ການເຈລະຈາດ້ານປ້ອງກັນປະເທດ ອິນເດຍ - ສິງກະໂປ, ຢືນຢັນການພົວພັນຢ່າງແໜ້ນແຟ້ນ

ວັນທີ 22 ຕຸລານີ້, ທ່ານລັດຖະມົນຕີກະຊວງປ້ອງກັນປະເທດອິນເດຍ Rajnath Singh ແລະ ທ່ານລັດຖະມົນຕີກະຊວງປ້ອງກັນປະເທດສິງກະໂປ Ng Eng Hen ໄດ້ເປັນປະທານຮ່ວມກອງປະຊຸມລັດຖະມົນຕີປ້ອງກັນປະເທດຄັ້ງທີ 6 ລະຫວ່າງສອງປະເທດຢູ່ນະຄອນຫຼວງ New Delhi.

Ấn Độ-Singapore đối thoại quốc phòng, khẳng định sự gắn kết bền chặt

ການເຈລະຈາລັດຖະມົນຕີປ້ອງກັນປະເທດອິນເດຍ-ສິງກະໂປ, ວັນທີ 22/10 ຢູ່ນະຄອນນິວເດລີ. (ທີ່ມາ: MINDEF)

ໜັງສືພິມ Straits Times ໃຫ້ຮູ້ວ່າ, ໃນຕອນທ້າຍຂອງການເຈລະຈາ, ກະຊວງປ້ອງກັນປະເທດອິນເດຍ ປະກາດວ່າ, ລັດຖະມົນຕີທັງສອງໄດ້ຮັບຮູ້ເຖິງຄວາມຜູກພັນອັນເລິກເຊິ່ງ ແລະ ຍືນຍົງໃນການພົວພັນດ້ານປ້ອງກັນຊາດລະຫວ່າງ 2 ປະເທດ, ບົນພື້ນຖານບັນດາທັດສະນະລວມກ່ຽວກັບສັນຕິພາບ, ສະຖຽນລະພາບ ແລະ ຄວາມໝັ້ນຄົງຂອງພາກພື້ນ.

ສອງຝ່າຍໄດ້ສະແດງຄວາມເພິ່ງພໍໃຈຕໍ່ການເພີ່ມທະວີການຮ່ວມມືດ້ານການປ້ອງກັນປະເທດລະຫວ່າງອິນເດຍ - ສິງກະໂປ ແລະ ໄດ້ຕີລາຄາສູງການແລກປ່ຽນລະຫວ່າງກອງທັບສອງປະເທດເປັນປະຈຳໃນຫຼາຍປີມານີ້.

ເນື່ອງໃນໂອກາດປີ 2025 ແມ່ນຄົບຮອບ 60 ປີແຫ່ງການພົວພັນທາງການທູດອິນເດຍ - ສິງກະໂປ, ລັດຖະມົນຕີທັງສອງທ່ານໄດ້ເຫັນດີເພີ່ມທະວີການຮ່ວມມືດ້ານປ້ອງກັນປະເທດ ແລະ ບັນລຸບັນດາບາດກ້າວບຸກທະລຸໃໝ່, ໃນນັ້ນມີການຂະຫຍາຍສັນຍາຮ່ວມມືດ້ານການທະຫານລະຫວ່າງສອງປະເທດອີກ 5 ປີ.

ຮັບຮູ້ການພົວພັນຄູ່ຮ່ວມມືລະຫວ່າງ 2 ປະເທດໃນການພັດທະນາ ແລະ ຜະລິດອຸປະກອນປ້ອງກັນຊາດ, ອິນເດຍ ແລະ ສິງກະໂປ ໄດ້ເຫັນດີເພີ່ມທະວີການຮ່ວມມືໃນຂົງເຂດນີ້, ພິເສດແມ່ນໃນຂົງເຂດພິເສດຄື: ອັດຕະໂນມັດ ແລະ ປັນຍາປະດິດ.

ນອກນີ້, ສອງລັດຖະມົນຕີໃຫ້ຄຳໝັ້ນສັນຍາຈະຊຸກຍູ້ການຮ່ວມມືໃນບັນດາຂົງເຂດພົ້ນເດັ່ນຄືຄວາມປອດໄພທາງອິນເຕີເນັດ.

ພາຍຫຼັງການພົບປະ, ທ່ານລັດຖະມົນຕີກະຊວງປ້ອງກັນປະເທດສິງກະໂປຢືນຢັນວ່າ: ອິນເດຍແມ່ນປະເທດມີຫາງສຽງຍຸດທະສາດສັນຕິພາບແລະສະຖຽນລະພາບຢູ່ພາກພື້ນອາຊີ, ສິງກະໂປຕີລາຄາສູງການພົວພັນລະຫວ່າງສອງປະເທດທີ່ໄດ້ຮັບການຍົກລະດັບຂຶ້ນເປັນຄູ່ຮ່ວມມືຍຸດທະສາດຮອບດ້ານໃນໄລຍະຢ້ຽມຢາມສິງກະໂປຂອງທ່ານນາຍົກລັດຖະມົນຕີ Narendra Modi.

ການເຈລະຈາດັ່ງກ່າວມີຂຶ້ນໃນເວລາສຳຄັນໃນຂະນະທີ່ອິນເດຍໄດ້ສະເຫຼີມສະຫຼອງໜຶ່ງທົດສະວັດຂອງນະໂຍບາຍຕາເວັນອອກຂອງຕົນ, ໃນນັ້ນສິງກະໂປໄດ້ມີບົດບາດສຳຄັນໃນການຊຸກຍູ້ການຮ່ວມມືດ້ານເສດຖະກິດແລະວັດທະນະທຳ, ເພີ່ມທະວີການເຊື່ອມຕໍ່ຍຸດທະສາດກັບປະເທດເພື່ອນບ້ານ, ທັງເປັນຄູ່ຮ່ວມມືສຳຄັນຂອງນິວເດລີໃນວິໄສທັດອິນໂດປາຊີຟິກ.

ການພົວພັນລະຫວ່າງອິນເດຍ ແລະ ສິງກະໂປ ໄດ້ຮັບການສ້າງຂຶ້ນບົນພື້ນຖານການພົວພັນຄູ່ຮ່ວມມືຍຸດທະສາດຮອບດ້ານ, ດ້ານປ້ອງກັນປະເທດແມ່ນເສົາຄ້ຳສຳຄັນ. ບັນດາການເຄື່ອນໄຫວຮ່ວມມືໄດ້ພັດທະນາຢ່າງຕັ້ງໜ້າ, ໃນນັ້ນມີການແລກປ່ຽນດ້ານການທະຫານ, ການຝຶກຊ້ອມ, ການຊ້ອມຮົບສອງຝ່າຍ, ການເຄື່ອນໄຫວຮັກສາສັນຕິພາບຂອງສະຫະປະຊາຊາດ.

ທ່ານລັດຖະມົນຕີກະຊວງປ້ອງກັນປະເທດ ສິງກະໂປ Ng Eng Hen ໄດ້ໄປຢ້ຽມຢາມ ອິນເດຍ ແຕ່ວັນທີ 21-23/10, ແມ່ນບາດກ້າວບຸກທະລຸສຳຄັນໃນການຮ່ວມມືດ້ານປ້ອງກັນປະເທດລະຫວ່າງ 2 ປະເທດ. ການສົນທະນາທີ່ຜ່ານມາໄດ້ຈັດຂຶ້ນໃນເດືອນມັງກອນ 2021 ໃນຮູບແບບອອນໄລນ໌.

ທີ່ມາ: https://baoquocte.vn/an-do-singapore-doi-thoai-quoc-phong-khang-dinh-su-gan-ket-ben-chat-291098.html