គណបក្សប្រជាជនកម្ពុជាឈ្នះ

SGGP ០៧/២៤/២០២៣ ០៦:៣៩

កាលពីថ្ងៃទី២៣ ខែកក្កដា គណបក្សប្រជាជនកម្ពុជា របស់លោកនាយករដ្ឋមន្ត្រី ហ៊ុន សែន បានប្រកាសជ័យជម្នះយ៉ាងត្រចះត្រចង់ក្នុងការបោះឆ្នោតជ្រើសតាំងតំណាងរាស្រ្ត នីតិកាលទី៧។

លោកនាយករដ្ឋមន្ត្រី ហ៊ុន សែន និងភរិយា នៅការិយាល័យបោះឆ្នោត នៅព្រឹកថ្ងៃទី២៣ ខែកក្កដា។ រូបថត៖ AP

អ្នកនាំពាក្យគណបក្សប្រជាជនកម្ពុជា លោក សុខ ឥសាន មានប្រសាសន៍ថា “យើងបានទទួលជ័យជម្នះដ៏លើសលប់ ប៉ុន្តែមិនទាន់មានតួលេខច្បាស់លាស់អំពីចំនួនអាសនៈដែលបានទទួលនោះទេ។

យោងតាមគណៈកម្មាធិការជាតិរៀបចំការបោះឆ្នោត (គ.ជ.ប) ការបោះឆ្នោតជ្រើសតាំងតំណាងរាស្រ្តកម្ពុជា មានអត្រាអ្នកទៅបោះឆ្នោត ៨៤% ខ្ពស់ជាងអត្រានៅក្នុងការបោះឆ្នោតឆ្នាំ ២០១៨ និងឆ្នាំ ២០២២ ក្នុងចំណោមគណបក្សនយោបាយចំនួន ១៨ ដែលចូលរួមការបោះឆ្នោតជ្រើសតាំងតំណាងរាស្រ្ត នីតិកាលទី ៧ នៅកម្ពុជា លើកនេះ មាន ១៧ គណបក្សប្រកួតប្រជែងជាមួយគណបក្សកាន់អំណាច។

យោងតាម គ.ជ.ប អ្នកសង្កេតការណ៍ជាង ៩ ម៉ឺននាក់បានតាមដាន និងត្រួតពិនិត្យការបោះឆ្នោតនេះ ក្នុងនោះមានអ្នកសង្កេតការណ៍ជាង ៨៩.៥០០ នាក់មកពីអង្គការក្នុងស្រុកចំនួន ១៣៥ និងអ្នកសង្កេតការណ៍អន្តរជាតិ ៥៨៦ នាក់។ អ្នកយកព័ត៌មានជិត ១៣០០នាក់ ក្នុងនោះមានអ្នកយកព័ត៌មានអន្តរជាតិចំនួន ១៣៧នាក់ បានរាយការណ៍អំពីការបោះឆ្នោត។

ការបោះឆ្នោតគឺជាការសាកល្បងដ៏សំខាន់មួយនៃសមត្ថភាពរបស់កម្ពុជាក្នុងការស្តារស្ថិរភាពនេះបើតាមកាសែតខ្មែរថាមស៍។ វាគឺជាការរៀបចំសម្រាប់ការផ្ទេរអំណាចដោយសន្តិវិធី ដែលអាចប្រព្រឹត្តទៅចន្លោះឆ្នាំ 2023 និង 2028។ លោកនាយករដ្ឋមន្ត្រី ហ៊ុន សែន បានព្យាយាមអស់ពីសមត្ថភាព ដើម្បីធានាថា ការផ្ទេរអំណាចនឹងប្រព្រឹត្តទៅដោយសន្តិវិធី សណ្តាប់ធ្នាប់ និងរលូន។

កន្លងមក ការចែករំលែកជាមួយប៉ុស្តិ៍ទូរទស្សន៍ Phoenix របស់ប្រទេសចិន លោកនាយករដ្ឋមន្ត្រី ហ៊ុន សែន បានថ្លែងថា កូនប្រុសច្បងរបស់លោក គឺលោក ហ៊ុន ម៉ាណែត អាចក្លាយជានាយករដ្ឋមន្ត្រីកម្ពុជា ក្នុងរយៈពេល ៤សប្តាហ៍ក្រោយការបោះឆ្នោត។

ប្រភព