មេដឹកនាំវៀតណាម ផ្ញើសាររំលែកទុក្ខដល់កម្ពុជា ក្រោយផ្ទុះឃ្លាំងអាវុធ

កាលពីថ្ងៃទី ២៧ ខែ មេសា កន្លងទៅនេះ ប្រធានាធិបតីស្តីទី Vo Thi Anh Xuan បានផ្ញើសាររំលែកទុក្ខដល់ ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។ នាយករដ្ឋមន្រ្តី Pham Minh Chinh បានផ្ញើលិខិតចូលរួមរំលែកទុក្ខជូនសម្តេច Thipadei Hun Manet នាយករដ្ឋមន្រ្តី។

នាថ្ងៃដដែល រដ្ឋមន្ត្រីការបរទេស Bui Thanh Son បានផ្ញើសាររំលែកទុក្ខជូនឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា សុខ ចិន្តាសោភា។

ហេតុការណ៍ផ្ទុះឃ្លាំងអាវុធក្នុងខេត្តកំពង់ស្ពឺ ប្រទេសកម្ពុជា កាលពីថ្ងៃទី២៧ ខែមេសា។

កន្លងមកកាលពីថ្ងៃទី២៧ ខែមេសា កងទ័ពកម្ពុជាបានប្រកាសថា ទាហាន២០នាក់បានស្លាប់ និងជាច្រើននាក់ទៀតបានរងរបួសក្នុងហេតុការណ៍បំផ្ទុះគ្រាប់បែកនៅមូលដ្ឋានយោធភូមិភាគទី៣ ក្រុងច្បារមន ខេត្តកំពង់ស្ពឺ។

ក្នុងរបាយការណ៍នេះ រថយន្តដឹកគ្រាប់រំសេវចំនួន២គ្រឿង មកពីខេត្តកោះកុង បានផ្ទុះឆេះ ឃ្លាំងអាវុធចំនួន៣ បានដួលរលំ អគារការិយាល័យមួយកន្លែង លំនៅឋានក្នុងតំបន់យោធា និងផ្ទះប្រជាពលរដ្ឋចំនួន ២៥ខ្នង បានរងការខូចខាត និងរថយន្តជាច្រើនគ្រឿងផ្សេងទៀត បានរងការខូចខាតយ៉ាងដំណំ។

ក្នុងសេចក្តីថ្លែងការណ៍នៅថ្ងៃដដែលនោះ លោកនាយករដ្ឋមន្ត្រី ហ៊ុន ម៉ាណែត បានសម្តែងការតក់ស្លុតជាខ្លាំង ពេលទទួលបានព័ត៌មាននៃការផ្ទុះអាវុធ។ សម្តេចបានផ្ញើសាររំលែកទុក្ខដល់គ្រួសារយោធិន និងបានសម្រេចឧបត្ថម្ភថវិកាចំនួន ២ម៉ឺនដុល្លារសម្រាប់គ្រួសារយោធិនដែលបានបាត់បង់ជីវិតក្នុងម្នាក់ៗ និង៥ពាន់ដុល្លារសម្រាប់យោធិនរងរបួសម្នាក់ៗ។

លោកនាយករដ្ឋមន្ត្រី ហ៊ុន ម៉ាណែត ក៏បានចាត់ឲ្យរដ្ឋមន្ត្រីក្រសួងការពារជាតិ លោក ទៀ សីហា និងអគ្គមេបញ្ជាការរងនៃកងយោធពលខេមរភូមិន្ទ លោក វង្ស ពិសី រៀបចំពិធីបុណ្យសពសមរម្យជូនដល់យោធិនដែលបានទទួលមរណភាព ដោយការចំណាយទាំងអស់ត្រូវរ៉ាប់រងដោយរដ្ឋាភិបាល។

ត្រាខាញ់

ប្រភព