គ្មានសញ្ញាណាមួយដែលកូរ៉េខាងជើងផ្គត់ផ្គង់សព្វាវុធឲ្យរុស្ស៊ី

កាលពីថ្ងៃទី៥ ខែកញ្ញា ទីប្រឹក្សាសន្តិសុខជាតិអាមេរិក លោក Jake Sullivan បានអំពាវនាវឱ្យកូរ៉េខាងជើងកុំផ្តល់អាវុធដ៍សាហាវណាមួយដល់រុស្ស៊ី។

Nhà lãnh đạo Triều Tiên Kim Jong-un và Bộ trưởng Quốc phòng Nga Sergei Shoigu tại một cuộc triển lãm vũ khí ở Bình Nhưỡng trong tháng 7

មេដឹកនាំកូរ៉េខាងជើង លោក គីម ជុងអ៊ុន និងរដ្ឋមន្ត្រីការពារជាតិរុស្ស៊ី លោក Sergei Shoigu នៅឯពិព័រណ៍អាវុធក្នុងទីក្រុងព្យុងយ៉ាង ក្នុងខែកក្កដា ឆ្នាំ២០២៣។ (ប្រភព៖ Reuters)

យោងតាមទីប្រឹក្សា Jake Sullivan មិនមានសញ្ញាណាមួយដែលថាទីក្រុងព្យុងយ៉ាងបានផ្តល់សព្វាវុធក្នុងបរិមាណច្រើនដល់ទីក្រុងមូស្គូនោះទេ ប៉ុន្តែការចរចាររវាងប្រទេសទាំងពីរកំពុង "រីកចម្រើនជាវិជ្ជមាន"។

លោក Sullivan បាននិយាយនៅក្នុងសន្និសីទសារព័ត៌មានមួយនៅសេតវិមានថា "យើងនឹងបន្តនិយាយចេញមក ហើយយើងនឹងបន្តអំពាវនាវឱ្យកូរ៉េខាងជើងគោរពតាមការប្តេជ្ញាចិត្តជាសាធារណៈរបស់ខ្លួនមិនផ្តល់អាវុធដល់ប្រទេសរុស្ស៊ី" ។

មុននេះ មានព័ត៌មានថា មេដឹកនាំកូរ៉េខាងជើង លោក គីម ជុងអ៊ុន ប្រហែលជានឹងកំពុងពិចារណាធ្វើទស្សនកិច្ចនៅប្រទេសរុស្ស៊ី ដើម្បីជួបជាមួយប្រធានាធិបតី វ្ល៉ាឌីមៀ ពូទីន និងពិភាក្សាអំពីកិច្ចព្រមព្រៀងអាវុធរវាងប្រទេសទាំងពីរ។

ទីប្រឹក្សា Sullivan បានបញ្ជាក់ពីផ្នែកខ្លះនៃព័ត៌មានខាងលើ នៅពេលដែលគាត់បាននិយាយថា មេដឹកនាំកូរ៉េខាងជើងរំពឹងថានឹងមានទំនាក់ទំនងកម្រិតខ្ពស់ជាមួយរុស្ស៊ី រួមទាំងនៅកម្រិតថ្នាក់ដឹកនាំផងដែរ។

កូរ៉េខាងជើងមិនទាន់ធ្វើអត្ថាធិប្បាយនៅឡើយទេ ខណៈដែលវិមានក្រឹមឡាំងបានបដិសេធមិនបញ្ជាក់ពីព័ត៌មាននេះ។

មុននេះ អ្នកនាំពាក្យក្រសួងការបរទេសអាមេរិកបានព្រមានថា ប្រទេសនេះនឹងចាត់វិធានការប្រឆាំងនឹងប្រទេសណាមួយដែលគាំទ្រយុទ្ធនាការយោធាពិសេសរបស់រុស្ស៊ីនៅអ៊ុយក្រែន។

ប្រភព