បង្កើតទីផ្សារភាគហ៊ុនប្រកបដោយសុវត្ថិភាព តម្លាភាព និងទាក់ទាញ

កប.អនឡាញ - នាថ្ងៃទី ២១ ខែកុម្ភៈ ថ្លែងក្នុងសន្និសីទស្តីពីទិសដៅអភិវឌ្ឍន៍ទីផ្សារភាគហ៊ុនក្នុងនិន្នាការសមាហរណកម្មដែលរៀបចំដោយគណៈកម្មការមូលបត្ររដ្ឋវៀតណាម (ក្រសួងហិរញ្ញវត្ថុ) នៅខេត្ត Quang Nam រដ្ឋមន្ត្រីក្រសួងហិរញ្ញវត្ថុលោក Nguyen Van Thang បានឲ្យដឹងថា៖ ក្នុងប៉ុន្មានឆ្នាំថ្មីៗនេះ ទីផ្សារភាគហ៊ុនជាពិសេសបានបន្តងើបឡើងវិញ និងកាន់តែមានតម្លាភាព ស្ថិរភាព និងរលូន។

ទីផ្សារភាគហ៊ុនបានដើរតួនាទីជាបណ្តាញវិនិយោគដែលអាចបត់បែនបាន និងទាក់ទាញសម្រាប់អ្នកវិនិយោគក្នុងស្រុក និងបរទេស ហើយទន្ទឹមនឹងនោះក៏ជាបណ្តាញកៀងគរមូលធនរយៈពេលមធ្យម និងវែងដ៏សំខាន់សម្រាប់សហគ្រាស ដើម្បីលើកកម្ពស់ផលិតកម្ម និងសកម្មភាពអាជីវកម្ម បង្កើតការងារ និងជីវភាពរស់នៅរបស់ប្រជាជន។ ការអភិវឌ្ឍន៍លើទំហំ និងគុណភាពនៃទីផ្សារភាគហ៊ុនវៀតណាមបានទាក់ទាញការចាប់អារម្មណ៍យ៉ាងខ្លាំងពីអ្នកវិនិយោគក្នុងស្រុក និងអន្តរជាតិ។

នៅឆ្នាំ 2025 ឧស្សាហកម្មមូលបត្រនឹងបន្តខិតខំប្រឹងប្រែងជាបន្តបន្ទាប់ចាប់ពីកំណែទម្រង់ហេដ្ឋារចនាសម្ព័ន្ធ ការកែលម្អគុណភាពសេវាកម្ម ជាពិសេសការទាក់ទាញវិនិយោគិនអន្តរជាតិ ទាក់ទាញដើមទុនរយៈពេលមធ្យម និងវែងសម្រាប់ថវិការដ្ឋ សម្រាប់អាជីវកម្ម និងសេដ្ឋកិច្ច។ អាស្រ័យហេតុនេះ បង្កើតបរិយាកាសវិនិយោគប្រកបដោយតម្លាភាព សុវត្ថិភាព និងទាក់ទាញ ទើបទីផ្សារភាគហ៊ុនវៀតណាមក្លាយជាគោលដៅដែលអាចទុកចិត្តបានសម្រាប់វិនិយោគិនក្នុងស្រុក និងបរទេស។

គេដឹងថា សិក្ខាសាលានេះគឺជាផ្នែកមួយនៃកម្មវិធីសន្និសីទអនុគណៈកម្មាធិការតំបន់អាស៊ីប៉ាស៊ីហ្វិក (APRC) នៃអង្គការអន្តរជាតិនៃគណៈកម្មការមូលបត្រ (IOSCO) ក្នុងឆ្នាំ 2025 ដែលប្រព្រឹត្តទៅរយៈពេល 3 ថ្ងៃ (ចាប់ពីថ្ងៃទី 19 ដល់ថ្ងៃទី 21 ខែកុម្ភៈ) នៅខេត្ត Quang Nam និងទីក្រុង Da Nang ។

ស៊ីនណាម៉ុន

ប្រភព៖ http://baodanang.vn/kinhte/202502/phat-trien-thi-truong-chung-khoan-an-toan-minh-bach-va-hap-dan-4001094/