ឃាត់ខ្លួនបណ្ដោះអាសន្នអ្នកបើកបររថយន្តក្រឡាប់បណ្ដាលឲ្យស្លាប់៣នាក់ ក្នុង១គ្រួសារ

នគរបាលក្រុង Buon Ma Thuot ខេត្ត Dak Lak បានផ្តួចផ្តើមសំណុំរឿងព្រហ្មទណ្ឌ ផ្តន្ទាទោសជនជាប់ចោទ និងឃុំខ្លួនបណ្តោះអាសន្ន អ្នកបើកបររថយន្តភីកអាប់ ដែលបើកបរមិនប្រយ័ត្ន ក្រឡាប់បណ្តាលឲ្យសោកនាដកម្ម។

នៅរសៀលថ្ងៃទី២ ខែសីហា នេះ អធិការនគរបាលក្រុងប៊ុនម៉ាធឿត បានឲ្យដឹងថា ពួកគេបានផ្តើមសំណុំរឿង ចោទប្រកាន់ជនជាប់ចោទ និងឃុំខ្លួនបណ្តោះអាសន្ន អ្នកបើកបររថយន្តភីកអាប់ ដែលពាក់ព័ន្ធករណីគ្រោះថ្នាក់ចរាចរណ៍ បណ្តាលឲ្យស្លាប់មនុស្ស៣នាក់ នៅព្រឹកនោះ។

អ្នកបើកបររថយន្តភីកអាប់ក្នុងគ្រោះថ្នាក់នេះមានឈ្មោះ ត្រឹន ដូនទុង (អាយុ៤៩ឆ្នាំ មានទីលំនៅសង្កាត់ក្រាំងប៉ាក)។

តាមខ្សែអាត់វីដេអូដែលថតបានដោយរថយន្តរបស់ប្រជាពលរដ្ឋបានឲ្យដឹងថា នៅវេលាម៉ោងកើតហេតុ អ្នកបើកបររថយន្ត តុង បានជែងរថយន្តនៅខាងមុខ ហើយបានជ្រុលទៅបុកម៉ូតូដែលបើកបរដោយលោកស្រី Quach Thi L. (អាយុ ៣៦ ឆ្នាំ រស់នៅឃុំ អ៊ាដា ស្រុក អ៊ាខា) ដឹកប្តី និងកូនតាមពីក្រោយ។

ជាលទ្ធផលជនរងគ្រោះទាំង៣នាក់ដែលជិះម៉ូតូដួលលើថ្នល់ស្លាប់នៅនឹងកន្លែង ។ សមត្ថកិច្ចបានកំណត់ថា មូលហេតុដំបូងនៃគ្រោះថ្នាក់គឺដោយសាររថយន្តដឹកទំនិញបើកជែងរថយន្តមួយគ្រឿងទៀតដោយមិនបានធានាសុវត្ថិភាព ។

យោងតាមសារព័ត៌មាន SGGP News បានឲ្យដឹងថា នៅវេលាម៉ោងប្រមាណ ៦ និង៥៣នាទី ព្រឹកថ្ងៃទី២ ខែសីហា នេះ អ្នកស្រី Quach Thi L. បានជិះម៉ូតូដឹកប្តី និងកូនប្រុស នៅលើផ្លូវជាតិលេខ២៦ ពីក្រុង Buon Ma Thuot ទៅស្រុក Krong Pak។

ខណៈធ្វើដំណើរមកដល់ភូមិ១២ សង្កាត់អៀទឿ (ក្រុងប៊ុនម៉ាធួត) ស្រាប់តែត្រូវរថយន្តបែនដឹកដីបើកដោយអ្នកបើកបរឈ្មោះ ទុង ក្នុងទិសដៅផ្ទុយគ្នា ។ គ្រោះថ្នាក់នេះបណ្ដាលឲ្យគ្រួសាររបស់អ្នកស្រី ឡ ស្លាប់ទាំងស្រុង ម៉ូតូខូចខាតផ្នែកខាងមុខរថយន្តរងការខូចខាត។

ករណីនេះកំពុងត្រូវបានស៊ើបអង្កេតបន្ថែម និងបញ្ជាក់ឱ្យច្បាស់ ។

ម៉ៃ គុ

ប្រភព៖ https://www.sggp.org.vn/khoi-to-bat-tam-giam-tai-xe-vuot-au-khien-3-nguoi-trong-1-gia-dinh-tu-vong-post752308.html