ជំរុញការអភិវឌ្ឍន៍លើគ្រប់វិស័យនៃទំនាក់ទំនងវៀតណាម-ចិន

នាព្រឹកថ្ងៃទី១ ខែវិច្ឆិកា នៅទីស្នាក់ការគណៈកម្មាធិការទំនាក់ទំនងខាងក្រៅមជ្ឈិម លោក សមមិត្ត Le Hoai Trung លេខាគណៈកម្មាធិការមជ្ឈិមបក្ស និងជាប្រធានគណកម្មាធិការទំនាក់ទំនងខាងក្រៅមជ្ឈិម បានទទួលជួបលោក Ha Vi ឯកអគ្គរដ្ឋទូតចិនប្រចាំនៅវៀតណាម ដើម្បីសម្តែងការគួរសមក្នុងឱកាសនៃការចាប់ផ្តើមអាណត្តិ។

សមមិត្ត Le Hoai Trung បានអបអរសាទរសមមិត្ត Ha Vi ដែលត្រូវបានបក្សនិងរដ្ឋចិនតែងតាំងជាឯកអគ្គរដ្ឋទូតប្រចាំនៅវៀត ណាម បង្ហាញពីការជឿជាក់ខ្ពស់ចំពោះឯកអគ្គរដ្ឋទូតផ្ទាល់។ យើងជឿជាក់ថា ជាមួយនឹងបទពិសោធន៍ដ៏សម្បូរបែបរបស់លោក ឯកអគ្គរដ្ឋទូត Ha Vi នឹងធ្វើការរួមវិភាគទានជាវិជ្ជមាន និងមានប្រសិទ្ធភាពជាច្រើន ដើម្បីជំរុញការអភិវឌ្ឍន៍កាន់តែវិជ្ជមាន និងមានសុខភាពល្អនៃទំនាក់ទំនងវៀតណាម-ចិន។ សមមិត្ត Le Hoai Trung បានសម្តែងនូវក្តីសប្បាយរីករាយចំពោះការអភិវឌ្ឍន៍ជាវិជ្ជមានក្នុងទំនាក់ទំនងវៀតណាម-ចិននាពេលថ្មីៗនេះ ជាមួយនឹងព្រឹត្តិការណ៍សំខាន់ៗជាច្រើន; អះអាងនូវគោលនយោ បាយជាប់លាប់របស់បក្ស និងរដ្ឋវៀត ណាម ដើម្បីផ្ដោតសំខាន់ក្នុងការអភិវឌ្ឍន៍ទំនាក់ទំនងជាមួយចិន ដោយចាត់ទុកនេះជាអាទិភាព និងជាជម្រើសយុទ្ធសាស្ត្រកំពូល។

សមមិត្ត Le Hoai Trung បានស្នើថា ភាគីទាំងពីរបន្តសម្របសម្រួលយ៉ាងជិតស្និទ្ធ ដើម្បីជំរុញការអភិវឌ្ឍន៍លើគ្រប់ជ្រុងជ្រោយនៃទំនាក់ទំនងទ្វេភាគី រួមទាំងជំរុញការផ្លាស់ប្តូរ និងទំនាក់ទំនងកម្រិតខ្ពស់នាពេលខាងមុខ។ ភាគីទាំងពីរបានអនុវត្តយ៉ាងហ្មត់ចត់នូវការយល់ដឹងរួមកម្រិតខ្ពស់ ជំរុញកិច្ចសហប្រតិបត្តិការលើគ្រប់វិស័យ រួមចំណែកពង្រឹងថែមទៀតទំនាក់ទំនងភាពជាដៃគូសហប្រតិបត្តិការយុទ្ធសាស្ត្រលើគ្រប់ជ្រុងជ្រោយ និងកសាងសហគមន៍ចែករំលែកអនាគតវៀតណាម-ចិនដែលមានសារៈសំខាន់ជាយុទ្ធសាស្ត្រ។

លោកឯកអគ្គរដ្ឋទូត Ha Vi បានអបអរសាទរខួបលើកទី 75 នៃទិវាប្រពៃណីរបស់គណៈកម្មាធិការទំនាក់ទំនងខាងក្រៅមជ្ឈិម និងវាយតំលៃខ្ពស់ចំពោះតួនាទីរបស់គណៈកម្មាធិការទំនាក់ទំនងខាងក្រៅមជ្ឈិមក្នុងការជំរុញទំនាក់ទំនងរវាងបក្សទាំងពីរនិងប្រទេសទាំងពីរ។ លោកឯកអគ្គរដ្ឋទូតបានសម្តែងនូវកិត្តិយសក្នុងការទទួលយកការចាត់តាំងនៅវៀតណាម ដោយសង្កត់ធ្ងន់លើតួនាទីដឹកនាំនៃទំនាក់ទំនងបណ្តាញបក្សក្នុងទំនាក់ទំនងរួមរវាងប្រទេសទាំងពីរ ជាពិសេសដំណើរទស្សនកិច្ចរបស់ថ្នាក់ដឹកនាំជាន់ខ្ពស់នៃបក្សទាំងពីរ និងប្រទេសទាំងពីរនាពេលថ្មីៗនេះ។ លោកឯកអគ្គរដ្ឋទូតសង្ឃឹមថា ភាគីទាំងពីរនឹងបន្តសម្របសម្រួលដើម្បីជំរុញការអភិវឌ្ឍន៍ទំនាក់ទំនងរវាងបក្សទាំងពីរ និងប្រទេសទាំងពីរឱ្យស៊ីជម្រៅក្នុងទិសដៅ “៦ បន្ថែមទៀត”។

លោកឯកអគ្គរដ្ឋទូត Ha Vi បានស្នើថា ភាគីទាំងពីរពង្រឹងកិច្ចសហប្រតិបត្តិការក្នុងការស្រាវជ្រាវទ្រឹស្តីលើវិស័យកសាងបក្ស មាគ៌ាឆ្ពោះទៅសង្គមនិយម និងការអភិវឌ្ឍន៍សេដ្ឋកិច្ចទីផ្សារសង្គមនិយមសមស្របនឹងលក្ខណៈរបស់ប្រទេសនីមួយៗ។ លោកឯកអគ្គរដ្ឋទូតសង្ឃឹមថា ភាគីទាំងពីរនឹងបង្កើនការងារឃោសនាដើម្បីពង្រឹងមូលដ្ឋានសង្គមនៃទំនាក់ទំនងទ្វេភាគី ដើម្បីឱ្យមន្ត្រី សមាជិកបក្ស និងប្រជាជននៃប្រទេសទាំងពីរយល់កាន់តែស៊ីជម្រៅអំពីប្រពៃណីមិត្តភាពរវាងបក្សទាំងពីរប្រទេស និងប្រជាជនទាំងពីរ សមិទ្ធិផលបច្ចុប្បន្ននៃកិច្ចសហប្រតិបត្តិការមិត្តភាព និងអនាគតភ្លឺស្វាងនៃទំនាក់ទំនងរវាងបក្ស និងប្រទេសទាំងពីរ។

ប្រភព៖ https://nhandan.vn/thuc-day-quan-he-viet-nam-trung-quoc-phat-trien-toan-dien-post842662.html