ជំរុញកិច្ចសហប្រតិបត្តិការវៀតណាម-ឆែកលើគ្រប់វិស័យ

ចាប់ពីថ្ងៃទី ៩ ដល់ថ្ងៃទី ១០ ខែមិថុនា រដ្ឋមន្ត្រីក្រសួងការបរទេស Bui Thanh Son បានទៅបំពេញទស្សនកិច្ចជាផ្លូវការនៅសាធារណរដ្ឋឆែក។ ក្នុងដំណើរទស្សនកិច្ចនេះ រដ្ឋមន្ត្រី Bui Thanh Son បានជួបជាមួយប្រធានព្រឹទ្ធសភាឆែក Milos Vystrcil; ជួបពិភាក្សាជាមួយរដ្ឋមន្ត្រីការបរទេសឆែក Jan Lipavský។ ក្នុងជំនួបជាមួយថ្នាក់ដឹកនាំឆែក រដ្ឋមន្ត្រី Bui Thanh Son បានអះអាងថា វៀតណាមជានិច្ចកាលយកចិត្តទុកដាក់លើការជំរុញទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការពហុភាគីរវាងវៀតណាម និងសាធារណៈរដ្ឋឆែក។ មានបំណងចង់បន្តជំរុញកិច្ចសហប្រតិបត្តិការជាមួយសាធារណរដ្ឋឆេកលើគ្រប់វិស័យ។

រដ្ឋមន្ត្រីក្រសួងការបរទេស Bui Thanh Son និងប្រធានព្រឹទ្ធសភានៃសាធារណរដ្ឋឆែក Milos Vystrcil។ រូបថត៖ VNA

ថ្នាក់ដឹកនាំឆែកបានអះអាងថា វៀតណាមគឺជាដៃគូដ៏សំខាន់បំផុតរបស់សាធារណរដ្ឋឆេកនៅអាស៊ីអាគ្នេយ៍; សម្តែងការចាប់អារម្មណ៍ចំពោះសមិទ្ធិផលអភិវឌ្ឍន៍សេដ្ឋកិច្ច-សង្គមរបស់វៀតណាមក្នុងប៉ុន្មានឆ្នាំថ្មីៗនេះ; វាយតម្លៃខ្ពស់ចំពោះគោលជំហរ និងតួនាទីសំខាន់របស់វៀតណាម។

ភាគីទាំងពីរបានឯកភាពពិភាក្សា និងឯកភាពគ្នាឆាប់ៗលើក្របខណ្ឌទំនាក់ទំនងថ្មី ដើម្បីជំរុញកិច្ចសហប្រតិបត្តិការលើគ្រប់ជ្រុងជ្រោយរវាងប្រទេសទាំងពីរ។ ប្រើប្រាស់ប្រកបដោយប្រសិទ្ធភាពនូវកាលានុវត្តភាពនៃកិច្ចព្រមព្រៀងពាណិជ្ជកម្មសេរីវៀតណាម-EU (EVFTA) បង្កើតលក្ខខណ្ឌសម្រាប់នាំចេញទំនិញនៃប្រទេសទាំងពីរចូលទៅកាន់ទីផ្សាររបស់គ្នាទៅវិញទៅមក។ លើកកំពស់ប្រសិទ្ធភាពនៃគណៈកម្មាធិការអន្តររដ្ឋាភិបាលវៀតណាម-សាធារណរដ្ឋឆេក ស្តីពីកិច្ចសហប្រតិបត្តិការសេដ្ឋកិច្ច និងបង្កើតលក្ខខណ្ឌអំណោយផលសម្រាប់អាជីវកម្មនៃប្រទេសទាំងពីរ។

ទាក់ទងនឹងកិច្ចសហប្រតិបត្តិការអន្តរជាតិ ភាគីទាំងពីរបានឯកភាពពង្រឹងការសម្របសម្រួលយ៉ាងជិតស្និទ្ធ និងគាំទ្រគ្នាទៅវិញទៅមកនៅអង្គការ និងវេទិកាពហុភាគី ជាពិសេសនៅអង្គការសហប្រជាជាតិ (UN) ASEM និងក្នុងក្របខ័ណ្ឌនៃភាពជាដៃគូយុទ្ធសាស្ត្រអាស៊ាន-សហភាពអឺរ៉ុប។ អំពីបញ្ហាសមុទ្រខាងកើត ភាគីទាំងពីរបានចែករំលែកជំហរគាំទ្រការដោះស្រាយវិវាទដោយសន្តិវិធី ឈរលើមូលដ្ឋានច្បាប់អន្តរជាតិ និងធម្មនុញ្ញអង្គការសហប្រជាជាតិ គោរពអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS)។

ក្រុមចម្រៀង

ប្រភព