ស្វែងរក​រថយន្ត​៤​កៅអី ដែល​បើក​ឆ្លង​ផ្លូវ​ស្ពាន ហើយ​ធ្លាក់​ចូល​ទន្លេ Dong Nai

តាម​ព័ត៌មាន​បឋម​បាន​ឲ្យ​ដឹង​ថា នៅ​វេលា​ម៉ោង​ប្រហែល​៦​ល្ងាច​ថ្ងៃ​ទី​១៤ ធ្នូ មាន​រថយន្ត​៤​កៅអី​ធ្វើ​ដំណើរ​លើ​ផ្លូវជាតិ​លេខ​១ ក្នុង​ទិស​ដៅ​ពី​ក្រុង​ហូជីមិញ​ទៅ​ខេត្ត​ដុង​ណៃ លុះ​ឆ្លង​ស្ពាន​ដុង​ណៃ​បាន​ប្រហែល​១០០​ម៉ែត្រ​ស្រាប់តែ​លោត​ចូល​ផ្លូវ​ថ្មើរជើង​បាក់​កំណាត់​ផ្លូវ​ធ្លាក់​ចូល​ទន្លេ​។

អាជ្ញាធរខេត្ត Binh Duong និង Dong Nai នៅតែព្យាយាមស្វែងរករថយន្តដែលធ្លាក់ចូលទៅក្នុងទន្លេ។

តាម​ការ​សង្កេត​ឃើញ​ថា ទីតាំង​ដែល​រថយន្ត​ធ្លាក់​នោះ គឺ​ចន្លោះ​ស្ពាន Dong Nai ចាស់ និង​ស្ពាន Dong Nai ថ្មី មាន​ទទឹង​ប្រហែល​៣​ម៉ែត្រ ។ បច្ចុប្បន្ន​សមត្ថកិច្ច​មិន​ទាន់​អាច​កំណត់​បាន​ថា តើ​មាន​មនុស្ស​ប៉ុន្មាន​នាក់​ក្នុង​រថយន្ត​ដែល​បុក​នោះ​ទេ ។

សាក្សី​បន្ត​ថា ក្រោយ​ធ្លាក់​ចូល​ទឹក​ទន្លេ រថយន្ត​៤​កៅអី​នៅ​តែ​អណ្តែត​ទឹក​ចុះ​ប្រហែល​៥០​ម៉ែត្រ មុន​ពេល​លិច​។

តំបន់​ដែល​ឧប្បត្តិហេតុ​កើត​ឡើង​គឺ​ស្ថិត​នៅ​ជាប់​ព្រំប្រទល់​ខេត្ត Dong Nai និង​ខេត្ត Binh Duong។ អាជ្ញាធរ​ខេត្ត​ទាំង​ពីរ​នេះ​បាន​ចល័ត​ទូក​សង្គ្រោះ​ចំនួន​៧​គ្រឿង និង​អ្នក​នេសាទ​ជា​ច្រើន​នាក់​ដើម្បី​ស្វែងរក​ទន្លេ​ប្រមាណ​១០០​ម៉ែត្រ ។

បច្ចុប្បន្ន​សមត្ថកិច្ច​កំពុង​ព្យាយាម​ស្រាវជ្រាវ តែ​រក​មិន​ឃើញ​រថយន្ត និង​ជន​រង​គ្រោះ ។

ហ្លួង អ៊ី

ប្រភព៖ https://vtcnews.vn/tim-kiem-o-to-7-cho-dam-sap-lan-can-cau-roi-xuong-song-dong-nai-ar913696.html