນທີ່ມີຄວາມສ່ຽງ. ພວກເຮົາຈະຮັບປະກັນໃຫ້ແມ່ຍິງ, ເດັກນ້ອຍ ແລະ ຄົນພິການທັງໝົດໄດ້ເຂົ້າເຖິງການຊ່ວຍເຫຼືອຊີວິດ. ເຄື່ອງຊ່ວຍເຫຼືອລວມມີສິ່ງຂອງທີ່ຈຳເປັນສຳລັບຄອບຄົວເຊັ່ນ: ທີ່ພັກອາໄສ ແລະ ຊຸດອະນາໄມ.

ອົດສະຕາລີ ຂໍສະແດງຄວາມເສົ້າສະຫຼົດໃຈຢ່າງສຸດຈິດສຸດໃຈເຖິງລັດຖະບານ ແລະ ປະຊາຊົນ ຫວຽດນາມ ໃນການເສຍຫາຍຈາກໄພທຳມະຊາດ. ພວກເຮົາຂໍສະແດງຄວາມເສຍໃຈຢ່າງສຸດຊຶ້ງມາຍັງຄອບຄົວຂອງຜູ້ທີ່ໄດ້ສູນເສຍຄົນຮັກຂອງເຂົາເຈົ້າ ຫຼື ຫາຍສາບສູນໄປ. ອົດສະຕາລີ ຊົມເຊີຍການຊີ້ນຳທີ່ມີປະສິດທິຜົນຂອງລັດຖະບານຫວຽດນາມ ໃນການປະສານງານບັນເທົາທຸກ ແລະ ຮັບມືສຸກເສີນຢູ່ເຂດປະສົບໄພ. ພ້ອມກັນນັ້ນ, ພວກເຮົາພ້ອມແລ້ວທີ່ຈະໜູນຊ່ວຍ ຫວຽດນາມ ໃນວິວັດການຜ່ານຜ່າຜົນສະທ້ອນ ແລະ ກໍ່ສ້າງຄືນໃໝ່. ທ່ານເອກອັກຄະລັດຖະທູດ Andrew Goledzinowaski ຢືນຢັນວ່າ: ບັນດາເຂດປະສົບໄພ ແລະ ພ້ອມແລ້ວທີ່ຈະໜູນຊ່ວຍ ຫວຽດນາມ ໃນວິວັດການຟື້ນຟູ ແລະ ສ້າງສາຄືນໃໝ່.

ທີ່ມາ: https://baoquocte.vn/australia-huy-dong-vien-tro-tri-gia-3-trieu-aud-cho-viet-nam-lo-hang-dau-tien-da-den-ha-noi-285948.html