ទីក្រុងហូជីមិញ៖ អគ្គីភ័យដ៏ធំនៅ Binh Chanh ទ្រព្យសម្បត្តិជាច្រើនត្រូវបានឆេះទាំងស្រុង

តាមព័ត៌មានបឋមនៅវេលាម៉ោង៧និង៣០នាទីយប់ថ្ងៃដដែល ប្រជាពលរដ្ឋរស់នៅតាមផ្លូវង្វៀនវ៉ាន់ត្រា (ភូមិ១ ឃុំវិញឡុកខ ស្រុកប៊ិញចាញ់ ទីក្រុងហូជីមិញ) បានឃើញផ្សែងហុយហុយហុយឡើង។ ពេលចេញទៅមើល មនុស្សជាច្រើនមានការតក់ស្លុតពេលឃើញភ្លើងឆេះយ៉ាងសន្ធោសន្ធៅនៅអាសយដ្ឋាន A9/26 ផ្លូវ Nguyen Van Tra ។

នៅកន្លែងកើតហេតុអគ្គិភ័យបានបណ្តាលឲ្យទ្រព្យសម្បត្តិជាច្រើនត្រូវឆេះអស់ទាំងស្រុង។

ភ្លាមៗនោះ ប្រជាពលរដ្ឋជាច្រើននាក់ ដែលនៅជុំវិញបាននាំគ្នាទាញបំពង់ទឹក និងប្រើប្រាស់បំពង់ពន្លត់អគ្គីភ័យខ្នាតតូច ដើម្បីពន្លត់ភ្លើង ខណៈស្រែកឱ្យគ្រប់គ្នា រត់ចេញពីកន្លែងដែលកំពុងឆេះ។ ទោះជាយ៉ាងនេះក្តី ភ្លើងបានបន្តរាលដាល ដោយមិនបង្ហាញសញ្ញាថា ឈប់ឡើយ ទើបសមត្ថកិច្ច ជូនដំណឹងទៅ។

ក្រោយទទួលបានព័ត៌មាន បញ្ជាការដ្ឋាន ១១៤ - នាយកដ្ឋាននគរបាលបង្ការ និងពន្លត់អគ្គិភ័យ នៃស្នងការដ្ឋាននគរបាលក្រុងហូជីមិញ (PC07) បានបញ្ជូនរថយន្តពន្លត់អគ្គិភ័យជាច្រើនគ្រឿង និងមន្ត្រី និងទាហានរាប់សិបនាក់ ទៅកន្លែងកើតហេតុ ដើម្បីពន្លត់ភ្លើង។ ទាហានបានដាក់ពង្រាយផែនការពន្លត់អគ្គិភ័យពីទិសជាច្រើន។

នៅកន្លែងកើតហេតុយ៉ាងហោចណាស់មានរោងចក្រចំនួន៣ត្រូវភ្លើងឆេះ។ គួរជម្រាបថា រោងជាង៣កន្លែងផលិតឈើ កាវ និងមួកសុវត្ថិភាព ដែលងាយឆេះ ធ្វើឲ្យពិបាកក្នុងការពន្លត់។

តាមការបញ្ជាក់ផងដែរថាគិតត្រឹមម៉ោង២២និង១៥នាទីអគ្គិភ័យបានគ្រប់គ្រងបានហើយ។ អគ្គិភ័យនេះមិនបណ្ដាលឲ្យមនុស្សណាម្នាក់រងគ្រោះទេ ប៉ុន្តែទ្រព្យសម្បត្តិជាច្រើនត្រូវបានឆេះទាំងស្រុង។

កន្លងមក រោងចក្រវេចខ្ចប់មួយដែលមានទំហំជាង ១ ពាន់ម៉ែត្រការ៉េ នៅខេត្ត Binh Phuoc ក៏បានឆេះបំផ្លាញទ្រព្យសម្បត្តិជាច្រើន។

ជាក់ស្តែងនៅវេលាម៉ោងប្រហែល១០យប់ ថ្ងៃទី២១ ខែកុម្ភៈ ប្រជាពលរដ្ឋបានឮសំឡេងផ្ទុះចេញពីរោងចក្ររបស់ក្រុមហ៊ុន។ អគ្គិភ័យបានឆាបឆេះយ៉ាងសន្ធោសន្ធៅពេញផ្ទៃរោងចក្ររបស់ក្រុមហ៊ុន ណាំផាត់ ផលិតកម្ម សេវាកម្ម ត្រេឌីង លីមីតធីត។

ប្រហែល១០នាទីក្រោយមក ភ្លើងបានឆាបឆេះឡើង។ ប្រជាពលរដ្ឋបានប្រទះឃើញហេតុការណ៍នោះក៏ប្រញាប់ទូរស័ព្ទទៅសមត្ថកិច្ច។

ក្រោយទទួលបានដំណឹងនេះ នាយកដ្ឋាននគរបាលបង្ការ និងពន្លត់អគ្គិភ័យ - នគរបាលខេត្ត Binh Phuoc បានចល័តរថយន្តជំនាញចំនួន ៨គ្រឿង ដោយមានមន្ត្រី និងទាហាន ទៅកាន់កន្លែងកើតហេតុ ដើម្បីពន្លត់ភ្លើង។

ដោយសារតែក្រុមហ៊ុននេះផលិតសម្ភារៈ Foam និងការវេចខ្ចប់ ទើបអគ្គីភ័យបានឆាបឆេះយ៉ាងសន្ធោសន្ធៅ ដែលធ្វើអោយពិបាកក្នុងការចូលទៅជិត និងគ្រប់គ្រង។ ទាហានត្រូវធ្វើការយ៉ាងខ្លាំងដើម្បីដោះស្រាយកន្លែងកើតហេតុ។ មកដល់ម៉ោង 00:00 ថ្ងៃទី 22 ខែកុម្ភៈ អាជ្ញាធរបានគ្រប់គ្រង និងពន្លត់បានទាំងស្រុង។

អគ្គីភ័យនេះមិនបណ្តាលឲ្យមនុស្សណាម្នាក់រងរបួសនោះទេ ប៉ុន្តែរោងចក្ររបស់ក្រុមហ៊ុនដែលមានទំហំជាង ១០០០ ម៉ែត្រការ៉េ ត្រូវបានឆេះទាំងស្រុង។

ហ្លួង អ៊ី

ប្រភព